Debleskri gili 1:3 - O Debleskro Lab 2024 (Sinte-Manouche)

³ Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

O Debleskro Drom 2021 (Sinte)

³ Kowa hi har i ruk, hoi tardo hi pash o pani. Ap o tchatcho tsiro wenn leskre rukengre baro. Un leskre patria atchenn senelo. Lauter, hoi job krella, djala mishto.

Debleskri gili 1:3 Iomraidhean Croise

1. Mose 39:23

Yaake rah, har lauter an o Yosefeskro vast his, hounte kras o pralstouno pral o stilepen či. O baro Devel his pash o Yosefeste oun das les barht an halauter, hoy yob kras.

1. Mose 39:3

Har leskro ray Potifar dikas, kay o baro Devel pash o Yosefeste his oun les barht das an lauter, hoy yob peskre vastentsa kras, his yob lačes ap leste.

2. Rajengro liil 18:7

O baro Devel his leha, oun halauter hoy lo peske glan las, djas leske mishto. Oun yob peras tele o baro rayestar pral o them Assour, oun moukas koles bouder gar peskro ray te vell.

1. Familjakro liil 22:11

Kanna, miro čavo, mou vell o baro Devel ap tiri rig, te nay kreh tiro baro Debleske i kheer, yaake har yob toutar penas.

1. Familjakro liil 22:13

Te rikreh tout ap kol laba, hoy o baro Devel o Moseske penas, te djivell o Israel koy pal, oun kreh pal o Debleskro čačepen, palle djal touke tiri boudi mishto. Ab zorelo! Oun ma traash! Ma dare či! Oun ma traash kekestar!

2. Familjakro liil 31:21

Oun halauter, hoy yob kras, te vell koy boudi an o Debleskro kheer yaake kerdo har glan činlo hi, kova kras lo peskro tselo djiyeha. Yob rodas, te krell lo, hoy peskro Devel lestar kamas. Doleske moukas o baro Devel kova leske mishto te djal.

2. Familjakro liil 32:23

Boud menshe anan čomone o baro Debleske an o foro Yerusalem oun shoukar oun kouč koova o baro rayeske an Youda, o Hiskiya. Kava tsirestar his lo bares an-diklo kol menshendar an i tsele vavar themma.

Hiob 14:9

te perell pani ap leste, vell lo pale zenelo, ninna te hi kova gar boud pani. Oun neve tikne kashta venn dran leste, har te vals lo i terno rouk.

Hiob 22:28

Hoy tou touke glan lal, kova djal touke mishto. Oun i momeli djal pre pral tire dromma.

Debleskri gili 128:2

Tou rhah kolestar, hoy tire vasta boudran. Mishto touke! Touke djal lačo.

Debleskri gili 129:8

Oun kek, kay kote ap o drom djal, penell ap lende: “O baro Debleskri barht vell ap t'mende! Mer rakrah barht pral t'mende an o baro Debleskro lab.”

Debleskri gili 92:14

Yon hi har rouka, kay hi tardo an o baro Debleskro kheer, oun kay venn zenelo ap i platsa glan o Debleskro kheer.

Debleskri gili 92:15

Ninna te venn le phouro, hi le zenele, pherdi zoor, oun roukengre venn ap lende baro.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 3:10

I barht vell ap kolende, kay an o čačepen tardo hi! Oun lauter djal lenge mishto. Ko lačo koova, hoy le kran, vell ap lende pale.

Jesaja 44:4

Oun yon venn baro har o zenlepen pash o pani, oun har i rouka pash i panyengre rigya.

Jesaja 58:11

Oun hako tsireske sikrell tout o baro Devel tiro drom. Ninna te djiveh an o moulo tato them, dell lo tout doha djipaske, oun dell tout nevi zoor. Palle hal tou har i baar, kolat hako tsiro doha pani hi, ava, har i pani, hoy dran i phoub pre djal, oun koleskro pani hako tsiro nashell.

Jeremia 17:8

Kova hi har i rouk, kay pash o pani tardo hi, oun čivell peskre draba an o pani. Ninna te vell o baro tatepen, hi les kek traash. Leskre patria ačenn zenelo. Te vell i bersh, kay dell kek brishin, hounte vell les kek daar. Yob moukell gar tele, te hidjrell lo roukengre.

Ezekiel 17:8

ninna te his yob an lači phoub dren čiddo, oun his tardo pash boud pani. Oun lestar nay djans boud kashta vin, oun nay djans boud drake ap leste pre, yaake te vals lo i shoukar drakengro rouk.

Ezekiel 19:10

Tiri day his har i drakengro rouk, hoy vas pash o pani an i phoub čiddo. Oun har les yaake boud pani his, hidjras lo boud drake, oun boud zenele kashta his ap leste.

Ezekiel 31:5

Doleske vas lo bareder har kol vavar rouka an o veesh. Oun les van boud lengste zenele kashta. Yaake vas ko rouk bourhlo dran ko boud pani.

Ezekiel 47:12

Ap kol douy rigya o lengsto panyestar hi rouka tardo. Kolla hi o tselo bersh zenelo, oun hidjrenn hako tsiro roukengre. Hako čon venn neve roukengre bares. Ko lengsto pani, kolestar yon pani lenn, vell vin dran o Debleskro kheer. Lengre roukengre hi o rhapaske. Oun lengre patria krenn i nasselen sasto.

4. