Debleskro tsiro 11:2 - O Debleskro Lab 2024 (Sinte-Manouche)

² Oun ko kotar phoub glan o Debleskro baro kheer, kote čip ko kasht gar pre. Ko kotar phoub vell kolende dino, kay kek bibolde hi. Oun yon stakrenn o Debleskro foro khetne star-deesh-te-douy čon.

O Debleskro Drom 2021 (Sinte)

² Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.

Debleskro tsiro 11:2 Iomraidhean Croise

Debleskri gili 79:1

I gili, hoy o Asaf kras. Maro Devel, menshe dran vavar themma peran an tiro them dren; tiro kheer, hoy touke kokres his, kran le pale-čiddo. Oun o foro Yerusalem dan le paash.

Jesaja 48:2

T'mer kharenn t'men pal o Debleskro foro, oun rikrenn t'men ap o Debleste pral o Israel. Leskro lab hi baro Devel, ray pral o bolepen oun i phoub.

Jesaja 5:5

Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

Jesaja 52:1

Ste pre! Ste pre, Sion! Ab pale zoreles! Čip tire kouč rayengre ripya ap toute, Yerusalem, tou Debleskro foro! Čačepah, kek tsiro vell kanna bouder, kay djal yek an toute dren, hoy gar činlo vas ap peskro mass, vitar gar yek, kay glan mande pale-čiddo hi.

Ropaskre gilja 1:10

Oun yon čivan pengre vasta ap lakro tselo kouč koova. Yoy hounte dikas peske yakentsa, har i vavar menshe an lakro Debleskro kheer dren djan. Oun tou, baro Devel, penal, te hounte djan yon gar kote dren.

Ezekiel 4:6

Oun te hi ko tsiro trouyel, palle čip tout i douyto kopo tele, kava kopo ap i čači rig, oun hidje i doosh o kherestar Youda 40 (star-deesh) divessa. Yek dives hi yek bersheske.

Ezekiel 42:20

Yaake dikas lo pal, har baro koy tselo kotar them his, troul koleste i massouri djas. Koya his 250 (douy-sheel-te-paash) metarya ap haki rig. Haki rig his emligo lengsto. Koy massouri his koy, te vell ko kotar them, hoy o Debleske hi, gar khetne o vavar themeha.

Daniel 12:7

Oun me shounom ko morshes, kay an layntikre koola rido his, oun pral ko lengsto pani tardo his. Oun kova hadas peskro čačo oun peskro servo vast pre ap o bolepen, oun das pes sovel pash koleste, koleskro djipen gar pre herella, oun penas: “Yek tsiro oun douy tsirya oun i paash tsiro. Oun ap ko tsiro, kay o Debleskre menshe pale khetne djivenna, oun bouder gar kate te kote tradedo hi, palle hi kova lauter kerdo.”

Daniel 7:19

Kanna kamom me boudeder te djinell pral ko starto firho, hoy yaake vavarčandes his har kol vavar, yaake čilačo, oun koles sasterne danda oun naya dran lolo saster his, oun troul peste rhas. Oun kova hoy pral ačas, stakras lo peskre pirentsa khetne.

Daniel 7:25

Oun yob praasell o pralstouno Debles oun čivell pharo koova ap o Debleskre menshende. Oun krell lauter, te venn o Debleskre divessa oun laba vavarčandes rikedo. Oun o Debleskre menshe venn an leskro vast dino yek tsireske oun douy tsirenge oun i paash tsireske.

Daniel 8:10

Oun ko shing vas yaake baro, te vas lo bis pash i bolepangre momlia pre, oun lendar vitsras lo tele ap i phoub, oun stakras len khetne.

Daniel 8:13

Oun me shounom i bolepaskres te rakrell. Oun i vavar bolepaskro poučas lestar: “Har rah djal kova, hoy an kava dikepen diklo vas? Har rah vell o Debleske bouder gar kova dino, hoy leske hako dives hounte vals? Oun har rah vell o Debleskro kheer pale-čiddo kerdo, oun ap i bolepangre lourdende trouyel stakedo?”

Daniel 8:14

Oun yob penas mange: “Yaake rah har 2.300 (douy-zerya-triin-sheel) kope rati oun pale dives vas. Palle vell lauter an o Debleskro kheer nevo kerdo.”

4. Mose 14:34

Star-deesh divessa dikan t'men trouyel, har ko them hi, oun star-deesh bersha hounte hidjrenn t'mari doosh: yek bersh hako diveske, te hayvenn t'mer har kova hi, te tserdau miro vast t'mendar krik.

Mateo 27:53

oun djan dran pengre moulengre khera vin. Pal kova, har o Yezous ninna i moulendar djido vas, djan le an o Debleskro foro Yerusalem. Oun boud menshe dikan len kote.

Mateo 4:5

Pal kova anas les o beng an o Debleskro foro. Kova hi o foro Yerusalem. Oun o beng čivas les ap o Debleskro baro kheer pral pre,

Mateo 5:13

T'mer han o loon ap kay phoub. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo. Ko loon molell či bouder. Tou nay vitsreh les toutar. Oun i menshe stakrenn les khetne.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Hebrearja 10:29

Te his kova yaake koleha, kay kras gar, hoy o Mose penas, kitse zorleder vell o Debleskri rholi pral koleste, kay o Debleskro čaves pestar stakrella, oun krella, har te vals o Yezous Kristeskro rat či moldo. Oun kava rat lals peskri doosh krik, oun krals les erligo glan o Debleste. O Debleskro Dourho his leske lačes, oun yob doukras les.

Debleskro tsiro 11:11

Oun me dikom: Pal kol triin-te-paash divessa kras o Devel len pale djido. Oun yon stan pre. Oun i bari daar tapras kolen, kay kova dikan.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”

Debleskro tsiro 12:6

Oun koy djouvel nashas an o moulo them, kay kek menshe djivenna. Kote hi o Debles lake i kotar phoub, kay ačell li deesh-te-douy-sheel-te-shob-desha (1.260) divessa, oun lell halauter, hoy lat hounte vella djipaske.

Debleskro tsiro 21:10

Oun o Debleskro Dourho vas ap mande. Oun o bolepaskro anas man ap i bari, bari berga, oun sikras mande o Debleskro foro Yerusalem, har ko foro tele vas o Deblestar dran o bolepen.

Debleskro tsiro 21:2

Oun me dikom o Debleskro foro, o nevo Yerusalem, har vas ko foro tele o Deblestar dran o bolepen. O foro his shoukar kerdo har i terni čay, kay romedinerell oun shoukar kerdo vas peskro romeske.

Debleskro tsiro 22:19

Oun te lell yek čomone krik kal labendar, kay hi činlo an kava liil, palle lell o Devel leskro rhapen krik ko roukestar, hoy della o djipen. Ninna nay djal yob gar an o Debleskro foro dren, pral hoy činom an kava liil.