Debleskro tsiro 4:3 - O Debleskro Lab 2024 (Sinte-Manouche)

³ Leskro mouy dikas yaake shoukar vin har kol kouč shoukar barra Yaspis oun Karneol. Oun troul o rayeskro beshepaskro his i brishineskro bogo, kay dikas yaake vin har ko shoukar bar Smaragdo.

O Debleskro Drom 2021 (Sinte)

³ Leskro mui dikas jaake shukar win har kol kutch shukar barra Jaspis un Karneol. Un trul o rajeskro beshepaskro his i brishineskro bogo, kai dikas jaake win har ko shukar bar Smaragdo.

Debleskro tsiro 4:3 Iomraidhean Croise

2. Mose 24:10

Oun yon dikan o Israeleskro Debles. Oun tel leskre herya his čomone, hoy vi-dikas har kol kouč barra, hoy kharenna Safire. Oun kova his yaake djoudjo oun blaueto har o bolepen.

2. Mose 28:18

Tel kolende kol barra, hoy kharenna Karfunkel, Safiro, oun Diamanto.

2. Mose 39:11

Tel kolende kol barra, hoy kharenna Karfunkel, Safiro, oun Diamanto.

Jesaja 6:1

An ko bersh. kay o baro ray Usiya meras, kote dikom me o Debles, maro rayes, beshdo ap i bari rayli beshepaskri. Oun o Debleskro kheer his pherdo ko telstouno kotar leskri plaashka.

Ezekiel 1:26

Pral o bolepen, hoy pral lengre sherya his, his čomone, hoy vin dikas har i rayeskri beshepaskri dran kouč blaueto bar. Oun ap koleste his yek beshdo, kova dikas vin dikas har i mensho.

Ezekiel 1:28

har i brishineskro bogo, hoy vell diklo ap o bolepen pal i brishin. Yaake sikras pes o baro Devel an peskro raylepen mange. Oun har les dikom, moukom man glan leste ap i phoub te perell. Oun me shounom yekes, kay rakras.

Ezekiel 10:1

Oun me dikom ap ko bolepen, hoy his pral i sherya foun i bolepangre, oun dikom čomone yaake blaueto har ko kouč blaueto bar, hoy kharell Safiro. Kova dikas vin har i rayeskri beshepaskri.

Ezekiel 28:13

Tout his i shoukar djipen, har te djivals an o Debleskri bar Eden. Ap toute his hake kouč barra: Rubin, Topas, Diamant, Krisolit, Onyx, Yaspis, Safiro, Karfunkel oun Smaragdo. Kol barra his an shoukar kerdo sonakay dren pandlo, oun touke koy, te less len ap ko dives, kay boldo val.

Debleskro tsiro 10:1

Oun me dikom i vavar zorelo bolepaskres dran o bolepen tele te vell. I folka his troul leste har i ripen. Oun i brishineskro bogo his ap leskro shero. Leskro mouy his har o kham, oun leskre herya har dran yag.

Debleskro tsiro 21:11

Ko fores hi o Debleskro raylepen, oun hi yaake shoukar, har ko kouč bar, hoy Yaspis kharella, yaake djoudjo har djoudji vali.