Efesarja 3:5 - O Debleskro Lab 2024 (Sinte-Manouche)

⁵ An o phouro tsiro djinan i menshe kova gar. Kanna djinenn les o Debleskre bičepangre oun rakepangre. Lenge čivas les o Debleskro Dourho an o dji.

O Debleskro Drom 2021 (Sinte)

⁵ An o phuro tsiro djinan i menshe kowa gar. Kanna djinenn les o Debleskre bitchepangre un rakepangre. Lenge tchiwas les o Debleskro Ducho an o dji.

Efesarja 3:5 Iomraidhean Croise

Jesaja 52:15

Oun kanna dikenn boud menshe dran vavar themma bare yakentsa ap leste, oun lengre rayenge ačell o rakepen krik. Kova, hoy lenge gar dren ginlo vas, dikenn le kanna. Oun kolestar yon či shounan, kova dikenn le oun hayvenn les.

Mateo 13:17

Čačepah me penau t'menge: An o phouro tsiro his boud Debleskre rakepangre oun vavar menshe, kay kran, hoy o Devel kamella. Kolla kaman te dikell, hoy t'mer dikenna, oun dikan les gar. Oun yon kaman te shounell, hoy t'mer shounenna, oun shounan les gar.

Mateo 20:7

Penan le: Kek das men i boudi. Koy penas yob: Djan ap miro kotar them, oun boudrenn mange kote!

Mateo 23:34

Shounenn, bičrau pash t'mende mire rakepangren, mire goseve morshen, oun mire čačepangren. Kolen denn t'mer ap o troushel, marenn len, oun denn len dava an t'mare kangria. Oun t'mer lenn len palla an hako foro.

Louka 10:24

Me penau t'menge: Boud Debleskre rakepangre oun bare raya kaman te dikell, hoy t'mer dikenna, oun dikan les gar. Oun yon kaman te shounell, hoy t'mer shounenna, oun shounan les gar.”

Louka 11:49

O Devel djinas kova. Doleske penas lo glan i rah tsiro: Me bičrau mire rakepangren oun mire bičepangren pash lende. Oun mashkral lende hi save morsha, kay venn lendar maredo, oun vavar venn palla lino.

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Bičepangre 10:28

Oun o Petro penas ap lende: “T'mer djinenna, te hi kova i biboldeske pale-čiddo, te djal lo an o kheer dren, hoy gar i biboldeskro hi. Oun kek vi-themari vell pash i biboldeste an o kheer dren. Mande sikras o Devel, te rikrap kekes pale-čiddo.

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

1. Korintarja 2:10

Men das o Devel peskro Dourho. Oun o Dourho sikrell men kova, hoy hi o Debles an o dji. O Debleskro Dourho dikell an halauter, ninna an o Debleskro dji.

Efesarja 2:20

I tsele Debleskre menshe hi har yek kheer, kerdo dran barra. T'mer han kol barra, hoy hi tardo ap i telstoune barra. I telstoune barra hi o Yezous Kristeskre bičepangre oun o Debleskre rakepangre. O Yezous Kristo hi ko zorelo bar, hoy rikrell o tselo kheer khetne. Oun o kheer vell baro oun bareder, oun vell i shoukar kheer, kay o Devel djivella.

Efesarja 3:9

oun te sikrap lauterende, har kras o Devel kova, hoy his les an o dji. Kova djinan i menshe i rah tsiro gar. O Devel kokres, kay kras o bolepen oun i phoub, djinas les.

2. Petro 3:2

hoy penan o Debleskre rakepangre glan i rah tsiro! Bistrenn vitar gar kol laba, hoy t'menge kolla penan, kolen maro ray Yezous pash t'mende bičras, – yob, kay las men dran o čilačepen vin.

Judas 1:17

T'mer, mire phrala oun phenya, ma bistrenn kol laba, hoy t'menge kolla penan, kolen maro ray, o Yezous Kristo, bičras, te penenn le i menshenge leskre laba.