Efesarja 5:15 - O Debleskro Lab 2024 (Sinte-Manouche)

¹⁵ Denn yak koy pre, har t'mer t'maro djipen djivenna! Ma djivenn har dinele menshe! Djivenn har kolla, kay djinenna, hoy mishto hi!

O Debleskro Drom 2021 (Sinte)

¹⁵ Denn jak koi pre, har tumer tumaro djipen djiwenna! Ma djiwenn har dinele menshe! Djiwenn har kolla, kai djinenna, hoi mishto hi!

Efesarja 5:15 Iomraidhean Croise

2. Samuel 24:10

Oun o Davideskro dji djas sikeder har yob kol tsele morshen an i liil pre-činas. Oun o David penas ap o baro Debleste: “Kova his i bari doosh, hoy anom ap mande. Me krom i čilačo koova. Oun kanna mangau tout, baro Devel, le mange koy doosh krik!”

Hiob 2:10

O Hiob penas ap late: “Tou rakreh yaake har i dineli čay rakrell. O lačepen lam o Deblestar. Las mer gar ninna o čilačo koova lestar?” Ninna te vas kova lauter yaake, anas o Hiob kek doosh ap peste oun vitsras o Debleske kek čilačepen glan.

Debleskri gili 73:22

koy homs dinelo oun hayvom či. Ava, dinleder har i firho homs glan toute.

2. Mose 23:13

Denn yak oun rikrenn ap lauter, hoy me t'menge penom! Ma mangenn vavar deblen an! Lengre laba hounte venn gar dran t'mare mouya vin!

Gosewe laba 14:8

O gosevo dell yak har lo djivell, doleske hi lo gosevo. I narvele perenn hako kopo ap dinlepen dren. Oun yaake rhorhenn le pen kokres.

Gosewe laba 15:21

Kones či an o shero hi, kova kamell narvelo koova. I morsh, kay hayvell, hoy mishto oun gar mishto hi, ačell ap o čačo drom.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Mateo 25:2

Panč lendar his dinelo, oun panč lendar his gosevo.

Mateo 27:24

Har o Pilato dikas, te nay krell lo či, oun te venn le divyeder, las lo pani, thovas peskre vasta glan i tsele menshende, oun penas: “Me anau kek doosh ap mande, te vell lo maredo. Koy doosh vell ap t'mende.”

Mateo 27:4

Oun yob penas ap lende: “Me anom doosh ap mande. Me phoukrom ap koleste, kay kek doosh ap peste anas.” Penan le: “Kova hi gar maro koova. Kova hi tiro koova.”

Mateo 8:4

Oun o Yezous penas ap leste: “Shoun, pen kekeske, hoy me touke krom! Dja an o Debleskro baro kheer pash o rashayeste oun sike leste, kay tiro nasslepen toutar djas! Oun an kova glan o Debleste, hoy o Mose penas, te djinenn i menshe, kay tou sasto val.”

Louka 24:25

Koy penas o Yezous ap lende: “T'mer hayvan či. An t'maro dji djal či dren. Hoske patsenn t'mer kova gar, hoy o Debleskre rakepangre glan i rah tsiro penan?

1. Korintarja 14:20

Mire phrala, ma avenn har tikne čave, kay gomme gar boud djinenna. Avenn gosevo har i phoure! Pash čilačo koova, avenn har tikne čave, hoy o čilačepen gar hayvenna!

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

Galatarja 3:3

Har vell kova, kay hayvenn t'mer kova gar? Dran o Debleskri zoor van t'mer patslo. Kamenn t'mer kanna dran t'mari zoor čačo glan leste te vell?

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

Efesarja 5:33

Ninna te hayvau me kava lab yaake, penell kava lab t'menge: Hakeno hounte vell yaake kamlo ap peskri romyate, har yob kamlo ap peste hi! Oun i romni hounte vell lačo ap peskro romeste!

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Kolossarja 1:9

Oun har mer kova shounam, mangam o Debles t'menge, oun moukam gar tele, te mangas lestar, te dell lo an t'mende o gosvepen, hoy dell o Debleskro Dourho, te hayvenn t'mer, hoy o Devel kamella.

Kolossarja 4:5

Djivenn t'maro djipen yaake, te dikenn i vavar, kay t'mer patsle han! Rodenn i drom, te rakrenn lentsa pral o Debleste!

1. Tessalonikarja 5:15

Ma avenn čilačo ap kolende, kay čilačo ap t'mende van! Moukenn gar tele, te venn lačes ap hakeneste mashkral t'mende, ninna ap i tsele vavar menshende!

1. Timoteo 6:9

Kolla, kay kamenn bravele te vell, kolla perenn an o bengeskro vast, oun anenn pen an boud dinelo oun djoungelo koova. Oun kova anell len an i bibarht oun moukell len tele te djal.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Jakobo 3:13

Koon gosevo hi mank t'mende oun djinell boud, kova hounte sikrell dran peskro lačo djipen, kay hayvas lo, hoy mishto oun čačo hi. Oun yob sharell pes gar pral ko lačo koova, hoy yob kras.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”