Debleskro tsiro 3:1 - O Debleskro Lab 2024 (Sinte-Manouche)

¹ “Čin kava liil ap o Debleskro boudepaskro, kay dell yak ap i patslende an o foro Sardes: Kava penell kova, koles o Debleskro Dourho hi, oun koles i efta bolepangre momlia an o vast hi. Me djinau lauter, hoy t'mer kran. T'mer han moulo, ninna te penenn le pral t'mende, te han djido.

O Debleskro Drom 2021 (Sinte)

¹ “Tchin kau liil ap o Debleskro budepaskro, kai dell jak ap i patslende an o foro Sardes: Kawa penell kowa, koles o Debleskro Ducho hi, un koles i efta bolepangre momlia an o wast hi. Me djinau lauter, hoi tumer kran. Tumer han mulo, ninna te penenn le pral tumende, te han djido.

Debleskro tsiro 3:1 Iomraidhean Croise

Louka 15:24

Čačepah, miro čavo his moulo, oun vas djido. Yob his nashedo oun vas pale. Oun yon van lauter barhtelo.

Louka 15:32

Mer hounte vas barhtelo. Tiro phraal his moulo oun vas djido. Yob his nashedo oun hatsas pale khere.

Johanni 1:16

Mer halauter lam pale oun pale boud lačepen lestar, kay les yaake boud hi.

Johanni 1:33

Oun me prindjrom les gar. Kova, kay bičras man, te taufrap i menshen an o pani, kova penas ap mande: Tou dikeh, har vell o Debleskro Dourho ap i morsheste oun ačell ap leste. Kova hi ko morsh, kay dell i menshen o Debleskro Dourho.

Johanni 20:22

Oun har yob kova penas, phourdas yob ap lende, oun penas: “Lenn o Debleskro Dourho!

Johanni 3:34

Koles, kay o Devel pash mende bičras, kova rakrell o Debleskre laba. O Devel dell an leste peskro tselo Debleskro Dourho, oun rikrell či pale.

Bičepangre 2:33

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Efesarja 2:1

Har gar patslo hans, his boud doosh ap t'mende. Oun t'mer hans čilačo. Yaake hans o Debleske moulo.

Kolossarja 2:13

An o phouro tsiro, har t'mer an o čilačepen djivan, hans moulo o Debleske, oun hans gar leskre menshe. Kanna kras o Devel t'men o Yezous Kristeha djido, oun las t'mari tseli doosh t'mendar.

1. Timoteo 5:6

Hi vavarčandes pash i djouvyate, kolakro rom bouder gar djivella, oun kay dikell ap peste kokres, te vell lat i shoukar djipen. Kolakro patsepen hi moulo.

Jakobo 2:26

Yaake har o mensho moulo hi, te hi les kek dourho, yaake hi maro patsepen moulo, te krah kek lačo koova.

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.

Judas 1:12

Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.

Debleskro tsiro 1:11

Oun ko rakepen penas: “Čin an i liil, hoy tou dikeh! Oun biče ko liil ap kol patslende, kay an kol efta forya khetne venna: Efesus, Smirna, Pergamon, Tiatira, Sardes, Filadelfia oun Laodicea!”

Debleskro tsiro 1:16

Oun an leskro čačo vast his les efta bolepangre momlia. Oun dran leskro mouy vas i rharo, hoy ap douy rigya nay činella. Oun leskro mouy his har o kham.

Debleskro tsiro 1:20

Me kamau te hayvess, hoy kol efta bolepangre momlia hi, hoy tou an miro čačo vast dikal. Te hayvess ninna, hoy kol sonakangre momlia hi! Kol efta bolepangre momlia hi o Debleskre boudepangre, kay denn yak ap i patslende, kay an i efta forya khetne venna. Oun i efta sonakangre momlia hi i patsle, kay venna khetne an i efta forya.”

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

Debleskro tsiro 2:19

Me prindjrau lauter, hoy t'mer mange krenn. T'mer kamenn man o djiyestar, oun rikrenn zoreles ap mande. Me prindjrau lauter, hoy t'mer t'mare phralenge krenna. Oun t'mer van gar khino an t'maro patsepen. Kova, hoy t'mer kanna krenna, hi ninna boudeder har kova, hoy kran, har patslo van.

Debleskro tsiro 2:2

Me prindjrau lauter, hoy t'mer mange kran, t'mari tseli phari boudi. T'mer dan t'maro patsepen gar pre. Oun t'mer moukenn gar čilače menshe mashkral t'mende te vell. Oun t'mer lan kolen an o yak, kay penan, te hi le o Yezouseskre bičepangre, oun yon hi kova gar. Oun t'mer hayvan, te rhorhran le.

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

Debleskro tsiro 3:15

Me djinau halauter, hoy t'mer kran. T'mer han har i pipen, hoy hi gar shila, vitar gar tato. Kamaus, te venn t'mer yek kolendar.

Debleskro tsiro 3:2

Stenn pre o sopastar! Mashkral t'mende hi gomme menshe, kay patsenn ap mande. Kolla hi gar boud. Oun lengro patsepen hi tikno. Krenn lengro patsepen pale zoreles! Glan miro Debleste hi kova gar mishto doha, hoy t'mer mange krenn.

Debleskro tsiro 3:8

Me prindjrau lauter, hoy t'mer mange kran. Dikenn, me krom i voudar glan t'mende pre, hoy kek nay pandell. T'men hi i tikni zoor, oun rikran miro lab an t'mare djia, oun dan man gar bourhoste.

Debleskro tsiro 4:5

Oun kotar, kay ko rayeskro beshepaskro hi, das yag karye pral oun tele, oun vas i bari gole vin, har koy gole, hoy o bolepen krella, te dell baro brishin oun te djal yag tele ap i phoub. Oun glan o rayeskro beshepaskro rhačan efta yaga. Kol efta yaga hi o Debleskro Dourho.

Debleskro tsiro 5:6

Oun me dikom i terno bakres pash o rayeskro beshepaskro, hoy vi-dikas, har vals lo maredo. Kova hi tardo mashkral kol star zorele bolepangre oun kol čačepangre phourende. Les hi efta shinga oun efta yaka. Kol efta yaka hi o Debleskro Dourho, hoy pral i tseli phoub vin bičedo vas.