Efesarja 2:2 - O Debleskro Lab 2024 (Sinte-Manouche)

² T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

O Debleskro Drom 2021 (Sinte)

² Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

Efesarja 2:2 Iomraidhean Croise

Hiob 1:16

Ko boudepaskro rakras gomme, koy vas i vavar oun penas ap o Hiob: “Yag dran o bolepen peras tele, oun rhačras i bakre oun i bouzya oun tire boudepangre, kay ap lende yak dan. Oun me nay nashom, me kokres, te penap kova touke.”

Hiob 1:19

Koy vas i phourdepen dran o moulo tato them oun das ap ko kheer ap leskre star rigya. Oun ko kheer peras khetne pral kol terne menshende. Oun yon meran. Oun me nay nashom, me kokres, te nay penap kova touke.”

Hiob 1:7

Oun o baro Devel poučas o benges: “Kay veh tou?” Oun o beng penas ap o baro Debleste: “Vau i phoubyatar. Kote djom trouyel.”

Hiob 31:7

Te djan mire herya tele leskro dromestar, oun te nashas miro dji mire yakenge palla, oun te kran mire vasta čomone, hoy gar mishto hi,

Debleskri gili 17:14

Baro Devel, tiro vasteha le man vin dran o vast kol menshendar, kay djivenn i phoubyake. Lengro bravlepen lenn yon an kava djipen! Tou kreh lengro per pherdo ko koova, hoy tou lenge deh. Ninna lengre čave venn čalo, oun moukenn pral pengre čavenge.

Jesaja 30:1

O baro Devel penell: Djungeles djal mire čavenge, kay mandar tele peran, oun kay penge kova glan lan, te krenn le hoy gar mandar vin djas. Yon čivenn pen vavarentsa khetne, har me kova gar kamau. Oun yaake anenn pale te pale le doosh ap pende.

Jesaja 57:4

T'mer san pral mande, oun krenn t'maro mouy bares pre, oun sikrenn mange i čip. T'mer han phoukepangre oun rhorhene!

Jeremia 23:10

O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.

Hosea 10:9

O baro Devel penell ap i Israelitarya: T'mare phoure hadan pen pral mande an o foro Gibea. Foun ko tsiro moukan t'mer pale te pale miro drom. Doleske vell an o foro Gibea o kourepen pral kol čilače menshende.

3. Mose 11:16

ninna i straussetikre karhya oun i moulengre čirkle, panyeskre meve, oun o habichto oun hake čirkle dran leskri familya;

Mateo 11:19

Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Mateo 13:38

Oun ko kotar them, kolla hi i tsele menshe ap i phoub. Oun o lačo djob, kolla hi kol menshe, kay moukenn o Debles pengro ray te vell. Oun ko djoungelo zenlepen, kolla hi i čilače, pral kolende o beng o ray hi.

Markus 4:19

Palle dikenn le ap i phoubyakro koova. Yon kamenn bravelo te vell, oun o bravlepen krell len gar barhtelo. Oun len hi bok pal boud vavar koova. Oun kova lauter tassrell ko lab, hoy shounan le. Oun ko lab nay rakrell bouder gar an lengro dji.

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

Louka 22:31

“Simon, Simon, shoun, hoy me touke penau: O beng las t'men an o yak oun kamas te dikell, har zorelo t'maro patsepen hi.

Johanni 12:31

Kanna vell i phagi pral i tseli phoub vi-rakedo. Kanna vitsrell o Devel koles vin, kay hi o ray pral kay phoub.

Johanni 13:2

Ap koy rati, har yon rhan, das o beng o Youdases an o dji, te phoukrell lo ap leste. O Youdaseskro dad his o Simon Iskariot.

Johanni 13:27

Har o Youdas ko kotar maro las, vas o beng an leste. “Hoy kameh te krell, kova kre sik!” penas o Yezous ap leste.

Johanni 14:30

Man hi bouder gar boud tsiro, te rakrap t'mentsa. O beng, kay hi o ray pral kay phoub, vella. Les hi kek zoor pral mande.

Johanni 15:19

Te hans t'mer menshe kay phoubyatar, palle kamans le t'men. Yon kamenn kolen, kay hi yaake har yon. T'mer han gar kolendar. Me rodom t'men dran lende vin. Doleske kamenn le t'men gar.

Johanni 16:11

Kay o Debleskri rholi pral kay phoub vella, dikenn le ap kova, kay i phagi pral o rayeste pral kay phoub vi-rakedo hi.

