Efesarja 4:12 - O Debleskro Lab 2024 (Sinte-Manouche)

¹² Lauter kolla krenn pengri boudi, te venn i tsele patsle zoreles an o patsepen, oun te hayvenn le o Debleskri boudi mishto te krell.

O Debleskro Drom 2021 (Sinte)

¹² Lauter kolla krenn pengri budi, te wenn i tsele patsle soreles an o patsepen, un te haiwenn le o Debleskri budi mishto te krell.

Efesarja 4:12 Iomraidhean Croise

Louka 22:32

Me mangom touke pash mo Debleste, te djas tou gar o Debleskro dromestar tele. Oun te djah tou pale ap o čačo drom, kre tire phralen zoreles an o patsepen!”

Bičepangre 1:17

Yob his yek mendar. O Yezous rodas men khetne vin, te vas mer leskre bičepangre.

Bičepangre 1:25

te penell yob i menshenge o lačo lab o Yezous Kristestar oun krell koy boudi, hoy o Youdas moukas. Kova moukas men oun djas peske.”

Bičepangre 11:23

Har yob koy his oun dikas, hoy o Devel an peskro baro lačepen kote lauter kras, vas lo barhtelo oun mangas len, te ačenn le pengro tselo djiyeha pash o Yezouseste.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Bičepangre 9:31

I patsle an i themma Youdea, Galilea oun Samaria, kolen his kanna i lačo tsiro, kek las len bouder palla. Oun o Debleskro Dourho kras len zoreles an o patsepen. Oun yon shounan ap o Debleste oun boud oun boudeder menshe van patslo.

Remarja 12:5

Yaake ham mer boud patsle oun djah khetne ap o Yezouseskro drom, oun yaake hi yek o vavareske koy.

Remarja 12:7

Vavar patsle hayvenn, har te venn le nay i vavarenge koy. Koy boudi hounte krenn le. Vavar hayvenn i menshenge o Debleskro drom te sikrell. Kolla hounte krenn kova ninna.

Remarja 14:19

Kanna kras lauter, te vell kek čingepen mank mende. Kras kova, hoy krell men lauter zoreles an o patsepen.

Remarja 15:14

Mire phrala, me djinau čačepah, t'maro dji hi pherdo lačepen. Oun t'mer djinenn lauter, hoy o Devel t'mendar kamella. Yaake nay sikrell ko yek o vavareste o čačo drom.

Remarja 15:2

Hakeno mendar hounte djivell yaake, te dikell o vavar lačes ap leste oun vell zorleder an o patsepen.

Remarja 15:29

Oun me djinau, te vau pash t'mende, anau t'menge i tseli barht, hoy vella o Yezous Kristestar.

1. Korintarja 12:27

T'men hi lauter yek djipen o Yezous Kristeha, oun hakeno t'mendar hi i kotar lestar.

1. Korintarja 12:7

An hakeneste boudrell o Debleskro Dourho yaake, kay hi kova i tsele patslenge mishto.

1. Korintarja 14:12

Yaake hi kova ninna t'mentsa. T'mer kamenn o tselo djiyestar kol zorya te lell, hoy o Debleskro Dourho della. Krenn lauter, te lenn boud kolestar, hoy krell i patslen zoreles an o patsepen!

1. Korintarja 14:14

Me te rakrau an i rakepen, hoy o Debleskro Dourho man das, palle krell kova o Debleskro Dourho an mande. Oun me hayvau gar, hoy me penom.

1. Korintarja 14:26

Mire phrala, hi yaake: Te venn t'mer khetne, sharell ko yek o Debles i gilyah. I vavar sikrell, har te djan ap o Debleskro drom. Ninna i vavar penell, hoy o Devel les sikras. Pale i vavar rakrell an i rakepen, hoy o Debleskro Dourho les das. Oun i vavar nay penell, hoy koy rakedo vas. Lauter kova krenn, te venn i patsle zoreles an o patsepen!

2. Korintarja 12:19

Patsenn t'mer, te rodah mer maro čačepen glan t'mende? Kova hi gar yaake. Mer djivah o Yezous Kristeha oun djinah, o Devel shounell, hoy mer rakrah. Mire phrala oun phenya, mer rakrah yaake, te vell t'maro patsepen zoreles.

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

2. Korintarja 13:9

Ninna te ham mer gar zorelo, ham barhtelo, te han t'mer zorelo. Mer kamah, te venn t'mer an o čačepen glan o Debleste tardo, oun kova mangah lestar.

2. Korintarja 3:8

Kitse shoukeder hi o nevo drom, kay lenn le o Debleskro Dourho!

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

2. Korintarja 5:18

Kova lauter vell o Deblestar. Yob bičras o Yezous Kristes menge an o merepen, te lell lo kova krik, hoy his tardo mank mende oun o Debleste, te nay vas mer kanna pash leste. Oun mende das lo koy boudi, te penas i menshenge, te nay venn le pash leste.

2. Korintarja 6:3

Kova hi ap miro dji, te djivas yaake, te hatsell kek i doosh ap mende, te rakrell nay kek djoungeles pral mari boudi.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Efesarja 1:23

Kolla hi leskre. Yob djivell an lende peskri tseli zoryah. Oun leskri tseli zoor hi an halauter an o bolepen oun ap i phoub.

Efesarja 4:16

Yob rikrell len khetne yaake, te vell yek patslo i vavareha khetne anlo. Oun yek patslo hidjrell o vavares yaake, har les i zoor hi. Mer te ham yaake kamlo, ko yek ap o vavareste, palle vell o Debleskri familya baro oun zorelo.

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Efesarja 4:4

T'mer patsle han yek familya. T'men hi o emligo Debleskro Dourho an t'mende. Oun o Devel das t'men gole, te djivenn t'mer lauter leha khetne.

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Kolossarja 4:17

Penenn ap o Arkippo: Kre koy boudi, hoy o ray Yezous tout das! Mouk gar tele!

1. Timoteo 1:12

Me parkrau man pash maro rayeste, o Yezous Kristeste, kay das man i zoor, te boudrap leske. Yob patsas ap mande, oun čivas man an koy boudi, te vap leske koy.

2. Timoteo 4:11

O Louka ačas kokres pash mande. Te veh tou pash mande, an o Markes touha! Yob nay boudrell mange.

2. Timoteo 4:5

Tou, Timoteo, de yak har tou djiveh! Rike vin, ninna te krenn le touke o djipen phares! Pen i menshenge o lačo lab o Yezous Kristestar! Koy boudi das tout o Devel. Kre koy boudi mishto!

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

Hebrearja 6:1

Kanna kamah te rakras pral kova, hoy kolenge hi, kay hi phoure an o patsepen, oun bouder gar pral kova, hoy mer kolenge penah, kay hi terno an o patsepen. Mer kamah bouder gar pral kova te rakrell, hoy t'mer shounan, har patslo van! Ap ko tsiro vas t'menge penlo, te moukenn t'maro čilačo drom, hoy an o merepen anella, oun te patsenn ap o Debleste, oun te djan ap leskro drom.