Debleskro tsiro 3:3 - O Debleskro Lab 2024 (Sinte-Manouche)

³ Ma bistrenn, hoy t'menge penlo vas oun hoy shounan! Oun rikrenn ap kal laba! Oun avenn pale ap o čačo drom! Te krenn kova gar, oun stenn gar pre o sopastar, palle vau pral t'mende har i čorepaskro. Oun t'mer djinenn gar, havo tsireske pale vau.

O Debleskro Drom 2021 (Sinte)

³ Ma bistrenn, hoi tumenge penlo was un hoi shunan! Un rikrenn ap kal laba! Un awenn pale ap o tchatcho drom! Te krenn kowa gar, un stenn gar pre o sopastar, palle wau pral tumende har i tchorepaskro. Un tumer djinenn gar, hawo tsireske pale wau.

Debleskro tsiro 3:3 Iomraidhean Croise

Ezekiel 20:43

Oun kote vell t'menge kova an o shero, hoy kran oun har djivan, koleha t'mer t'men pale-čiddo kran. Oun ko tselo čilačo koova, hoy kran, vell t'menge čadepaske.

Ezekiel 36:31

Oun palle vell t'menge an o shero, har čilačo kova his, hoy kran oun har djivan. Oun ko tselo čilačo koova, hoy kran, oun har i rhorhene deblen an-mangan, vell t'menge čadepaske.

Mateo 25:13

Doleske penau me t'menge: Rikrenn t'mare yaka pre! T'mer djinenn gar ko dives, kay o ray pale vella!

Markus 13:33

Denn yak! Rikrenn t'mare yaka pre! T'mer djinenn gar, kaana hi ko tsiro kay.

Markus 13:36

Yaake denn garda, te hatsell lo t'men gar ap o sopen, te vell lo ap yek kopo.

1. Tessalonikarja 5:2

T'mer djinenna, o ray Yezous vella har i čorepaskro an i rati.

1. Timoteo 6:20

Tou, Timoteo, ač pash kova, hoy o Devel an tiro vast čivas! Ma shoun ap kolende, kay rakrenn laba, hoy či moldo hi, oun hoy gar o Deblestar venna! Yon rakrenn dinelo koova, oun patsenn, kay djinenn le boudeder har kol vavar. Lengro hi gar čačo.

2. Timoteo 1:13

Rike tout ap kal lače laba, hoy tou mandar shounal! Yaake djineh, har tou hounte rakress. Oun ač an o patsepen oun an o kamlepen, hoy o Yezous Kristo men das!

Hebrearja 2:1

Glan i rah tsiro penan i bolepangre mare phourenge, har hounte djan yon ap o Debleskro drom. Koon gar ap o Debleste shounas, oun gar ap leskro drom djas, kova las peskri phagi. Yaake zorelo hi o Debleskro lab. Doleske hounte das mer baro yak ap ko lab, hoy mer shounam, te djivas pal kova, oun te peras gar ko čačo dromestar tele.

2. Petro 1:13

Me patsau, hi mishto t'menge, te penap t'menge kova yaake rah, har me djivau, te bistrenn t'mer kova gar, oun te venn gar khino, te krenn kova lauter.

2. Petro 3:1

Lače phrala oun phenya, kava hi o douyto liil, hoy me t'menge činau. Kalla lila činau, te venn t'mer gar khino an t'maro patsepen. Ma bistrenn,

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

Debleskro tsiro 16:15

Oun i triin benga anan len khetne an i them, hoy kharella ap hebretikes: Harmagedon. Kanna shounenn, hoy o Yezous Kristo penella! Yob penella: “Me vau har i čorepaskro. Barhtelo hi kova, kay yak della, oun gar sovella, oun leskre koola ap leste hi, yaake te hi lo gar nango oun ladjella.”

Debleskro tsiro 2:25

har kova, te rikrenn mire laba zoreles an t'mare djia, yaake rah bis te vau pale.

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.

Debleskro tsiro 22:7

“Shounenn,” penell o Yezous, “me vau sik. Barhtele hi kolla, kay rikrenn kal laba, hoy an kava liil činlo hi, an pengre djia. Kolla laba sikrenna, hoy vella.”

Debleskro tsiro 3:11

Me vau an i tikno tsiro pale. Rikrenn t'maro patsepen zoreles, te lell kek vavar ko shoukar koova t'mendar, hoy t'menge an o bolepen hi, oun hoy kolla lenna, kay dan pengro patsepen gar pre.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

Debleskro tsiro 3:2

Stenn pre o sopastar! Mashkral t'mende hi gomme menshe, kay patsenn ap mande. Kolla hi gar boud. Oun lengro patsepen hi tikno. Krenn lengro patsepen pale zoreles! Glan miro Debleste hi kova gar mishto doha, hoy t'mer mange krenn.