Efesarja 6:23 - O Debleskro Lab 2024 (Sinte-Manouche)

²³ Mire phrala, o Debleskri barht vell t'mentsa, ninna kamlepen oun patsepen! Kova dell t'men o Devel, maro dad, oun o Yezous Kristo, maro ray.

O Debleskro Drom 2021 (Sinte)

²³ Mire phrala, o Debleskri bacht well tumentsa, ninna kamlepen un patsepen! Kowa dell tumen o Dewel, maro dad, un o Jesus Kristo, maro rai.

Efesarja 6:23 Iomraidhean Croise

1. Mose 43:23

“Hi mishto”, penas ko rom. “Ma darenn! T'maro Devel, kay ninna t'maro dadeskro Devel hi, čivas kol love an t'mare gone. Me lom t'mare love, hoy dan man.” Oun yob anas o Simeones pash lende.

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Remarja 1:7

Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

Remarja 15:33

O Devel djal t'mentsa lauterentsa oun dell t'men peskri barht an o dji! Amen.

1. Korintarja 1:3

Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

Galatarja 6:16

Me kamoms, te dell o Devel peskri barht oun peskro kamlepen lauterende, kay rikrenn pen ap kal laba. Mou vell kova ninna ap i tsele Debleskre menshende an Israel!

Efesarja 6:24

O Debleskro lačepen vell pral lauterende, kay kamenn maro rayes, o Yezous Kristes, o tselo djiyeha! Yob dell len o djipen, hoy gar pre-herella!

1. Tessalonikarja 5:8

Mer djivah ap o dives. Doleske das yak, har te djivas! Yaake har i kourepaskro rivell i sasterno gad ap peste, te nay doukrell les kek, yaake rivas mer o patsepen oun o kamlepen ap mende har i ripen. I kourepaskro čivell ninna i sasterni stadi ap peskro shero, te doukrell les kek ap leskro shero. Yaake nay doukrell men kek, te dikah mer ap o Yezous Kristeste, oun djinah zoreles, te lell men o Yezous Kristo dran o čilačepen oun o merepen vin.

2. Tessalonikarja 1:3

Mire phrala, mer hounte parkras men t'menge pash o Debleste hako tsiro, yaake boud lačepen shounam t'mendar. T'maro patsepen vell baro oun bareder. Oun pash t'mende lauterende vell o kamlepen bareder, kay yek o vavareske hi.

2. Tessalonikarja 3:16

Maro ray Yezous, kolestar vella i tseli barht, kolestar mangau, te dell lo t'men hako tsiro peskri barht an o dji, kote, kay t'mer han. Maro ray Yezous djal t'mentsa lauterentsa!

1. Timoteo 1:14

Yaake lačo his o Yezous Kristo mange, te das lo man ninna o patsepen ap leste oun o kamlepen i vavarenge.

1. Timoteo 1:3

Tou djineh, har me touke penom, te ačess an o foro Efesus. Kova mangom toutar, har me an o them Macedonia djom. An o foro Efesus hi menshe, kay sikrenn i patslende i rhorheno drom, hoy anell len gar pash o Debleste. Kolenge peness, te moukenn le kova.

1. Timoteo 5:8

Koon gar peskre menshenge koy hi, oun kolenge, kay pash leste an o kheer djivenna, kova nashras peskro patsepen, oun hi har yek, kay patsell gar ap o Yezous Kristeste.

1. Petro 5:14

Te venn t'mer khetne, denn t'men i čoum, te dikell hakeno, kay t'mer phrala oun phenya han! O Debleskri barht t'menge lauterenge, kay djan ap o Yezous Kristeskro drom!

3. Johanni 1:14

Vals mishto, te dikams men yaake sik, har djala. Koy rakrams nay pral lauter.

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.

1. Samuel 25:6

oun penenn: Te djivess i shoukar djipen! I barht vell touha oun tire menshentsa, oun ap lauter, hoy touke hi!