Debleskro tsiro 7:2 - O Debleskro Lab 2024 (Sinte-Manouche)

² Oun me dikom i vavar bolepaskres. Kova vas kol rigyatar, kay o kham pre djala. Oun yob kras i sikepen ap kolende, kay o djido Debleske koy hi. Oun yob das zoreles gole ap kol star bolepangre, kolen i zoor dino vas, te doukrenn le i phoub oun o baro pani.

O Debleskro Drom 2021 (Sinte)

² Un me dikom i wawar bolepaskres. Kowa was kol rigjatar, kai o kham pre djala. Un job kras i sikepen ap kolende, kai o djido Debleske koi hi. Un job das soreles gole ap kol star bolepangre, kolen i soor dino was, te dukrenn le i phub un o baro pani.

Debleskro tsiro 7:2 Iomraidhean Croise

2. Rajengro liil 19:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Kamlepaskri gili 8:6

Čin miro lab ap tiro dji! Mouk man har i goustri ap tiro vast te vell! Te kamenn pen douy, hi lengro kamlepen zoreles har o merepen, oun rikrell len pandles har o moulengro them. Len hi i dji yek o vavareske, hoy rhačell zoreles har i yag o baro Deblestar.

Jesaja 41:2

Koon das i rayes gole, te vell lo foun kotar, kay o kham pre djal? Ko ray hi zorleder har i vavar, kay lo ninna djal. O Devel dell leste i vavar themma tel leskre herya, oun krell, te perenn lengre bare raya glan leste tele. Oun leskro rharo tradell len krik har patria. Oun glan leskro bogo hi le har phouss, hoy i dourho krik phourdell.

Ezekiel 9:4

oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Mateo 26:63

O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

2. Korintarja 1:22

oun das men peskro Dourho. Ko Dourho, hoy an mende hi, sikrell men, kay ham leskro. Doleske djinah, yob dell men gomme boud bareder lačo koova an ko tsiro, hoy vella.

Efesarja 1:13

T'mer ninna shounan o čačepen. Oun t'men vas ko drom siklo, hoy anas t'men pash o Debleste. Ko drom hi o Yezous Kristo. Har t'mer ap leste patslo van, das lo t'men o Debleskro Dourho an t'mare djia. Glan i rah tsiro penas o Devel, te dell lo les peskre čavende. Yaake sikrell lo, koon leskre čave hi.

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

5. Mose 5:26

An kek tsiro nay shounas i mensho o rakepen o djido Deblestar dran i yag vin, yaake har mer, oun ačas djides?

1. Tessalonikarja 1:9

Yon hi kolla, kay penenn i vavarenge, har lan t'mer men pash t'mende pre, har moukan t'maro phouro drom, te djan ap o Debleskro drom, oun mangenn bouder gar vavar koova an har o djido oun čačo Debles kokres.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Hebrearja 12:22

Kova lauter dikan t'mer gar. Na-a. T'maro tsillo, kay venn khetne o Debleha, hi ap i berga Sion an o bolepen. Kote hi o foro o djido Deblestar tardo, o nevo foro Yerusalem. Kote hi boud boud zerya bolepangre, kay sharenn o Debles.

Debleskro tsiro 1:3

Barhtelo hi kova, kay draverell kal laba. Oun barhtele hi kolla, kay shounenn kal laba, oun rikrenn len an pengre djia. O tsiro hi gar dour, kay kava lauter vella.

Debleskro tsiro 10:1

Oun me dikom i vavar zorelo bolepaskres dran o bolepen tele te vell. I folka his troul leste har i ripen. Oun i brishineskro bogo his ap leskro shero. Leskro mouy his har o kham, oun leskre herya har dran yag.

Debleskro tsiro 10:4

Har me kamom kol laba, hoy shounom, pre te činell, penas yek dran o bolepen ap mande: “Ma čin ko bolepaskro rakepen pre, te djinell les kek!”

Debleskro tsiro 16:12

Oun o shobto bolepaskro čoras peskro čaro vin pral o baro pani, hoy kharella Eufrat. Oun ko pani djas pale. Yaake vas i drom kerdo kol rayenge, kay venna dran o them, kay o kham pre djal.

Debleskro tsiro 5:2

Oun me dikom i zorelo bolepaskres, kova das zoreles gole: “Koon hi moldo, te nay krell lo ko liil pre, te dikell lo dren?”

Debleskro tsiro 8:3

Oun i vavar bolepaskro vas, oun djas pash o Debleskri rhačepaskri. Les his i sonakaskro čaro an o vast, an koleste goudlo kasht rhačedo vella, hoy mishto soungella. Oun ko bolepaskro las boud goudlo kasht, te rhačrell lo les ap o Debleskro sonakaskro bob, hoy glan o Debleskro beshepaskro tardo hi, te vell o lačo soungepen khetne o mangepah, hoy o Debleskre čave o Deblestar mangan.

Debleskro tsiro 9:14

Oun ko rakepen penas ap ko shobto bolepaskro, kay hi les koy phourdepaskri an o vast: “Mouk kol star bolepangre te djal, kay pash o baro pani Eufrat pandlo hi! Kre lengre shelle pre!”

Debleskro tsiro 9:4

Oun lenge vas penlo, te doukrenn le gar o zenlepen ap i phoub, vitar gar i rouka. Yon hounte doukrenn kol menshen kokres, kay kek Debleskro sikepen glan ap lengre shere hi.

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”

1. Samuel 17:36

Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”