Efesarja 4:29 - O Debleskro Lab 2024 (Sinte-Manouche)

²⁹ Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

O Debleskro Drom 2021 (Sinte)

²⁹ Rakrenn kek tchilatche un djungele laba! Kowa, hoi tumer penenna, hunte well latches kolenge, kai shunenna, te lenn le newi soor an pengro djipen.

Efesarja 4:29 Iomraidhean Croise

Debleskri gili 45:2

Miro dji hi pherdo shoukar laba i gilyake, hoy kamau te givap miro baro rayeske. Miri čip hi har i činepaskro yekestar, kay hayvell mishto laba te činell.

Debleskri gili 5:9

Baro Devel, sike man o drom, hoy čačo hi glan toute! Kre mange o drom, hoy te djap! Mouk kolen te dikell, kay mange čilačepen kamenna, kay hal tou ap miri rig!

Debleskri gili 52:2

har o Doeg, ko morsh dran o them Edom, pash o Saul vas, oun leske penas: “O David hi pash o Ahimelek.”

Debleskri gili 71:24

Hako dives penau doureder, har tou rikral pash mande. Oun kolla, kay kaman miri bibarht, hounte venn tikno oun ladjenn pen.

Gosewe laba 12:13

O čilačo taprell pes kokres an peskre rhorhene laba. Kolla, kay an o čačepen tardo hi, venn vin dran i bibarht.

Gosewe laba 15:23

Barhtelo hi o morsh, te djinell lo, hoy te rakrell lo. Har lačo hi o čačo lab ap o čačo tsiro.

Gosewe laba 15:7

I gosevengro rakepen sikrell i vavarende, hoy lenge mishto hi. Kova, hoy i dinelen an o shero hi, hi či moldo.

Gosewe laba 16:21

Kova kay hayvell, hoy mishto oun gar mishto hi, kova vell kharedo gosevo morsh. Oun yek, kay lače laba hatsell, hi i lačo sikepaskro.

Sikepaskro 10:12

O rakepen hoy dran o goseveskro mouy vin vella, anell leske an-dikepen, o dineleskro rakepen rhal les pre.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Louka 4:22

Lauter rakran lestar mishto, oun leskro rakepen his lenge pherdo lačepen. Oun yon kran bare yaka. Oun yon penan: “Hi kava gar o Yosefeskro čavo?”

Johanni 1:37

Har kol douy kova shounan, djan le o Yezouseske palla.

Remarja 14:19

Kanna kras lauter, te vell kek čingepen mank mende. Kras kova, hoy krell men lauter zoreles an o patsepen.

Remarja 15:2

Hakeno mendar hounte djivell yaake, te dikell o vavar lačes ap leste oun vell zorleder an o patsepen.

1. Korintarja 14:19

Te hom me mank i patslende, te sikrap len o Debleskro drom, kamau kote feteder panč laba te rakrell, hoy hakeno hayvella, har deesh zerya laba an i rakepen, hoy kek hayvella.

Efesarja 4:12

Lauter kolla krenn pengri boudi, te venn i tsele patsle zoreles an o patsepen, oun te hayvenn le o Debleskri boudi mishto te krell.

Efesarja 4:16

Yob rikrell len khetne yaake, te vell yek patslo i vavareha khetne anlo. Oun yek patslo hidjrell o vavares yaake, har les i zoor hi. Mer te ham yaake kamlo, ko yek ap o vavareste, palle vell o Debleskri familya baro oun zorelo.

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.

1. Tessalonikarja 5:11

Dran kova, rakrenn kal laba yek ap o vavareste, te dell yek o vavares zoor, yaake har t'mer kova ninna krenna!

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 3:1

T'mer djouvya, ma hadenn t'men pral t'mare romende, ninna te shounenn yon gar ap o Debleskro lab! Yaake dikenn yon, har t'mer i djoudjo djipen djivenna, oun ap o Debleste shounenna. Oun t'maro djipen sikrell len o čačo drom pash o Debleste, ninna te krenn t'mer kek bare laba.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.