Efesarja 1:22 - O Debleskro Lab 2024 (Sinte-Manouche)

²² O Devel das halauter an leskre vasta, oun kras, te vas o Yezous Kristo o pralstouno pral i patslende.

O Debleskro Drom 2021 (Sinte)

²² O Dewel das halauter an leskre wasta, un kras, te was o Jesus Kristo o pralstuno pral i patslende.

Efesarja 1:22 Iomraidhean Croise

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Debleskri gili 91:13

I leve oun i sapa nay doukrenn tout gar. Tou stakreh len lauter khetne.

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

1. Korintarja 11:3

Me kamau te djinenn t'mer, kay o Yezous Kristo hi o pralstouno pral hako morsheste. Oun o rom hi o pralstouno pral peskri romyate. Oun o Devel hi o pralstouno pral o Yezous Kristeste.

Efesarja 5:23

O rom hi o ray pral i djouvyate yaake, har hi o Yezous Kristo o ray pral i tsele patslende. Kolen las yob dran o čilačepen vin. Yon hi leskre menshe.

Kolossarja 1:18

Yob hi o pralstouno pral i tsele patslende. Har o Devel les i moulendar djido kras, das lo les o nevo djipen glan hako vavareste, koles o Devel neves krella. Yaake kras o Devel, kay hi o Yezous Kristo o pralstouno pral halauter, hoy koy hi.

Kolossarja 1:8

Yob penas menge, har baro t'maro kamlepen hi, hoy das t'men o Debleskro Dourho.

Kolossarja 2:19

Yon rikrenn pen gar ap o Yezous Kristeste, ko ray pral i tsele patslende. Yaake har i kokale i menshes khetne rikrenna, yaake rikrell yob i patslen khetne pash leste, oun dell len lauter, hoy len hounte vell djipaske. Oun yon venna baro oun zorelo an o patsepen yaake, har o Devel kova kamella.

Hebrearja 2:8

Tou dal lauter an leskre vasta. Či hi koy, pral koleste yob gar o ray hi. Ninna te djinah mer kova, dikah kanna gomme gar lauter an leskre vasta.