Efesarja 5:8 - O Debleskro Lab 2024 (Sinte-Manouche)

⁸ Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

O Debleskro Drom 2021 (Sinte)

⁸ Glan ko tsiro, har tumer patslo wan, djan tumer ap o tchilatcho drom. Kowa his har te djans an i rati. Kanna hi kowa wawartchandes. Maro rai Jesus djiwell an tumare djia, un anas tumen ap peskro drom. Job hi i bari momeli tumenge. Djan kanna ap leskro drom, kai hi buder kek tamlepen!

Efesarja 5:8 Iomraidhean Croise

Debleskri gili 74:20

Biste gar koy sovel, hoy tou men dal, te rikreh tou pash mende! An o tselo them vell djoungelo oun čilačo koova kerdo an o khatepen.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 49:9

– te peness i pandlen: Djan vin; oun kolenge, kay an i kali rat hi: Avenn vin! Palle hi le har bakre, hoy rhapen hatsenn pash o drom. Oun ap o pralstouno them hatsenn le zenlepen.

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jesaja 9:2

Baro Devel, tou kral, te venn i menshe boud, kral, te vell lengri barht bares. Glan toute stenn oun sanenn le i barhtyatar, yaake har an ko tsiro, kay lenn le o djob dren, oun yaake har lourde barhtelo hi, te lenn le pengro kotar kolestar, hoy randedo vas an o kourepen.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Mateo 3:8

Sikrenn i menshende, te djan t'mer ap o Debleskro drom oun bouder gar ap o čilačo drom!

Mateo 4:16

T'menge hi ko lab, hoy o Debleskro rakepaskro penas: T'mer djivenna an i rati, oun dikenna i bari momeli. Yaake har o kham pre djala, vella i momeli pash kolende, kay hi len traash o merepastar.

Louka 1:79

oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

Johanni 1:9

Koy čači momeli vas ap i phoub, te rhačell li hakeneske.

Johanni 12:35

Penas o Yezous ap lende: “Koy momeli hi gar bouder rah pash t'mende. Djan t'maro drom yaake rah, har koy momeli pash t'mende hi, te vell gar i rati pral t'mende! Koon an i rati djala, djinell gar, kay yob djala.

Johanni 12:36

Patsenn ap koy momeli, yaake rah har t'men koy momeli hi! Palle venn t'mer menshe, kolen hi i momeli ap pengro drom oun djivenn gar an o tamlepen.” Har o Yezous kova ap lende penas, djas lo peske, oun khatras pes lendar.

Johanni 12:46

Me hom koy bari momeli, hoy vas ap kay phoub. Hakeno, koon ap mande patsella, ačell gar an i rati.

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

Remarja 13:12

Kava tsiro kanna hi har i rati. Sik hi i rati bouder gar kay. Oun o dives vella. Dran kova djivas gar har i menshe, kay djivenn an i rati. Te kras bouder gar čilačo koova! Kanna hounte kras mer kova, hoy mishto hi, te vell o čilačepen gar o ray pral mende.

Remarja 2:19

Me nay anau i korelen ap o Debleskro drom, ninna kolen, kay an i kali rat djana.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

2. Korintarja 3:18

Mer lauter, kay patslo ham, dikah o Debleskro raylepen yaake mishto, har te dikah an i dikepaskri. Kek diklo hi ap mare yaka čiddo. Oun har mer dikah ap leste, vah mer boud oun boudeder yaake, har yob hi. Kova krell o Debleskro Dourho an mende.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

2. Korintarja 6:14

Ma čivenn t'men khetne kolentsa, kay patsenn gar ap o Yezous Kristeste. Kolla, kay djivenn an o čačepen oun kolla, kay djivenn gar an o čačepen, nay djivenn gar khetne. O dives oun i rati nay venn gar khetne. Yaake nay vell o lačepen oun o čilačepen vitar gar khetne.

Galatarja 5:25

O Debleskro Dourho das men o nevo djipen. Doleske djivas yaake, har yob kamella.

Efesarja 2:2

T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

Efesarja 4:18

O Deblestar kamenn le či te djinell. Lengro dji hi har i bar. Yaake djan le ap i čilačo drom, oun prindjrenn ko djipen gar, hoy o Devel della.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.

Kolossarja 1:12

Parkrenn t'men o tselo djiyestar pash o Debleste, kay hi t'maro dad an o bolepen! Yob kras t'men moldo, te djivenn t'mer khetne i vavar patslentsa pash leste an o bolepen, kay hi kek tamlepen.

Kolossarja 1:13

Yob las men vin dran i vasta kolestar, kay hi o ray pral o tamlepen oun o čilačepen, te djivas mer khetne peskro Čaveha, koles yob o djiyestar kamella. Kova hi maro ray,

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.