Efesarja 1:11 - O Debleskro Lab 2024 (Sinte-Manouche)

¹¹ Yob kras, te vam mer o Debleskre čave. Oun ko bolepaskro bravlepen, hoy leskro hi, vell ninna maro. Kova kamas o Devel glan i rah tsiro yaake. Oun lauter, hoy yob kamella, krell lo.

O Debleskro Drom 2021 (Sinte)

¹¹ Job kras, te wam mer o Debleskre tchawe. Un ko bolepaskro brawlepen, hoi leskro hi, well ninna maro. Kowa kamas o Dewel glan i rah tsiro jaake. Un lauter, hoi job kamella, krell lo.

Efesarja 1:11 Iomraidhean Croise

Hiob 12:13

O Debles hi gosvepen oun ninna zoor. Yob hayvell halauter, oun nay penell, hoy te vell kerdo.

Hiob 33:29

Dik, kava lauter krell o Devel douy, triin kope an o djipen i menshestar,

Debleskri gili 37:18

O baro Devel prindjrell i divessa kolendar, kay ap leste shounenna pengro tselo djiyeha, oun lengro them ačell lenge hako tsireske.

Gosewe laba 8:14

Mire labentsa sikrau yekeste o drom, oun krau leskre yaka pre. Djinau, hoy mishto oun gar mishto hi, oun man hi i zoor.

Jesaja 25:1

Baro Devel, tou hal miro Devel. Tout sharau, oun touke givau. Tou kral baro koova, hoy kek vavar nay krella. Hoy tou penal i glan rah tsiro, ap kova rikral tout oun kral kova.

Jesaja 28:29

Ninna kava djal vin o baro Deblestar, ko rayestar pral o bolepen oun i phoub. Kova, hoy yob peske glan las, hi yaake shoukar, te ačell menge o rakepen krik. Oun leskro gosvepen hi baro.

Jesaja 5:19

oun penenn: Mou vell kova sik, hoy o baro Devel kamell te krell, te dikas kova! Mou vell čačo, hoy o Israeleskro lačo Devel peske glan las, te prindjras kova!

Jeremia 23:18

Kek kal morshendar his tardo glan o baro Debleste oun dikas oun shounas, hoy lo penas. Kek lendar das yak ap leskre laba oun hayvas len.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Zakarie 6:13

Yob hi kova, kay krell o baro Debleske i kheer, oun yob vell sharedo har i baro ray. Yob hi beshdo ap peskri rayli beshepaskri oun hi o ray pral peskre menshende. Oun i rashay hi tardo ap peskri čači rig. Oun kol douy djivenn lačes khetne.

Bičepangre 13:48

Har kolla, kay hi kek bibolde, kova shounan, van le barhtelo, oun sharan o Debleskro lab. Oun lauter kolla van patslo, kay o Deblestar vin rodedo van, te lenn yon ko djipen, hoy gar pre-herella.

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Bičepangre 20:27

Me moukom gar tele, te penap t'menge halauter, hoy o Devel t'menge kras.

Bičepangre 20:32

Me čivau t'men kanna an o Debleskro vast, te dell yob yak ap t'mende. Ačenn pash o Debleste oun pash leskro lab! Leskro lab sikrell t'mende o Debleskro lačepen. Les hi i zoor, te krell lo t'men zoreles an o patsepen. Oun o Devel dell t'men yek bravlepen an o bolepen. Kova hi o djipen, hoy gar pre-herella. Kova dell yob lauterende, kay leskre čave hi.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Bičepangre 4:28

Yaake kran yon kova, hoy tou glan i rah tsiro penal, te vell kova lauter yaake.

Remarja 11:34

Kek hayvell lauter kova, hoy hi an o Debleskro dji. Yob hi o ray. Kek nay penell leske, hoy yob hounte krella.

