Efesarja 4:4 - O Debleskro Lab 2024 (Sinte-Manouche)

⁴ T'mer patsle han yek familya. T'men hi o emligo Debleskro Dourho an t'mende. Oun o Devel das t'men gole, te djivenn t'mer lauter leha khetne.

O Debleskro Drom 2021 (Sinte)

⁴ Tumer patsle han jek familja. Tumen hi o emligo Debleskro Ducho an tumende. Un o Dewel das tumen gole, te djiwenn tumer lauter leha khetne.

Efesarja 4:4 Iomraidhean Croise

Debleskri gili 122:8

Kamau, te djal mishto mire phralenge oun malenge. Doleske penau: “Mou vell kek kourepen an o foro!”

Jeremia 14:8

Ap toute dikenn i Israelitarya, te vess ap lengri rig, oun leh len vin dran kay bibarht. Hoske kreh tou, har te vals i vi-themari an maro them, oun har yek, kay ačell yek rati oun djal palle doureder?

Jeremia 17:7

O Debleskri barht hi čiddo ap kol morsheste, kay rikrell pes ap o baro Debleste.

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Bičepangre 15:11

Mer patsah, te dell men maro ray Yezous ko djipen, hoy gar pre-herella čičeske, – kokres dran leskro lačepen. Ninna kolen, kay kek bibolde hi, dell lo kava djipen čičeske, – kokres dran leskro lačepen.”

Remarja 11:29

Kova, hoy yob della, lell lo gar pale, oun kones yob gole della, oun vin rodella, koles čivrell lo gar ap i rig.

1. Korintarja 10:17

Mer rhah yek maro. Doleske hi men yek djipen khetne o Yezouseha, ninna te ham boud patsle.

1. Korintarja 12:20

Boud kotya krenna yek mensho.

2. Korintarja 11:4

Hi yaake: Te vell yek pash t'mende oun sikrell t'men i vavar drom, har ko drom, hoy mer t'mende sikram, palle nashenn t'mer leske palla. Te rakrell lo pral i vavar Yezous oun i vavar Debleskro Dourho, har kova, hoy an t'mende vas, palle shounenn t'mer mishto ap ko rhorheno morsheste.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 2:16

Har meras lo ap o troushel, anas lo kol douyen khetne o Debleha, te venn le leskre mala. Kote las lo o čingepen lendar krik, hoy mashkral lende his.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Efesarja 2:22

Ninna t'mer djivenn o Yezous Kristeha khetne. Doleske han t'mer ninna har barra an o Debleskro kheer, kay o Debleskro Dourho djivella.

Efesarja 4:1

Me hom an o stilepen o Yezouseske, maro rayeske, oun mangau t'men o djiyestar, te djivenn t'mer t'maro djipen har save menshe, kolen o Devel peske khetne gole das.

Efesarja 5:30

Mer ham leskri familya.

Kolossarja 1:5

T'maro patsepen oun kamlepen vell dran kova, kay dikenn t'mer ap ko dives, kay djivenn t'mer o Debleha khetne an o bolepen. Kova shounan t'mer ap ko tsiro, har t'menge o lačo lab o Yezous Kristestar penlo vas. Oun ko lab hi čačo.

Kolossarja 3:15

O Yezous Kristo das t'men pash peste gole, te djivenn lauter leha khetne. Djivenn kanna yaake, te han t'mer yek dji oun yek djipen! Oun parkrenn t'men pash o Debleste!

2. Tessalonikarja 2:16

O Devel hi maro dad oun kamell men o djiyestar. Yob hi menge lačo, oun penell menge an o dji, te kras lo lauter menge mishto, oun te lell lo men pash peste hako tsireske. Lestar mangah oun maro rayestar, o Yezous Kristestar,

1. Timoteo 1:1

Me, o Paulo, činau kava liil. Me hom o Yezous Kristeskro bičepaskro, te penap i menshenge leskro lab. Yaake kamell kova o Devel, kay lell men dran o čilačepen vin, oun o Yezous Kristo, ap koleste patsah.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Tito 3:7

Yaake čivas men o Yezous Kristo an o čačepen dran lauter lačepen, te dell lo men ko djipen, hoy gar pre-herella. Oun mer djinah, kay lah ko djipen an ko tsiro, hoy vella.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

1. Johanni 3:3

Oun hakeno, kay kova patsella, rikrell peskro dji djoudjo, te vell kek doosh ap leste, yaake har ap o Yezous Kristeste kek doosh hi.