Efesarja 2:17 - O Debleskro Lab 2024 (Sinte-Manouche)

¹⁷ O Yezous Kristo vas, oun sikras lauteren o drom pash o Debleste. T'men, kay t'mer dour o Deblestar hans, oun ninna i bibolden, kay gar dour o Deblestar his, sikras lo ko drom, te djivas mer lauter pash leste khetne.

O Debleskro Drom 2021 (Sinte)

¹⁷ O Jesus Kristo was, un sikras lauteren o drom pash o Debleste. Tumen, kai tumer dur o Deblestar hans, un ninna i bibolden, kai gar dur o Deblestar his, sikras lo ko drom, te djiwas mer lauter pash leste khetne.

Efesarja 2:17 Iomraidhean Croise

Debleskri gili 148:14

Yob das peskre menshende i zoor pral i vavar menshende. Sharenn les, t'mer, leskre menshe, t'mer dran o Israel, kay han pash leste. Sharedo vell o baro Devel!

Debleskri gili 75:1

I gili o rayeske pral i gipangre, te givell har koy gili Ma mare men. Kay gili kras o Asaf.

Debleskri gili 85:10

Čačepah, yob hi ap kolengri rig, kay leha djivenna oun ap leste shounenna. Oun leskro raylepen ačell an maro them.

Jesaja 27:5

Yaake djal lauterenge, kay gar pash mande venn, te rikrap mire vasta pral lende. Mou venn le pash mande, te las kova krik, hoy mank mende tardo hi. Ava, mou venn le, te vas mer mala.

Jesaja 52:7

Har shoukar hi, te vell kova pral i berge, kay penell menge lačo nevo koova, oun penell: Hi bouder kek kourepen. I lačo tsiro vas. T'mer han bouder gar pandlo. Oun ap mende an Sion penell lo: Tiro Devel hi o baro ray!

Zakarie 9:10

O baro Devel penell: Me lau i kourepangre vourdya krik dran o them Israel, oun i kourepangre graya dran Yerusalem. Oun i kourepangre boge venn phagedo. T'maro baro ray lell o čingepen krik mank i natsyone. Yob hi o ray foun yek baro panyestar bis ap o vavar, foun o panyestar Eufrat bis an i doureder themma ap i tseli phoub.

Mateo 10:13

Oun yon te lenn t'men an lengro kheer dren, palle vell o Debleskri barht ap lende. Yon te lenn t'men gar an lengro kheer dren, palle vell o Debleskri barht gar ap lende.

Louka 15:8

Te hi i djouvyat deesh roupene beme, oun nashrell yek, krell li i momeli an, oun rodell koy bema an o tselo kheer yaake rah, bis te hatsell li lat.

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

Bičepangre 10:36

Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.

Bičepangre 2:39

O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”

Remarja 10:14

Te patsenn yon gar ap o Yezous Kristeste, nay denn le les vitar gar an-gole. Te shounan le lestar gar, nay patsenn le gar ap leste. Te penell kek lenge o Yezous Kristestar, nay shounenn le gar lestar.

Remarja 5:1

Maro patsepen ap o rayeste, o Yezous Kristeste, kras men čačo glan o Debleste. Oun o Debleskri rholi vell bouder gar ap mende.

2. Korintarja 5:20

Yaake ham mer o Debleskre bičepangre. Men hi o Yezous Kristeskro čačo vast. Doleske mangah i menshendar, te venn le pash leste. Oun kova hi yaake, har te dell len o Yezous Kristo gole: “Avenn pash o Debleste! Avenn leskre mala!”

Efesarja 4:21

T'mer shounan lestar, oun djinenna, har yob djivas. Ko drom, hoy yob sikras men, hi o čačo drom.

5. Mose 4:7

Kay hi savi bari natsyona, kolenge lengro devel ap i rig vell, har menge maro baro Devel ap i rig vell hako kopo, kay dah mer les an-gole?