Efesarja 6:21 - O Debleskro Lab 2024 (Sinte-Manouche)

^21-22 Me bičrom maro lačo phrales, o Tichiko, pash t'mende, te penell lo t'menge, har mange djala, oun hoy me krau. Yob boudrell o Yezouseske, maro rayeske, oun krell peskri boudi mishto. Me bičrom les pash t'mende, te djinenn t'mer kova lauter, oun te krell lo t'mare djia zoreles.

O Debleskro Drom 2021 (Sinte)

^21-22 Me bitchrom maro latcho phrales, o Tichiko, pash tumende, te penell lo tumenge, har mange djala, un hoi me krau. Job budrell o Jesuseske, maro rajeske, un krell peskri budi mishto. Me bitchrom les pash tumende, te djinenn tumer kowa lauter, un te krell lo tumare djia soreles.

Efesarja 6:21 Iomraidhean Croise

Bičepangre 20:4

Khetne leha djas ninna o Sopater dran o foro Berea, leskro dad his o Pirro. Dran o foro Tessalonika djas ninna o Aristarko oun o Sekundo lentsa. Dran o foro Derbe vas o Gayo lentsa. Ninna o Timoteo djas lentsa. Oun o Tichiko oun o Trofimo van dran ko them Asia lentsa.

1. Korintarja 4:17

Me bičrom o Timoteste pash t'mende. Kova hi miro kamlo oun lačo čavo an o patsepen. Yob penell t'menge, har me ko drom djau, hoy o Yezous Kristo sikras mande, oun har rakrau lestar an hake gaba oun forya, kay i patsle khetne venna.

Filiparja 1:12

Shounenn, mire phrala, me kamau te djinenn t'mer kova: Dran lauter, hoy ap mande vas, shounan boud menshe o lačo lab o Yezous Kristestar.

Kolossarja 1:7

Kava lab penas t'menge maro kamlo phraal, o Epafras. Kova boudrella o Yezous Kristeske har mer. Yob krell peskri boudi mishto pash t'mende.

1. Timoteo 4:6

Te peneh tou kava koova i patslenge, hal tou o Yezouseskro lačo boudepaskro. Yaake sikreh, kay djiveh pal o lačo lab o Yezous Kristestar, hoy tou shounal oun patsal, oun kay djah tou doureder ap o Debleskro drom!

2. Timoteo 4:12

O Tichikes bičrom an o foro Efesus.

Tito 3:12

Me kamau te bičrap i phrales pash toute: nay vell o Artemas, nay vell o Tichiko. Te vell yek lendar pash toute, palle hounte vess tou sik pash mande kate an o foro Nikopolis. Me kamau te ačap kate pral o vend.

Filemon 1:16

Kanna hi lo touke bouder gar kokres i boudepaskro. Na-a. Yob hi boudeder har kova. Yob hi i lačo phraal. Kova hi lo mange, oun har boud boudeder hi lo kova kanna touke: Yob hi tiro boudepaskro oun ninna tiro phraal an o patsepen.

1. Petro 5:12

Maro lačo phraal, o Silvano, vas mange ap i rig, te činell lo kava tikno liil. An kava liil kamoms te penap t'menge an o dji, te djinenn čačepah: O Devel hi t'menge lačo. Ačenn pash leste!

2. Petro 3:15

Dikenn, te vell maro ray Yezous gar yaake sik pale, krell lo kova, te dell lo i menshen gomme i tsiro, te venn le pash leste. Kova činas t'menge ninna maro kamlo phraal Paulo, koles o Devel boud gosvepen das.