Remarja 8:17

Gar kokres leskre čave ham mer. Mer lah ninna lestar ko tselo lačepen, hoy les menge hi an o bolepen. Kova lah khetne o Yezous Kristeha. Te venn douka ap mende, yaake har van douka ap o Yezous Kristo, palle krell men o Devel ninna baro oun raylo leha.

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

Remarja 8:29

Har rodas lo len vin, his an leskro dji, te venn le yaake har peskro čavo. Kova te vell o phoureder mank boud phralende oun phenyende.

Remarja 8:30

Kolen yob vin rodas, kolen das lo ninna gole, te djivenn le leha khetne. Oun kolen, kay yob gole das, kolen čivas lo an o čačepen. Oun kolen, kay yob an o čačepen čivas, kolen kras lo ninna erligo, te djivenn le leha khetne an leskro raylepen.

Remarja 9:11

Har i čave gomme gar boldo his, penas o Devel lake: I tsiro vella, kay boudrell o phoureder čavo o terneder čaveske. Har yob kova penas, kras kek lendar i lačo koova, vitar kek čilačo koova. Yaake dikah, lauter vella, har o Devel kamella. Te rodell lo yekes vin, krell lo kova yaake, har yob kamella. Yob dikell gar ap kova, hoy yek kras.

Galatarja 3:18

Te lals yek o Debleskro bravlepen oun djipen, te rikrals lo pes ap o Moseskre laba, palle čivals o Devel peskro lab ap i rig, hoy yob o Abrahameste das. Kova hi gar yaake. O Devel rikrell peskro lab, oun doleske das yob o Abrahameste peskro bravlepen čičeske.

Efesarja 1:14

Kanna hi men o Debleskro Dourho an mende. Oun doleske djinah, te lah boudeder lačo koova ap ko dives, kay vah neves kerdo an o bolepen. Doleske sharas mer maro baro Debles!

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 1:5

te penas lo glan i rah tsiro an peskro dji, te vas mer leskre čave. Oun o Yezous Kristo kras, te vam mer o Debleskre čave, yaake har o Devel kova kamas,

Efesarja 1:8

Boud kope his lo menge lačes, oun das men ninna gosvepen, te hayvas leskro drom.

Efesarja 1:9

Kek mensho djinas, hoy o Devel kamas te krell. Mende sikras lo, hoy les an peskro dji hi. Kova, hoy yob kamell te krell, krell lo o Yezous Kristeha.

Efesarja 3:11

Kova, hoy les glan i rah tsiro an peskro dji his, kova kras lo, har yob o Yezous Kristes menge ap i phoub bičras. Kova vas maro ray,

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

Kolossarja 1:12

Parkrenn t'men o tselo djiyestar pash o Debleste, kay hi t'maro dad an o bolepen! Yob kras t'men moldo, te djivenn t'mer khetne i vavar patslentsa pash leste an o bolepen, kay hi kek tamlepen.

Kolossarja 3:24

Djinenn, maro ray, o Yezous Kristo, dell t'men peskro bravlepen an o bolepen. Leskre boudepangre han t'mer.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Tito 3:7

Yaake čivas men o Yezous Kristo an o čačepen dran lauter lačepen, te dell lo men ko djipen, hoy gar pre-herella. Oun mer djinah, kay lah ko djipen an ko tsiro, hoy vella.

Hebrearja 6:17

Har das o Devel peskre menshen peskro lab, das lo ninna peskro vast koy pre. Yaake sikras lo len, te dell lo len čačepah kova, hoy yob lenge penas.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Petro 1:4

yaake lah mer ninna ko djipen, hoy bouder gar pre-herella. Ko shoukar koova, hoy lah an o bolepen, ačell hako tsiro. Kova vell gar čiklo oun phouro. Kava bravlepen hi t'menge,

1. Petro 3:9

Krenn kekeske čilačepen, kay kras ap t'mende čilačepen! Yek te čingrell ap t'mende, ma čingrenn pale! Rakrenn lače laba leha! O Devel das t'men gole, te lenn t'mer leskro lačepen.