Efesarja 3:6 - O Debleskro Lab 2024 (Sinte-Manouche)

⁶ Yob sikras len, te nay venn ninna kolla o Debleskre čave, kay kek bibolde hi, te djivenn le leha khetne. O lačo lab o Yezous Kristestar hi ninna lenge, yaake har o Devel glan i rah tsiro penas.

O Debleskro Drom 2021 (Sinte)

⁶ Job sikras len, te nai wenn ninna kolla o Debleskre tchawe, kai kek bibolde hi, te djiwenn le leha khetne. O latcho lab o Jesus Kristestar hi ninna lenge, jaake har o Dewel glan i rah tsiro penas.

Efesarja 3:6 Iomraidhean Croise

Ezekiel 47:22

Kava them hi t'mare familyenge, oun vell o dadestar ap o čaveste doureder dino. Te vitsrenn t'mer kashta, hoy sikrenn, koon havo kotar them lella, palle bistrenn gar kol vi-themaryen, kay mank t'mende djivenn, oun kolenge pash t'mende čave boldo van! Yon hounte venn t'menge har yek foun t'mendar Israelitarya. Oun khetne t'mentsa lenn le pengro kotar them, oun kova ačell an lengre familye.

1. Korintarja 12:12

O mensho hi dran boudeder kotya, har moussya, herya, oun vavar. Ninna te hi lo dran boud kotya, hi lo yek mensho. Yaake hi ninna o Yezous Kristeha oun kolentsa, kay ap leste patsenna.

1. Korintarja 12:27

T'men hi lauter yek djipen o Yezous Kristeha, oun hakeno t'mendar hi i kotar lestar.

Galatarja 3:14

Oun kova kras o Yezous Kristo, te vell o Debleskri zoor pash i tsele menshende, yaake har o Devel glan i rah tsiro o Abrahameske penas. Kanna nay lah mer lauter o Debleskro Dourho, te patsah mer ap o Yezouseste.

Galatarja 5:24

Kolla, kay djivenn o Yezous Kristeha, kolla anan ko tsele čilačo koova, hoy yon kran, pash o Yezouseste. Oun kanna penenn le na-a ap o djoungelo koova, hoy kamell an lengro dji te vell.

Efesarja 3:3

Kova djinan i menshe gar. An kava tikno liil činom t'menge, hoy sikras man o Devel pral kova.

Efesarja 5:30

Mer ham leskri familya.

Efesarja 5:7

Rikrenn t'men kolendar pale, kay kova lauter krenna!

Kolossarja 2:19

Yon rikrenn pen gar ap o Yezous Kristeste, ko ray pral i tsele patslende. Yaake har i kokale i menshes khetne rikrenna, yaake rikrell yob i patslen khetne pash leste, oun dell len lauter, hoy len hounte vell djipaske. Oun yon venna baro oun zorelo an o patsepen yaake, har o Devel kova kamella.

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

1. Johanni 2:25

Oun t'mer lenn ko djipen, hoy gar pre-herella. Kova penas o Yezous Kristo menge.