Debleskro tsiro 5:1 - O Debleskro Lab 2024 (Sinte-Manouche)

¹ Oun me dikom i liil an o čačo vast kolestar, kay ap o rayeskro beshepaskro beshdo hi. Ap ko liil his dren oun vin čomone činlo. Oun ko liil his khetne pandlo efta doryentsa.

O Debleskro Drom 2021 (Sinte)

¹ Un me dikom i liil an o tchatcho wast kolestar, kai ap o rajeskro beshepaskro beshdo hi. Ap ko liil his dren un win tchomone tchinlo. Un ko liil his khetne pandlo efta dorjentsa.

Debleskro tsiro 5:1 Iomraidhean Croise

Jesaja 29:11

Lauter, hoy t'men o Devel sikras, hi t'menge har i laba an i liil, hoy krell nay kek pre. Kova hi yaake, har te dals yek i liil yekeste, kay hayvell te draverell, oun penell leske: Drave mange glan, hoy tardo hi. Oun kova penell: Kova djal gar, ko liil nay krell kek pre.

Jesaja 34:16

Rodenn kanna an o liil o baro Deblestar oun draverenn, hoy kote činlo hi: Kal tsele firhendar oun čirklendar hi koy. Kek lendar hi kek romyah. Yaake penas o baro Devel, oun leskro dourho anas len khetne.

Jesaja 8:16

T'mer, kay shounenn ap mande, pandenn kava liil, kay činlo hi, hoy o Devel mande sikras, oun denn yak ap kol laba!

Daniel 8:26

Oun kava dikepen, hoy dikal, oun kova hoy touke penlo vas pral kol firhende, hoy o Debleske bouder gar haki rati oun haki tsalla anlo van, kova hi o čačepen. Hi gomme i rah tsiro, bis te kova yaake vella. Doleske rike les khatedo oun ma rake kolestar!”

Zakarie 5:1

Me dikom pale pre oun dikom i liil, hoy djas an i loufta.

Debleskro tsiro 10:2

Oun les his i liil an peskro vast, hoy pre his. Oun yob čivas peskri čači heri ap o baro pani, oun i servi heri ap i phoub.

Debleskro tsiro 4:3

Leskro mouy dikas yaake shoukar vin har kol kouč shoukar barra Yaspis oun Karneol. Oun troul o rayeskro beshepaskro his i brishineskro bogo, kay dikas yaake vin har ko shoukar bar Smaragdo.

Debleskro tsiro 4:9

Oun yaake sharenn kol star zorele bolepangre koles, kay ap o rayeskro beshepaskro beshdo hi, oun yon hadenn les oun krenn les baro, oun parkrenn pen pash leste, kay djivell hako tsireske.

Debleskro tsiro 5:13

Oun me shounom i gili, hoy lauter givan, kay an o bolepen hi, oun ap i phoub, oun tel i phoub, oun an o baro pani. Oun yon givenn: “Koleske, kay ap o rayeskro beshepaskro beshdo hi oun ko terno bakreske, kolenge hi i gilya, oun o sharepen, oun o raylepen, oun i zoor pral lauter, kanna oun hako tsireske.”

Debleskro tsiro 5:7

Oun o terno bakro vas pash koleste, hoy ap o rayeskro beshepaskro beshdo his, oun las ko liil dran leskro čačo vast.

Debleskro tsiro 6:1

Oun me dikom, har ko terno bakro yek kol efta doryendar pre pandas, hoy ko liil khetne rikrenna. Oun me shounom, har yek kol star zorele bolepangrendar zoreles penas: “Ab!”

Debleskro tsiro 6:16

oun penan ap kol berge oun ap kol bare barra: “Perenn ap mende, oun khatrenn men kolestar, kay ap o rayeskro beshepaskro beshdo hi, oun koy bari rholyatar, hoy ko terno bakres hi!

Debleskro tsiro 8:1

Oun har o terno bakro i eftati dori pre pandas, hoy ko liil khetne rikras, rakras kek bouder an o bolepen. I tikno tsiro rakran le či bouder.