Efesarja 5:26 - O Debleskro Lab 2024 (Sinte-Manouche)

²⁶ te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

O Debleskro Drom 2021 (Sinte)

²⁶ te wenn le erligo un djudjo glan leste. Job thowas lengri doosh lendar tele, har patsan le leskro lab, un wan leske an o pani thodo.

Efesarja 5:26 Iomraidhean Croise

Ezekiel 16:9

Oun me thovom tout an pani, oun thovom o rat toutar tele, oun makom tout djeteha.

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

3. Mose 14:11

Ko rashay anell koles, kay sasto vas, oun kava tselo koova glan o baro Debleste, glan o voudar koleskro plarhteno kherestar.

3. Mose 16:30

Ap kava dives vell t'mari tseli doosh oun ko tselo pale-čiddo koova, hoy ap t'mende hi, krik lino. Oun lauter vell pale mishto mank o baro Debleste oun t'mende.

3. Mose 8:6

Oun yob moukas o Arones oun leskre morsh čave glan te vell, oun thovas len o panyeha.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Johanni 13:10

Penas o Yezous ap leste: “Koon tseles thodo hi, hounte vell bouder gar thodo. Yob hi djoudjo. Leskre pire kokres hounte thovell lo. T'mer han djoudjo. Yek kokres hi gar djoudjo.”

Johanni 15:3

T'mer han djoudjo. Mire laba, hoy penom t'menge, kran t'men djoudjo.

Johanni 15:8

Te vell boud lačepen dran t'mende, vell miro dad sharedo. Oun t'mer venn mire mala.

Johanni 17:7

Yon djinenna kanna, kay halauter, hoy tou man dal, čačepah toutar vell.

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

Bičepangre 22:16

Oun kanna ste pre! De leskro lab an-gole! Oun mouk tout te taufrell, oun tiri doosh tele te thovell!”

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Remarja 10:8

Tou hounte rodess bouder gar, har te nay veh pash o Debleste. O Debleskro lab penell touke: Kova, hoy o Devel touke penas, hi pash toute: an tiro mouy oun an tiro dji. Kava lab rakrell pral o patsepen. Kova penah mer i menshenge.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

2. Korintarja 11:2

Yaake har o Devel kamell, kamau me ninna o tselo djiyestar, te djan t'mer gar o Yezous Kristestar krik. T'mer han mange har i čay, kay dom yek morsheste, te vell li leskri pirni. Ko yek morsh hi o Yezous Kristo. Kamau te anap leske i djoudji terni djouvel ap ko dives, kay romedinerell lo lat.

Efesarja 6:17

Ma bistrenn, te las t'men o Yezous Kristo dran o čilačepen oun o merepen vin! Kova hi t'menge har i sasterni stadi ap t'maro shero. Lenn ninna o Debleskro lab an t'maro vast. Kova hi har i rharo, hoy dell t'men o Debleskro Dourho.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 10:10

Har o Yezous Kristo ap o troushel menge meras, kras lo kova, hoy o Devel kamas. Oun mari doosh las lo yek kopo hako tsireske mendar, oun yob kras men yaake djoudjo oun erligo glan o Debleste.

Hebrearja 10:14

Yek kopo meras o Yezous Kristo kolenge, kay venna pash o Debleste, oun kras len hako tsiro čačo oun erligo glan leste.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Hebrearja 10:29

Te his kova yaake koleha, kay kras gar, hoy o Mose penas, kitse zorleder vell o Debleskri rholi pral koleste, kay o Debleskro čaves pestar stakrella, oun krella, har te vals o Yezous Kristeskro rat či moldo. Oun kava rat lals peskri doosh krik, oun krals les erligo glan o Debleste. O Debleskro Dourho his leske lačes, oun yob doukras les.

Hebrearja 13:12

Yaake meras o Yezous ninna vin glan o foro, te krell lo peskro rateha i menshen erligo glan o Debleste.

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Petro 3:21

Yaake har van kol orhta menshe vin lino dran o merepen, yaake djas t'menge kanna ninna, har van t'mer taufedo. Kote vas gar koy čik t'mendar tele thodo. Na-a! Koon moukell pes te taufrell, kova mangell o Debles, te dell lo les i djoudjo dji. Kova nay dell o Devel leste doleske, kay stas o Yezous Kristo i moulendar pre oun djas an o bolepen. Kanna hi lo beshdo ap i čači rig o Deblestar, oun hi o ray pral i tsele bolepangre, oun pral i tsele pralstoune oun zorele an o bolepen.

2. Petro 1:9

I patslo, kay krell kova gar, kova hi korelo, oun djivell an o tamlepen. Yob bistras, kay vas leskri tseli doosh lestar krik lino, hoy yob kras.

1. Johanni 5:6

O Yezous Kristo vas pash mende. Yob vas taufedo an o pani oun meras ap o troushel. Har meras lo, ratas lo peskro rat. Hi gar kokres leskro thopen an o pani, na-a, ninna leskro rat sikrell mende, kay yob o Debleskro čavo hi. Oun o Debleskro Dourho penell menge kova ninna. Oun o Debleskro Dourho penell o čačepen.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.