Efesarja 6:10 - O Debleskro Lab 2024 (Sinte-Manouche)

¹⁰ Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

O Debleskro Drom 2021 (Sinte)

¹⁰ Ninna kamau tumenge te penell: Awenn soreles an o patsepen ap o rajeste, o Jesuseste! Les hi i bari soor tumenge.

Efesarja 6:10 Iomraidhean Croise

1. Familjakro liil 28:10

Doleske de tout yak, o baro Devel rodas tout vin, te kress i kheer leske. Ab zorelo, oun kre tout ap i boudi!”

1. Familjakro liil 28:20

Oun o David penas ap peskro čaveste, o Salomo: “Ab zorelo, ma traash oun kre tout ap i boudi! Ma dare či oun ma traash kekestar! O baro Devel, maro ray, kay miro Devel hi, hi pash toute oun vell touke ap i rig. Oun yob moukell tout gar, bis te tou kay tseli boudi ap o baro Debleskro kheer kral.

2. Familjakro liil 15:7

T'mer, avenn zorelo, ma moukenn t'men daar te krell! O baro Devel playsrell t'men koleske, hoy krenn!”

Debleskri gili 138:3

Ap ko dives, hoy me ap toute gole dom, shounal tou man, oun dal man pale bari zoor.

Jesaja 40:28

Hayvan t'mer gar? Shounan t'mer gar? O baro Devel hi i Devel kay ačell hako tsireske. Yob kras i tseli phoub. Khino vell lo gar, oun lestar djal i zoor gar krik. Leskro gosvepen hi yaake baro, te nay hatsell les kek vin.

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Haggai 2:4

Kanna penell t'menge o baro Devel: Avenn zoreles, tou, Zorobabel, oun tou Yeshoua, oun t'mer halauter, oun boudrenn! Me hom t'mentsa, penell o baro Devel, ko ray pral o bolepen oun i phoub.

Zakarie 8:13

T'mer menshe dran o them Youda oun dran o them Israel, hans i menshenge an vavar themma har menshe, ap kolende i bibarht čiddo hi. Kanna krau t'mentsa yaake, te dikenn le miri barht ap t'mende. Doleske ma darenn! Krenn t'mare vasta zoreles!”

Zakarie 8:9

Kova penell o baro Devel, ko ray pral o bolepen oun i phoub: “Krenn t'mare vasta zoreles, t'mer, kay kanna shounenn kal emlige laba, hoy mire rakepangre penan an ko tsiro, kay i telstoune barra pre-čiddo van miro nevo khereske!

1. Korintarja 16:13

Denn garda, te ačenn an o patsepen! Ma trashenn! Ačenn zoreles!

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

Efesarja 1:19

Oun me mangau lestar ninna, te hayvenn t'mer, har bari leskri zoor hi, hoy an mende hi, kay patsah. Koy zoor hi i emligi bari zoor,

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

5. Mose 31:23

Oun o baro Devel penas ap o Yosua, koleskro dad o Noun his: “Ab zorelo oun ma traash! Tou aness i Israelitaryen an ko them, koleske me man sovel dom, te anau len koy. Oun me kamau touha te vell.”

Filiparja 3:1

Mire phrala, avenn barhtelo, kay t'mer ap o rayeste, o Yezouseste, patsenn! Me vau gar khino, te činap t'menge pale te pale ko emligo koova, te venn t'mer zoreles an o dji.

Filiparja 4:13

O Yezous Kristo dell man i zoor, te djivap yaake te yaake.

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

Kolossarja 1:11

Lestar mangah, te dell lo t'men peskri bari zoor, te venn t'mare djia zoreles, te djan barhteles doureder ap leskro drom, ninna an ko tsiro, kay hi t'maro djipen pharo.

2. Timoteo 2:1

Tou, miro čavo Timoteo, vess zoreles an o patsepen! O Yezous Kristo dell tout koy zoor.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

1. Petro 4:11

Das tout o Devel gole, te rakress o Debleskro lab, palle rake o Debleskro lab! Das tout o Devel i zoor, te boudress i patslenge, palle kre kova an o Debleskri zoor! Yaake sharah mer o Debles an halauter, hoy o Yezous Kristo men das. Les hi o raylepen oun i zoor kanna oun hako tsiro. Amen!

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

1. Johanni 2:14

Čovale, t'menge činom kava lab, te bistrenn gar, kay hi o Devel t'maro dad. Phoure morshale, t'menge činom kava lab, te bistrenn gar o Yezouses, kay hako tsiro koy hi. Terne morshale, t'menge činom kava lab, te han t'mer zoreles. Oun o Debleskro lab ačell an t'mende. Oun t'mer kran gar, hoy o beng t'mendar kamas.

1. Samuel 23:16

Kote kras pes o Sauleskro čavo, o Yonatan, ap o drom, oun djas pash o David pre an Horesha, oun kras leskro dji zorelo an o patsepen ap o Debleste.