Debleskro tsiro 7:1 - O Debleskro Lab 2024 (Sinte-Manouche)

¹ Oun pal kova dikom me star bolepangren. Kolla his tardo ap kol star rigya i phoubyatar, oun rikran ko zorelo dourho pale, hoy phourdell dran hake star rigya pral i phoub. Yon rikran les pale, te phourdell lo gar pral i phoub, vitar gar pral o baro pani, vitar gar pral i tsele rouka.

O Debleskro Drom 2021 (Sinte)

¹ Un pal kowa dikom me star bolepangren. Kolla his tardo ap kol star rigja i phubjatar, un rikran ko sorelo ducho pale, hoi phurdell dran hake star rigja pral i phub. Jon rikran les pale, te phurdell lo gar pral i phub, witar gar pral o baro pani, witar gar pral i tsele ruka.

Debleskro tsiro 7:1 Iomraidhean Croise

Jesaja 11:12

Oun yob čivell i sikepen pre, te sikrell lo kol menshen an i vavar themma, te anell lo kolen khetne, kay dran Israel oun Youda vin tradedo his. Kolen anell lo pale dran hake rigya i phoubyatar.

Jesaja 27:3

Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

Jesaja 27:8

Na-a, yob das len lengri phagi, har yob len pestar krik bičras. Dran lengro them van le krik tradedo har i zorelo dourheha, hoy kotar phourdell, kay o kham pre djal.

Jeremia 49:36

Hake star rigyendar moukau i phourdepen te vell, hoy vell pral lende, oun tradell len ap hake rigya, yaake te hi kek them ap kay phoub, kay hi kek menshe dran o them Elam tradedo.

Ezekiel 37:9

Oun o baro Devel penas ap mande: Tou, mensho, rake laba vin, hoy mandar venna! Pen ap o dourho: Kava penell o baro Devel, maro ray: Tou dourho, ab dran hake rigya, oun phourde ap kol marede menshende, te venn le djido!

Ezekiel 7:2

Tou, mensho, kava hi, hoy penau me, o baro Devel t'maro ray ap o them Israel. Hi doha! O tsiro hi koy, kay djal o tselo them Israel tele.

Daniel 11:4

Ap ko tsiro, kay vas lo baro, phagell leskro them an star kotya – pal kol star bolepangre rigya. Kek kal star tikneder themma vell yaake zorelo har leskro them his. Oun kek leskre čavendar lell čomone kolestar. Na-a, leskri rayeskri zoor vas paash oun vas ap vavarende doureder dino.

Daniel 7:2

Me, o Daniel, dikom i dikepen an i rati: I baro dourho vas dran i star rigya i phoubyatar oun phourdas pral o baro pani, te vas lo divyo.

Daniel 8:8

Oun koy morsh bouzni vas bareder oun bareder. Oun har koy bouzni yaake zorelo vas, phagas ko yek shing tele, oun star vavar shinga van kote vin, kay glanstounes ko yek his. Oun hako shing sikras ap i vavar rig: glan oun pal, čačes oun serves.

Jona 1:4

Kote moukas o baro Devel i zorelo phourdepen pral o baro pani te vell, hoy yaake zorelo his, te kamas ko shiffo khetne te phagell.

Zakarie 6:1

Oun me dikom pale pre oun dikom star vourdya. Kolla van mank douy berge vin. Kol berge his dran lolo saster.

Zakarie 6:5

Oun o bolepaskro penas: “Kolla hi kol star dourhe tel o bolepen, kolla his tardo glan o rayeste pral i tseli phoub, oun venn kanna vin.”

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Markus 13:27

Palle bičrell lo i bolepangren pral i tseli phoub, te anenn le dran hako them kolen khetne, kay len o Devel peske vin rodas.

Debleskro tsiro 20:8

Oun yob djal vin, te tserdell lo i menshen ap i tseli phoub ap peskro drom. Kolla menshe kharenna Gog oun Magog. Oun yon hi yaake boud, te penell nay kek, kitse yon hi. O beng anell len khetne, te djan le an o kourepen o Debleskre menshentsa.

Debleskro tsiro 6:6

Oun me shounom i rakepen, hoy vas mashkral kote vin, kay kol star zorele bolepangre tardo hi, oun penas: “Yek dives hounte boudrenn le, te ginenn le yek čaro gib. Oun yek dives hounte boudrenn le, te ginenn le triin čare djob. O djet oun i mool ačenna, har yon hi. Kolenge hounte playsrenn le gar boudeder.”

Debleskro tsiro 7:3

Oun yob penas ap lende: “Ma doukrenn i phoub oun o baro pani, vitar gar i rouka, yaake rah har mer kram gar i sikepen glan ap i shere kolendar, kay maro Debleske boudran.”

Debleskro tsiro 8:7

Oun o glanstouno phourdas an peskri phourdepaskri. Koy das brishin, hoy his har barra, oun yag o rateha mashkral ap i phoub. Oun o triinto kotar i tseli phoubyatar rhačras, oun o triinto kotar i tsele roukendar rhačras, ninna o tselo zenlepen.

Debleskro tsiro 9:14

Oun ko rakepen penas ap ko shobto bolepaskro, kay hi les koy phourdepaskri an o vast: “Mouk kol star bolepangre te djal, kay pash o baro pani Eufrat pandlo hi! Kre lengre shelle pre!”

Debleskro tsiro 9:4

Oun lenge vas penlo, te doukrenn le gar o zenlepen ap i phoub, vitar gar i rouka. Yon hounte doukrenn kol menshen kokres, kay kek Debleskro sikepen glan ap lengre shere hi.