Efesarja 1:7 - O Debleskro Lab 2024 (Sinte-Manouche)

⁷ Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

O Debleskro Drom 2021 (Sinte)

⁷ Har o Jesus Kristo ap o trushel meras, un peskro rat menge ratas, las lo mari doosh un phagi mendar. Jaake baro his leskro latchepen ap mende!

Efesarja 1:7 Iomraidhean Croise

Hiob 33:24

palle krell o bolepaskro peskro dji leske pre, oun penell ap o Debleste: “Le les vin, te hounte djal lo gar tele pash i moulende. Me hatsom leske i love, hoy les dran o merepen vin ginenn.”

Debleskri gili 130:4

Tou hal kova, kay i doosh krik lella. Doleske dikah pre ap toute oun shounah ap toute.

Debleskri gili 130:7

Tou, Israel, dik ap o baro Debleste! Yob hi lačes menge, oun leskro dji hi hako tsiro pre, te lell lo men vin dran o čilačepen.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

2. Mose 34:7

Me sikrau miro lačepen ap lengre čavende oun kolengre čavende oun kolengre čavende oun zerya kope yaake doureder. Oun bistrau lengri doosh oun lau lengro čilačepen krik. Koles, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar, djivan.”

Jesaja 43:25

Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Daniel 9:19

Ah ray, shoun! Ah ray, le mari doosh krik! Ah ray, shoun oun kre čomone! Kre les sik! Gar menge, touke kre les, miro Devel! Tiro foro oun tire menshe venn pal tiro lab kharedo.

Daniel 9:9

Maro ray oun Devel, tout hi i baro dji oun hal kova, kay lell i doosh krik. Mer moukam tiro drom,

Jona 4:2

Kote rakras lo ap o baro Debleste oun penas: “Ah, baro Devel, kova hi, hoy penom an ko tsiro, har khere homs. Doleske kamom sik an o them Tarsis krik te nashell. Me djinom, kay tou i lačo Devel hal, oun tout i baro dji hi. Tou veh gar sik rhoyedo. Oun tiro lačepen hi baro. Oun koy bibarht, kolah i menshen trad deh, khaytell tout pal kova.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Zakarie 9:11

Shounenn, penell o baro Devel, me anau t'mare pandlen vin dran o stilepen, vin dran o them, hoy hi har i brounna, kay kek pani dren hi. Kova vell yaake čačo har koy sovel, hoy t'mentsa dren djom, oun hoy rateha čačo vas.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

Mateo 6:12

Oun biste mari doosh, hoy mer ap mende anam! Oun ninna mer bistrah o čilačepen, hoy i vavar ap mende kran.

Markus 14:24

Oun yob penas ap lende: “Kay mool hi miro rat, hoy me ratau boudenge. Yaake krau i drom, kay o Devel oun i menshe mala venna.

Louka 1:77

Leskre menshende sikreh tou, har nay vell lengri doosh krik lino, yaake te djan le gar nashedo.

Louka 24:47

Oun an peskro lab hounte vell i menshenge an hake themma penlo, te moukenn le pengro čilačo drom, oun djan ap o Debleskro drom, yaake kay lell o Devel lengri doosh lendar krik. Penenn kova i menshenge an o foro Yerusalem, oun palle an i vavar themma!

Johanni 20:23

Ap koneste t'mer penenna: Tiri doosh hi krik lino, koleske vell li krik lino. Oun ap koneste t'mer penenna: Tiri doosh ačell ap toute, ap koleste ačell li.”

Bičepangre 10:43

Kolestar rakrenn i tsele Debleskre rakepangre an pengre lila. Yon penenn, kay lell o Devel i doosh hakenestar krik, koon ap o Yezous Kristeste patsella.”

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Remarja 3:24

Oun o Devel krell len čičeske čačo oun erligo dran leskro baro lačepen. O Yezous Kristo playsras lenge peskro rateha.

Remarja 3:25

O Devel bičras les, te merell lo ap o troushel kolenge, kay ap leste patsenna. Leskro rateha, hoy yob ap o troushel ratas, thovas o Devel mari doosh mendar krik. Yaake dikah, o Devel hi lačo oun čačo oun lell i menshendar lengri doosh krik.

Remarja 9:23

Kova kras lo, te sikrell lo peskro baro raylepen ap kolende, kay lan leskro kamlepen. Kolen rodas lo vin, te djivenn le leha khetne an leskro raylepen.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

Efesarja 1:14

Kanna hi men o Debleskro Dourho an mende. Oun doleske djinah, te lah boudeder lačo koova ap ko dives, kay vah neves kerdo an o bolepen. Doleske sharas mer maro baro Debles!

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Efesarja 1:8

Boud kope his lo menge lačes, oun das men ninna gosvepen, te hayvas leskro drom.

Efesarja 2:4

Kanna kras men o Devel djido. Les his i baro dji menge oun kamas men o tselo djiyestar. Mer, kay leske moulo hams, har djivam an maro čilačepen, men kras yob djido, yaake har yob o Yezous Kristes djido kras. Yob his yaake lačo ap mende, te las lo men dran o čilačepen vin.

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Filiparja 4:19

Miro Devel dell ninna t'men lauter, hoy t'men hounte vell djipaske. Les hi i baro bravlepen an o bolepen. Kova dell lo kolen, kay djan ap o Yezous Kristeskro drom.

Kolossarja 1:14

kay playsras menge peskro rateha, oun las mari doosh mendar krik.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

Kolossarja 2:13

An o phouro tsiro, har t'mer an o čilačepen djivan, hans moulo o Debleske, oun hans gar leskre menshe. Kanna kras o Devel t'men o Yezous Kristeha djido, oun las t'mari tseli doosh t'mendar.

Kolossarja 2:2

Kova krau, te venn t'mer zoreles an t'maro dji, oun rikrenn khetne an o kamlepen. Ninna kamau, te hayvenn t'mer mishto o Debleskro drom, hoy i menshe i rah tsiro gar djinan. Ko drom hi o Yezous Kristo.

1. Timoteo 2:6

Yob das peskro djipen i tsele menshenge. Yaake sikras o Devel an o čačo tsiro, kay kamell lo, te vell hako mensho vin lino dran o čilačepen oun o merepen.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Tito 3:6

Koles bičras o Yezous Kristo pash mende, oun mer lam lestar boud.

Hebrearja 9:22

Hi gar boud koova, hoy vell gar o rateha djoudjo oun erligo kerdo. Yaake hi an o Moseskre lila činlo. Oun te vell kek rat vin čoredo, nay vell kek doosh krik lino.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

1. Johanni 2:12

Čovale, me činau t'menge kava lab, te bistrenn t'mer gar, kay o Yezous Kristo meras t'menge. O Devel las t'mari doosh t'mendar.

1. Johanni 2:2

Yob kokres las mari doosh mendar, oun las lat ap peste, har yob menge ap o troushel meras. Gar mari doosh kokres las lo ap peste. Na-a, yob las ninna i doosh i tsele menshendar ap kay phoub ap peste.

1. Johanni 4:10

Kava hi o Debleskro kamlepen: Hi gar yaake, kay mer kamam o Debles. Na-a, yob kamas men, oun bičras peskro čaves, te lell yob mari doosh ap peste.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.