Efesarja 5:4 - O Debleskro Lab 2024 (Sinte-Manouche)

⁴ Hi vitar gar čačo o Debleskre čavenge, te rakrenn le djoungele laba, dinelo koova, oun sapaskro koova, hoy či moldo hi! T'mare labentsa sharenn o Debles, oun parkrenn t'men pash leste! Kova krenn oun gar ko vavar!

O Debleskro Drom 2021 (Sinte)

⁴ Hi witar gar tchatcho o Debleskre tchawenge, te rakrenn le djungele laba, dinelo koowa, un sapaskro koowa, hoi tchi moldo hi! Tumare labentsa sharenn o Debles, un parkrenn tumen pash leste! Kowa krenn un gar ko wawar!

Efesarja 5:4 Iomraidhean Croise

Debleskri gili 33:1

T'mer, kay an o čačepen tardo han, denn gole i barhtyatar pral kova, hoy o baro Devel krell. Hi mishto, te sharenn les, t'mer, kay t'maro tselo djiyeha ap leste shounenn!

Debleskri gili 92:1

I gili, te givell ap o Debleskro dives.

Gosewe laba 12:23

Yek, kay gosevo hi, sikrell gar, har boud yob djinell. I dinele denn pengro dinlepen vin gole.

Gosewe laba 15:2

O gosevo rakrell yaake, te hayvenn i vavar, hoy mishto hi. Dran o narveleskro mouy vell či har dinlepen.

Gosewe laba 26:19

yaake hi ko morsh, kay peskro males rhorhell, oun palle penell: Hoy krom, his sapaske.

Sikepaskro 10:13

Hako lab, hoy penell lo, hi foun glanstounes bis palstounes dinelo rakepen.

Daniel 6:10

Yaake moukas o baro ray kava lab pre te činell oun čivas peskro lab tele.

Markus 7:22

Te rhorhell i morsh peskri romyat i vavar djouvyah, oun te rhorhell i djouvel peskro romes i vavar morsheha, vell kova dran lengre djia. Dran o dji vell ninna i bok pal i love, o rhorhepen, vi-ladjedo koova oun dinlepen. Dran o dji vell ninna, te dikell yek čilače yakentsa ap kova, hoy o vavares hi, te hi lo midjak ap o vavareste, te rakrell lo djoungeles pral o vavareste, te hadell lo pes pral o vavareste.

Johanni 6:23

Koy van vavar bere dran o foro Tiberias, oun čivan pen kote, kay rhans le ko maro, koleske o Yezous parkras pes pash o Debleste.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

2. Korintarja 1:11

Ninna mangan t'mer o Debles menge. Te mangenn boud menshe les menge, palle parkrenn pen ninna boud pash leste, te dikenn le o lačepen, hoy yob men das.

2. Korintarja 9:15

Parkras men pash o Debleste! Yob das men peskro baro kamlepen, kay hi yaake baro, te nay rakrah les gar vin.

Efesarja 1:16

Doleske parkrau man hako tsiro pash o Debleste t'menge, oun mangau lestar,

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

Kolossarja 3:8

Kanna djivenn t'mer bouder gar t'maro phouro djipen. Doleske čivenn i rholi t'mendar krik, ninna o čilačepen, o djoungelo rakepen pral o vavareste, vi-ladjede laba! Ma rhorhenn t'men!

1. Tessalonikarja 3:9

Mer nay parkrah men gar doha pash o Debleste, yaake barhtelo kran t'mer men.

1. Tessalonikarja 5:18

Parkrenn t'men pash leste pral halauter! Kova kamell o Devel lauterendar, kay djan ap o Yezouseskro drom.

Filemon 1:8

Kanna penau touke, hoske činau kava liil: Me kamau toutar, te kress tou čomone mange. Ninna te hi man o Yezouseskro vast, oun nay penoms touke zoreles, hoy tou hounte kress, kamau me kova gar zoreles touke penell. Na-a. Me, o Paulo, i phouro morsh, oun stildo o Yezous Kristeske, kamau tout o djiyestar.

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

2. Petro 2:7

O Lot kokres vas vin lino dran o foro Sodom, har i yag tele peras. Yob djivas yaake, har o Devel kamas. Oun leske doukas ko djoungelo djipen, hoy kol čilače menshe djivan.

Judas 1:10

Kolla menshe praasenn lauter, hoy le gar prindjrenna. Kova, hoy lengro mass kamella, kova krenn le yaake har i firhe, kay či djinenna. Oun yaake djan le nashedo.

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.