Debleskro tsiro 1:2 - O Debleskro Lab 2024 (Sinte-Manouche)

² oun činom kova, hoy o Yezous Kristo mande sikras, an kava liil. Kol laba venna o Deblestar. Lauter, hoy dikom, činom pre.

O Debleskro Drom 2021 (Sinte)

² un tchinom kowa, hoi o Jesus Kristo mande sikras, an kau liil. Kol laba wenna o Deblestar. Lauter, hoi dikom, tchinom pre.

Debleskro tsiro 1:2 Iomraidhean Croise

Johanni 1:32

Oun o Yohanni penas: “Čačepah, me dikom o Debleskro Dourho har i parno čirklo, kay vas dran o bolepen pral tele, oun ačas ap leste.

Johanni 12:17

Kol boud menshe, kay pashel his, har o Yezous o Lazares dran o moulengro kheer gole das, oun i moulendar djides kras, penan kova doureder.

Johanni 19:35

Oun kova, kay dikas kova halauter, penas i vavarenge, hoy yob dikas. Oun kova, hoy yob penas, hi čačo. Oun yob djinella, kay yob o čačepen penella, te patsenn t'mer ninna.

Johanni 21:24

Kava maal o Yezousestar hi kova, kay nay penell, kay kova lauter čačo hi. Yob dikas kova oun činas les an kava liil. Oun mer djinah, kay kova, hoy yob penas, čačo hi.

Johanni 3:11

Čačepah, me penau touke: Mer rakrah pral kova, hoy prindjrah. Hoy mer dikam, kova penah mer nay ninna. T'mer patsenn gar, hoy mer t'menge penah.

Bičepangre 22:15

Tou hounte rakress lestar glan i tsele menshende oun peness, hoy tou dikal oun shounal.

Bičepangre 26:16

Ste pre oun ač ap tire pire tardo! Me moukom man toutar te dikell, te vess miro boudepaskro, oun te peness i menshenge, hoy tou dikal. Oun lauter, hoy me tout sikrau, hounte peness.

Bičepangre 4:20

Mer nay rikrah gar maro mouy pral kova, hoy dikam oun shounam.”

1. Korintarja 1:6

O lab o Yezous Kristestar kras t'men zoreles an o patsepen.

1. Korintarja 2:1

Mire phrala, har vom pash t'mende, te sikrap t'mende o Debleskro drom, hoy t'mer gar prindjran, krom me kova gar bare oun goseve labentsa.

1. Johanni 1:1

Mer činah t'menge pral koleste, kay his hako tsiro koy. Mer shounam les, oun dikam les. Ava, mer dikam les mare yakentsa, oun tapram les mare vastentsa. Yob hi ko lab, hoy o djipen della.

1. Johanni 4:14

Mer dikam, kay o Devel, maro dad, peskro čaves bičras. Doleske penah mer i menshenge, kay yob kova hi, kay lell len vin dran o čilačepen oun o merepen.

3. Johanni 1:12

O Demetrio krell o lačepen. Lauter rakrenn mishto pral leste. Oun leskro djipen sikrella, te hi lo an o čačepen tardo. Mer ninna penah, kay kova, hoy yob krella, mishto hi. Oun tou djineh, kay kova, hoy mer penah, čačo hi.

Debleskro tsiro 1:11

Oun ko rakepen penas: “Čin an i liil, hoy tou dikeh! Oun biče ko liil ap kol patslende, kay an kol efta forya khetne venna: Efesus, Smirna, Pergamon, Tiatira, Sardes, Filadelfia oun Laodicea!”

Debleskro tsiro 1:19

Čin lauter, hoy dikal, an i liil: kova, hoy kanna hi, oun kova, hoy pal kova lauter vella.

Debleskro tsiro 1:9

Me, o Yohanni, hom t'maro phraal an o patsepen ap o Yezouseste. Yob hi miro baro ray, har yob t'maro baro ray hi. Yaake har t'mer venn leske palla lino, vom me ninna leske palla lino, oun dom miro patsepen gar pre. Me penom i menshenge o Debleskro lab, oun sikrom lende o Yezouseskro drom. Doleske vom stildo oun anlo ap ko them Patmos, kay an o baro pani čiddo hi.

Debleskro tsiro 12:11

Mare phrala his zorleder har ko phoukepaskro. O terno bakro, hoy maredo vas, kova thovas lengri doosh peskro rateha tele. Mare phrala sikran i menshende o čačo drom pash o Debleste, ninna te van le doleske maredo.

Debleskro tsiro 12:17

Oun ko baro lolo sap vas rhoyedo ap koy djouvyate, oun djas koy, te marell lo lakre čaven. Kolla hi kol menshe, kay shounenn ap o Debleskro lab, oun djan ap o Yezouseskro drom.

Debleskro tsiro 20:4

Oun me dikom kolen, kolenge o shero tele dino vas doleske, kay rikran le zoreles ap o Debleskro lab oun sikran i menshende o Yezouseskro drom. Yon mangan gar ko firhes an, vitar gar ko firhes, hoy i menshendar kerdo vas. Oun yon lan gar o firheskro lab ap pengre shere, vitar gar ap pengre vasta. Kalla lauter van kanna djido. Yon hi beshdo ap i rayengre beshepangre, oun lenn i zoor, te rakrenn le o čačepen vin pral i menshende. Khetne o Yezous Kristeha hi le raya yek zero bersh.

Debleskro tsiro 22:21

O lačepen maro rayestar, o Yezousestar, djal lauterentsa!

Debleskro tsiro 6:9

Oun o terno bakro pandas i pančti dori pre, hoy rikras ko liil khetne. Oun me dikom kol tsele menshen, kay rikran zoreles ap o Debleskro lab, oun sikran i menshende o Debleskro drom, oun van doleske maredo. Yon his tardo pash o Debleskri rhačepaskri.