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

Johanni 8:23

Penas yob ap lende: “T'mer han i phoubyatar. Me hom dran o bolepen. T'mer han kay phoubyatar. Me hom gar kay phoubyatar.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Bičepangre 19:35

Pal kova har o moskro lenge penas, te moukenn le tele, penas yob ap lende: “Morshale an o foro Efesus, hako mensho djinella, kay an maro foro i menshe garda denna ap i bari debletsa Artemis oun ap lakro baro kheer. Oun ninna djinell hakeno, kay peras koy barreskri debletsa, kay koy tardo hi, dran o bolepen tele.

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

1. Korintarja 5:10

An ko liil rakrom me i patslendar oun gar lauterendar ap kay phoub, kay krenna vi-ladjedo koova, kay hi boklo pal i love, kay hi čorepangre, oun kay mangenn vavar koova an har o Debles. Kolendar rakrau me kate gar. Te rakroms kolendar, hounte moukans t'mer kay phoub.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

Galatarja 1:4

Yob meras, te lell lo mari doosh ap peste. Kova kras lo, te lell lo men vin dran ko čilačo tsiro, an hoy mer djivah. Kova kamas o Devel, maro dad yaake.

Efesarja 1:21

oun das halauter an leskre vasta, te vell lo o ray pral i tsele rayende oun pralstunende, zorele oun bare. Kekeskro lab hi bareder har leskro lab an kava tsiro, oun ninna an ko tsiro, hoy vella.

Efesarja 2:11

Ma bistrenn, koon t'mer hans, har boldo van! T'mer hans kek bibolde. Oun i bibolde penan Bi-činle ap t'mende. I bibolde van ap pengro mass činlo, oun kova han t'mer gar.

Efesarja 2:13

Ap ko tsiro hans t'mer dour o Deblestar. Kanna prindjrenn les. O Yezous Kristo anas t'men ap peskro drom, har yob ap o troushel peskro rat t'menge ratas.

Efesarja 2:3

His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Efesarja 4:22

Ma djivenn bouder gar t'maro phouro djipen! An t'maro phouro djipen vas o čilačo koova baro an t'mare djia, oun t'mer kran, hoy t'menge gar mishto hi. Savo koova krell t'maro djipen paash.

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.

Kolossarja 1:21

Ninna t'men anas o Devel pash peste. Glan i rah tsiro djivan t'mer dour lestar, kran čilačo koova, oun kaman o Debles gar.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.

Jakobo 1:7

Tou te hal yaake, djiness, kay leh tou či o Deblestar.

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.

1. Petro 1:14

T'mer han o Debleskre čave. Doleske shounenn ap leste, oun djivenn bouder gar yaake har an ko tsiro, kay prindjran t'mer o Debles gar oun kran o čilačepen, hoy an t'mende his.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

1. Johanni 4:4

Mire čave, t'mer han o Deblestar, oun han zorleder har kol rhorhene rakepangre. O Debleskro Dourho, kay an t'mende hi, hi zorleder har o beng, kay an i menshende hi, kay o Debles gar prindjrenna.

1. Johanni 5:19

Mer djinah, kay ham o Deblestar. I tsele vavar menshe ap i phoub hi an o bengeskro vast.

1. Johanni 5:4

Hoske? Kolla, kay o Debleskre čave hi, hounte krenn bouder gar ko čilačo koova, hoy i menshe ap kay phoub krenna. Maro patsepen hi mari zoor pral o čilačo koova, hoy i menshe ap kay phoub krenna.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.

Debleskro tsiro 16:17

Oun o eftato bolepaskro čoras peskro čaro vin an o dourho, hoy djal pral i phoub. Oun dran o Debleskro kheer vas i rakepen kote vin, kay o rayeskro beshepaskro hi, oun penas zoreles: “Kanna hi lauter kerdo.”

Debleskro tsiro 20:2

Oun yob tapras ko baro lolo sap, kova hi ko phouro sap, hoy kharella ninna Beng oun Satan, oun pandas les, oun vitsras les an o telstunepen, te ačell lo kote yek zero (1.000) bersh pandlo. Oun o bolepaskro pandas i voudar tele, hoy anell an o telstunepen, yaake te krell kek o telstunepen pale pre. Oun an ko zero bersh nay anell o beng i menshen bouder gar o Debleskro dromestar tele. Pal ko tsiro hounte vell lo i tikno tsiro vin mouklo.