Efesarja 6:1 - O Debleskro Lab 2024 (Sinte-Manouche)

¹ T'mer čave, shounenn ap t'maro dadeste oun ap t'mari date! Kova hi mishto glan o Debleste.

O Debleskro Drom 2021 (Sinte)

¹ Tumer tchawe, shunenn ap tumaro dadeste un ap tumari date! Kowa hi mishto glan o Debleste.

Efesarja 6:1 Iomraidhean Croise

1. Mose 28:7

Yob dikas ninna, kay o Yakob shounas ap peskro dadeste oun ap peskri date oun djas an o them Paddan-Aram.

1. Mose 37:13

Oun o Israel penas ap o Yosefeste: “Tire phrala denn garda ap i bakrende pash o foro Sichem. Kamau te bičrap tout pash lende.” “Mishto”, penas o Yosef, “me krau, hoy peneh.”

1. Mose 48:12

Oun o Yosef las len lestar krik oun vitsras pes glan leste tele, peskro mouy ap i phoub.

1. Mose 50:12

Oun o Yakobeskre čave kran leha yaake, har o Yakob lenge penas.

Nehemia 9:13

Oun ap i berga Sinay val tou tele, oun dran o bolepen rakral tou lentsa. Oun tou penal lenge čačepaskre laba, hoy mishto hi, oun sikral len čače dromma, oun dal len lače laba, hoy penan lenge, hoy te krenn le.

Ester 2:20

I Ester shounas ap o Mordekay yaake har an ko tsiro, har yoy gomme pash leste his. Oun yaake har lo lake penas, penas li gar dran havo them oun have menshendar yoy hi.

Hiob 33:27

Ko mensho givell palle glan i menshende oun penell: “Me lom doosh ap mande, oun rissrom mange o čačepen yaake har me kamom. Oun miro Devel moukas kova gar ap miro shero pale te vell.

Debleskri gili 119:128

Tire tsele laba, hoy menge penal, hi mange mishto. Kamau či te djinell i rhorheno dromestar.

Debleskri gili 119:75

Baro Devel, me djinau, tou te deh i phagi, djah tou pal o čačepen. Touke his čačo har dal man i phagi.

Debleskri gili 19:8

O baro Debleskre laba hi lauter čačo oun krenn mare djia zorelo. O baro Debleskro rakepen hi lačo, oun krell i dinelen gosevo.

Gosewe laba 1:8

Miro čavo, shoun ap i laba, hoy tiro dad touke penell! De yak ap kova, hoy tiri day toutar kamell!

Gosewe laba 23:22

Shoun ap tiro dadeste oun tiri date! Yon dan tout o djipen. Ma dik tele ap lende, te van le phouro.

Gosewe laba 30:11

Hi menshe koy, kay rakrenn pral pengro dad bibarht vin, oun penenn kek lačo lab pral pengri date.

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

Gosewe laba 6:20

Miro čavo, rike tout ap i laba tiro dadestar! Ma biste ko drom, hoy tiri day toute sikras.

Jeremia 35:14

Kol laba, hoy penas o Yonadab, koleskro dad o Rekab his, peskre menshenge, kay pal leste venna, rikrenn yon dren bis ap kava dives, oun piyenn kek mool, yaake har lengro dad lenge penas. Me moukom t'menge pale te pale mire laba te penell, oun t'mer shounenn gar, hoy me penau.

Jeremia 35:18

I menshenge dran o kheer Rekab penas o Yeremia: Kava penell o baro Devel, ko ray pral o bolepen oun i phoub, kay o Israeleskro Devel hi: T'mer shounan ap t'maro dadeste Yonadab, oun rikran t'men ap leskre tsele laba, oun kran halauter yaake, har yob t'menge penas,

Jeremia 35:8

Yaake shounam ap o rakepen maro dadestar Yonadab an halauter, hoy yob menge penas, te piyas kek mool maro tselo djipen, mer gar, mare romya vitar gar, oun mare čave oun ča vitar gar.

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

3. Mose 19:3

Hakeno t'mendar hounte dikell pre ap peskri date oun ap peskro dadeste, oun hounte rikrell o Debleskro dives! Me, o baro Devel, hom t'maro Devel.

Louka 2:51

Palle djas lo lentsa pale an o foro Nazaret, oun kras lauter, hoy yon penan leske. Leskri day rikras kol tsele laba, hoy o Yezous penas, an peskro dji.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Remarja 7:12

Mer djinah: O Moseskre laba venna o Deblestar. Lauter, hoy yob mendar kamella, vell lestar, oun hi čačo oun lačo.

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

5. Mose 21:18

Te hi i romes i morsh čavo, kay hi bipandlo, oun krell halauter pal peskro shero oun shounell gar ap peskro dadeste oun peskri date, ninna te čingrenn le ap leste oun denn les dava,

1. Timoteo 5:4

Te hi kol djouvyen čave, čavengre čave, hounte venn kolla lenge koy. Yaake sikrenn yon, te patsenn le ap o Debleste. Oun yon parkrenn pen pash pengri day oun pengri mami, hoy kolla lenge lauter kran. Kova hi mishto glan o Debleskre yaka.

1. Petro 2:13

Shounenn ap kova, hoy kol pralstoune ap kay phoub penenna! Kova kamell o Devel, maro ray, yaake. Shounenn ap o baro rayeste pral o them!

Ruth 3:5

Oun yoy penas: “Lauter, hoy tou penal, kamau me te krell.”

1. Samuel 17:20

Kote stas o David sik taysarlakro pre, oun moukas i vavares ap i bakre yak te dell. Oun las ko tselo rhapen peha, oun djas koy, yaake har o Isay leske penas. Oun vas pash koy lourdengri platsa ap ko tsiro, har i tsele lourde vin djan hakeno ap peskri platsa o marepaske. Oun yon dan i bari kourepaskri gole.