Efesarja 2:1 - O Debleskro Lab 2024 (Sinte-Manouche)

¹ Har gar patslo hans, his boud doosh ap t'mende. Oun t'mer hans čilačo. Yaake hans o Debleske moulo.

O Debleskro Drom 2021 (Sinte)

¹ Har gar patslo hans, his bud doosh ap tumende. Un tumer hans tchilatcho. Jaake hans o Debleske mulo.

Efesarja 2:1 Iomraidhean Croise

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

Mateo 8:22

Penas o Yezous: “Mouk i moule pengre moulen te paskrell! Dja tou mantsa!”

Louka 15:24

Čačepah, miro čavo his moulo, oun vas djido. Yob his nashedo oun vas pale. Oun yon van lauter barhtelo.

Louka 15:32

Mer hounte vas barhtelo. Tiro phraal his moulo oun vas djido. Yob his nashedo oun hatsas pale khere.

Johanni 10:10

Ko čorepaskro vella, te čorell lo kol bakren, te marell lo len, oun te rhal lo len. Me vom, te dap len o djipen, boudeder har doha.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 5:21

Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

Efesarja 4:18

O Deblestar kamenn le či te djinell. Lengro dji hi har i bar. Yaake djan le ap i čilačo drom, oun prindjrenn ko djipen gar, hoy o Devel della.

Efesarja 5:14

Oun kova, hoy diklo vella, ačell gar an o tamlepen.

Kolossarja 2:13

An o phouro tsiro, har t'mer an o čilačepen djivan, hans moulo o Debleske, oun hans gar leskre menshe. Kanna kras o Devel t'men o Yezous Kristeha djido, oun las t'mari tseli doosh t'mendar.

1. Timoteo 5:6

Hi vavarčandes pash i djouvyate, kolakro rom bouder gar djivella, oun kay dikell ap peste kokres, te vell lat i shoukar djipen. Kolakro patsepen hi moulo.

1. Johanni 3:14

Mer hams moulo, kanna djivah. Hoske djinah kova? Mer kamah i patslen o djiyestar. Kova sikrell mende, kay vam dran o merepen an o djipen. Koon o vavar patsles gar kamella, kova hi moulo oun ačell moulo.

Debleskro tsiro 3:1

“Čin kava liil ap o Debleskro boudepaskro, kay dell yak ap i patslende an o foro Sardes: Kava penell kova, koles o Debleskro Dourho hi, oun koles i efta bolepangre momlia an o vast hi. Me djinau lauter, hoy t'mer kran. T'mer han moulo, ninna te penenn le pral t'mende, te han djido.