Debleskro tsiro 2:3 - O Debleskro Lab 2024 (Sinte-Manouche)

³ T'mer dan t'maro patsepen gar pre, oun lan i pharo djipen mange ap t'mende, oun t'mer van gar khino an t'mari boudi mange.

O Debleskro Drom 2021 (Sinte)

³ Tumer dan tumaro patsepen gar pre, un lan i pharo djipen mange ap tumende, un tumer wan gar khino an tumari budi mange.

Debleskro tsiro 2:3 Iomraidhean Croise

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Debleskri gili 69:7

Ma mouk kolen pengro patsepen te nashrell, kay pen ap toute rikrenna, te dikenn le har djoungeles mange djala. Tou, baro Devel, kay hal o ray pral o bolepen oun i phoub, ma mouk man te anap ladj ap kolende, kay tout rodenna, o Debles pral o Israel.

Micha 7:9

Djinau, me moukom o baro Debleskro drom. Doleske vas leskri rholi ap mande. Me hidjrau lat, bis te lell yob miro koova an leskro vast, oun dell man miro čačepen. Yob sikrell man peskri momeli, te dikap, har lačo yob ap mande hi.

Markus 15:21

Ap o drom tapran le i morshes i zoryah, te hidjrell lo o Yezouseskro troushel. Leskro lab hi Simon, oun yob his dran ko foro Kirene. Leskre čave hi o Alexandro oun o Rufo. O Simon boudras vin ap i kotar phoub oun his ap o drom pale.

Louka 14:27

Koon lell gar peskro troushel ap peste oun djal mantsa, nay vell gar miro maal.

Louka 18:1

Oun o Yezous penas lenge laba, kay i khatedo čačepen dren hi, te sikrell lo len, te hounte mangenn le o Debles hako tsiro, oun te hounte moukenn le gar tele, te denn le les gole. Oun yob penas:

Louka 21:19

Ačenn zoreles an o patsepen, oun t'mer lenn ko čačo djipen!”

Louka 5:5

Penas o Simon: “Sikepaskro, mer boudram i tseli rat, oun tapram či. Tou te peneh les mange, palle vitsrau i mačengre gone pale vin.”

Louka 8:15

Koy lači phoub hi har o dji kol menshendar, kay o Debleskro lab shounenna, oun djivenn koy pal. An lengre djia vell ko lab zorelo. Oun yon ačenn zoreles an o patsepen tardo.”

Johanni 15:21

T'mer han miro. Doleske hi yon čilačo ap t'mende. Yon prindjrenn koles gar, kay bičras man.

Remarja 12:12

Avenn barhtele oun dikenn ap o lačepen, hoy ap t'mende vella an ko tsiro, hoy vella! Te vell t'maro djipen pharo, rikrenn vin! Mangenn o Debles hako tsiro!

Remarja 16:12

Penenn lače laba ap i Trifena oun i Trifosa! Kolla boudrenn o Yezouseske, maro rayeske. Penenn lače laba ap miri lači pheen, i Persis! Koya kras i bari boudi i patslenge.

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

Remarja 8:25

Maro dji nashell pal kova, hoy glan mende hi, oun hoy dikah nay gomme gar. Doleske vah mer gar khino an mare djia bis te lah les.

1. Korintarja 13:7

Te hi les o Debleskro kamlepen an o dji oun i menshe doukrenn les, hi yob gar rhoyedo pral kova. Kones hi o Debleskro kamlepen an o dji, kova patsell halauter. Yob dell o vavares gar pre, oun rikrell lauter vin.

1. Korintarja 16:16

shounenn ap kolende oun ap savende har yon, kay boudrenn o Debleske pengri tseli zoryah!

2. Korintarja 10:15

Yaake nay sharah men mer pral i boudi, hoy mer kram, oun gar pral kova, hoy i vavar kran. An maro dji djinah, ap ko tsiro, kay vas o patsepen an t'mende baro, sharenn le men ninna pral kova, hoy mer mank t'mende kram.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

2. Korintarja 4:16

Doleske vah mer gar khino, ninna te moukell men mari zoor. Ko djipen, hoy o Devel an mende das, vell hako dives pale neves.

