Efesarja 3:20 - O Debleskro Lab 2024 (Sinte-Manouche)

^20-21 Oun yob nay krell boudeder, har mer lestar mangah, oun boudeder, hoy mer hayvah. Yaake bari hi leskri zoor, hoy an mende kova lauter krella. Mer lauter, kay patsah ap o Yezous Kristeste, sharas maro Debles kanna oun hako tsiro. Amen.

O Debleskro Drom 2021 (Sinte)

^20-21 Un job nai krell budeder, har mer lestar mangah, un budeder, hoi mer haiwah. Jaake bari hi leskri soor, hoi an mende kowa lauter krella. Mer lauter, kai patsah ap o Jesus Kristeste, sharas maro Debles kanna un hako tsiro. Amen.

Efesarja 3:20 Iomraidhean Croise

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

1. Mose 18:4

T'menge vell pani anlo, te thovenn t'mare herya. Oun beshenn t'men tel ko rouk!

2. Samuel 7:19

Oun kanna hi kova touke gar doha. Baro Devel, miro ray, tou penal mange, hoy mire čavende kameh te dell, ninna an ko tsiro, hoy dour glan mende hi. Oun tou moukeh kova man, i menshes, te djinell.

1. Rajengro liil 3:13

Koy pashel dau tout, hoy tou gar mandar mangal, bravlepen oun raylepen, yaake te vell kek baro ray har tou an tiro tsiro.

2. Familjakro liil 25:9

Oun o Amazya poučas o Debleskro morshestar: “Oun hoy hi kol sheel centnarya roup, hoy me kol lourdende dran Israel dom?” O Debleskro morsh penas: “Pash o baro Debleste hi yaake, te nay dell lo tout boudeder har tou len dal.”

2. Familjakro liil 9:12

Oun o ray Salomo das i rayetsa dran Saba halauter, hoy li kamas oun lestar mangas. Kova his boudeder, har kova, hoy yoy leske anas. Oun palle djas li pale an lakro them, yoy oun lakre boudepangre.

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jesaja 35:2

Shoukar har divye bloume vell o them, oun givell oun dell gole i barhtyatar. O baro Devel krell les raylo har i berge Libanon, oun shoukar har i berga Karmel oun i tala Sharon. Oun i menshe dikenn o raylepen o baro Deblestar, ko baro koova, hoy maro Devel kras.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jeremia 32:17

Baro Devel, miro ray, tou kral o bolepen oun i phoub dran tiri bari zoor oun tiro zorelo vasteha. Oun či hi koy, hoy nay kreh gar.

Jeremia 32:27

Dik, me, o baro Devel, hom o Devel pral i tsele menshende. Dell čomone ap i phoub, hoy nay krau gar?

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 6:20

Sik taysarlakro, har o kham gar pre djas, stas o baro ray pre, oun djas sik pash i grouba, kay i leve hi.

Mateo 3:9

Ma penenn: O Abraham hi maro dad! Me penau t'menge: O Devel nay krell dran kal barra o Abrahameskre čaven.

Johanni 10:10

Ko čorepaskro vella, te čorell lo kol bakren, te marell lo len, oun te rhal lo len. Me vom, te dap len o djipen, boudeder har doha.

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

Remarja 4:21

Peskro tselo djiyeha djinas lo, o Devel nay krell kova, hoy yob penas.

1. Korintarja 2:9

An o Debleskro lab hi činlo: Ko lačo koova, hoy kek yak dikas, oun hoy kek kand shounas, oun hoy an kek mensheskro dji dren vas, kova lauter dell o Devel kolen, kay les o djiyestar kamenna.

2. Korintarja 9:8

O Devel nay dell t'men yaake boud, kay hi t'men hako tsiro doha halauterestar, yaake te nay denn t'mer i vavaren čomone.

Efesarja 1:19

Oun me mangau lestar ninna, te hayvenn t'mer, har bari leskri zoor hi, hoy an mende hi, kay patsah. Koy zoor hi i emligi bari zoor,

Efesarja 3:7

Kava lačo lab penau i menshenge. O Devel his mange lačo, te das lo man kay boudi. Ninna das lo man i zoor, te krap kova.

Kolossarja 1:29

Dran kova boudrau i tseli zoryah, hoy o Yezous Kristo an mande das.

1. Timoteo 1:14

Yaake lačo his o Yezous Kristo mange, te das lo man ninna o patsepen ap leste oun o kamlepen i vavarenge.

Hebrearja 11:19

Kolla laba van o Abrahameske an o shero oun yob penas peske: O Devel nay krell les i moulendar djido. Yaake baro his leskro patsepen ap o Debleste. Doleske das les o Devel o čaves pale, oun yob hounte maras les gar. Kova his leske yaake, har te vals lo i moulendar djido.

Hebrearja 7:25

Doleske nay krell lo, te djal kek kolendar nashedo, koon yob pash o Debleste anas. Yob djivell hako tsireske, oun mangell o Debles lenge.

Jakobo 4:12

O Devel kokres hi o čačepaskro ray. Yob nay dell yekes i phagi, oun moukell i vavares te djal. Koon hal tou, te sikreh tou ap o vavareskri doosh?

2. Petro 1:11

Oun o Devel lell t'men lačes pash peste an o bolepen pre, kay hi maro ray, o Yezous Kristo, o ray hako tsiro, – yob, kay las men dran i tseli bibarht vin.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.