Efesarja 2:3 - O Debleskro Lab 2024 (Sinte-Manouche)

³ His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

O Debleskro Drom 2021 (Sinte)

³ His i tsiro, kai djiwam mer halauter har jon, un kram o tchilatchepen, hoi an mende hi. Mer kram, hoi mer kamam, un hoi menge an o shero was. Un o Debleskri choli his ninna pral mende har pral kol wawar menshende.

Efesarja 2:3 Iomraidhean Croise

1. Mose 5:3

Har o Adam 130 (sheel-te-triyanda) bersha phouro his, vas yob o dad i čavestar, kay vin dikas har yob. Oun das les ko lab Set.

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

Hiob 14:4

I tsele menshen hi doosh ap pende. Har nay vell lendar yek, koles kek doosh ap peste hi?

Hiob 25:4

Glan o Debleskre yaka hi kek mensho an o čačepen tardo. Kek mensho hi erligo glan leste.

Debleskri gili 51:5

Ava, djinau, kay anom doosh ap mande. Oun ko čilačo koova, hoy krom, hi man o tselo tsiro glan mire yaka.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Markus 4:19

Palle dikenn le ap i phoubyakro koova. Yon kamenn bravelo te vell, oun o bravlepen krell len gar barhtelo. Oun len hi bok pal boud vavar koova. Oun kova lauter tassrell ko lab, hoy shounan le. Oun ko lab nay rakrell bouder gar an lengro dji.

Johanni 1:13

Kova van le gar, har yon boldo van. O nevo djipen vas gar dran o menshengro kamlepen. Na-a, o nevo djipen lan le kokres o Deblestar.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Bičepangre 14:16

An o phouro tsiro moukas yob i menshen, kay kek bibolde hi, yaake te djivell, har yon kaman.

Remarja 1:24

Doleske moukas o baro Devel len an pengro djoungelo koova te perell, hoy an lengre djia hi, te krenn le vi-ladjedo koova yek o vavareha.

Remarja 11:30

Glan i tsiro shounan t'mer gar ap o Debleste. Oun palle vas o Debleskro kamlepen ap t'mende. Kova vas an kava tsiro, kay i bibolde gar ap leste shounan.

Remarja 13:14

Djivas yaake har maro ray, o Yezous Kristo, djivas! Te kamell o djoungelo koova an t'maro shero te vell, palle penenn: Na-a!

Remarja 2:14

Mank i menshende, kay prindjrenn gar o Moseskre laba, hi save, kay krenna, hoy o Devel kamella, ninna te vas kova lende gar siklo. Lenge penell lengro dji, hoy lačo oun čačo hi.

Remarja 5:10

Dikenn! Ap ko tsiro, kay kamam o Deblestar či te djinell, meras o Debleskro čavo menge. Leskro merepen anas men pash o Debleste, te djivas pale leha khetne. Oun kanna ham o Debleskre mala. Oun leskro čavo djivella, te djas mer gar nashedo.

Remarja 5:9

Leskro rateha kras lo men čačo glan o Debleste. Doleske nay djinah zoreles: O Debleskri rholi vell bouder gar ap mende. O Yezous Kristo kras lauter mishto.

Remarja 6:12

Moukenn gar o čilačepen o ray pral t'mende te vell! T'mer djinenn, kay vell o dives, kay hounte merenn. Ma krenn ko djoungelo koova, hoy an t'maro dji hi!

Remarja 7:18

Me djinau, kek lačepen djivella an mande – an miro mass. Me kamau o lačepen te krell, oun man hi kek zoor, te krap les.

Remarja 9:22

Yaake hi kova ninna o Debleha. Yob kamas, te sikrell lo peskri zoor, oun te vell peskri rholi pral i menshende, kay nashedo hi. Ninna te kamas lo kova te krell, rikras lo peskri rholi i rah tsiro lendar pale.

1. Korintarja 4:7

Koon penas touke, te hal tou feteder har ko vavar? Kova, hoy tout hi, hi tout o Deblestar. Te das yob tout lauter, hoske shareh tout?

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

Efesarja 2:2

T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

Efesarja 4:22

Ma djivenn bouder gar t'maro phouro djipen! An t'maro phouro djipen vas o čilačo koova baro an t'mare djia, oun t'mer kran, hoy t'menge gar mishto hi. Savo koova krell t'maro djipen paash.

Kolossarja 1:21

Ninna t'men anas o Devel pash peste. Glan i rah tsiro djivan t'mer dour lestar, kran čilačo koova, oun kaman o Debles gar.

1. Tessalonikarja 4:13

Mire phrala, mer kamah, te djinenn t'mer, hoy hi kol patslentsa, kay meran, te vell t'menge gar ropaske har kolenge, kay prindjrenn o Debles gar oun djinenn gar, hoy pal o merepen vella.

1. Tessalonikarja 5:6

Doleske, te sovas mer gar har i vavar, te rikras mare yaka pre, oun te das yak har djivah!

1. Timoteo 6:9

Kolla, kay kamenn bravele te vell, kolla perenn an o bengeskro vast, oun anenn pen an boud dinelo oun djoungelo koova. Oun kova anell len an i bibarht oun moukell len tele te djal.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

1. Petro 1:14

T'mer han o Debleskre čave. Doleske shounenn ap leste, oun djivenn bouder gar yaake har an ko tsiro, kay prindjran t'mer o Debles gar oun kran o čilačepen, hoy an t'mende his.

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

1. Johanni 2:16

Pash i menshende ap kay phoub djal lauter pal yek koova: rhapen oun pipen, romedinepen oun khelepen, bravlepen oun sharepen. Kova lauter vell gar o Deblestar, maro dadestar. Kova lauter hi phoubyakro koova.

1. Johanni 2:8

Ko phouro lab hi ninna nevo. O Yezous djivas pal ko lab oun t'mer djivenna ninna yaake. Ap kova dikenn le, kay i rat pale djala, oun o dives vella.