2. Korintarja 5:9

Doleske kamah lauter te krell, te vell yob barhtelo pral mende kate ap kay phoub, oun ninna kote pash leste.

2. Korintarja 6:5

Ninna te denn le men dava, te vitsrenn le men an o stilepen, te lenn le men palla, dah mer gar pre. Mer marah men tele, oun della divessa, kay sovah gar oun rhah gar.

Galatarja 6:2

Yek hounte dikell ap ko vavareste oun hidjrella leha, hoy an leskro dji leske doukrella. Yaake krenn t'mer kova, hoy o Yezous Kristo t'mendar kamella.

Galatarja 6:9

Dikas, te vas gar khino, te kras lačo koova. Vell ko tsiro, kay lah ninna lačo koova.

Filiparja 2:16

te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

Filiparja 4:3

Me mangau ninna tout, miro lačo males, ab lenge ap i rig! Har sikrom i menshenge o Yezouseskro drom, boudran le khetne mantsa oun o phraleha, o Klemens, oun kol vavarentsa, kolengre laba hi činlo an o Debleskro liil, kay halauter dren činlo hi, kay lenn o Debleskro djipen.

Kolossarja 1:11

Lestar mangah, te dell lo t'men peskri bari zoor, te venn t'mare djia zoreles, te djan barhteles doureder ap leskro drom, ninna an ko tsiro, kay hi t'maro djipen pharo.

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

1. Tessalonikarja 5:12

Mire phrala, mer mangah t'men: Shounenn ap t'mare pralstunende, kay boudrenn mashkral t'mende! O Devel čivas len an pengri boudi, te sikrenn le t'men, hoy yob kamella!

2. Tessalonikarja 3:13

T'mer, mire phrala, ma avenn khino te krenn kova, hoy lačo hi!

2. Tessalonikarja 3:5

Maro rayestar, o Yezousestar, mangah, te krell lo t'mare djia pre, te dikenn t'mer, har baro o Debleskro kamlepen t'menge hi. Oun lestar mangah ninna, te denn t'maro patsepen gar pre, ninna te vell t'maro djipen pharo, yaake har o Yezous Kristo gar pre das.

2. Tessalonikarja 3:8

rham pash kekeste čičeske. O dives oun i rati boudram, te djivas mer gar t'mare lovendar.

1. Timoteo 4:10

Maro patsepen rikrell pes ap o djido Debleste. Yob kamell hako menshes dran o merepen vin te lell. Oun kolla, kay patsenn ap leste, venn dran o merepen vin lino. Doleske boudrah mer, oun lah ninna douka ap mende.

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.

Hebrearja 13:13

Doleske djas pash leste vin glan o foro, te las o praasepen ap mende yaake, har yob o praasepen ap peste las!

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

Hebrearja 6:12

Ma avenn khino, te krenn o Debleskri boudi! Avenn yaake har kolla, kay ačan zoreles an o patsepen, oun lan kova, hoy o Devel lenge penas.

2. Petro 1:6

Koon hayvas, hoy o Devel lestar kamella, kova rikrell pes lauterestar pale, hoy leske gar mishto hi. Koon rikrell pes lauterestar pale, hoy leske gar mishto hi, kova rikrell zoreles ap kova, hoy lačo hi. Koon kova krella, kamell o Debles.

Debleskro tsiro 1:9

Me, o Yohanni, hom t'maro phraal an o patsepen ap o Yezouseste. Yob hi miro baro ray, har yob t'maro baro ray hi. Yaake har t'mer venn leske palla lino, vom me ninna leske palla lino, oun dom miro patsepen gar pre. Me penom i menshenge o Debleskro lab, oun sikrom lende o Yezouseskro drom. Doleske vom stildo oun anlo ap ko them Patmos, kay an o baro pani čiddo hi.

Debleskro tsiro 3:10

T'mer rikran ko lab, hoy t'menge penom, oun van gar khino an o patsepen ap mande. Doleske rikrau mire vasta pral t'mende an ko pharo tsiro, kay i bibarht vella pral i tsele menshende ap kay phoub, te vell diklo, hoy an lengre djia hi.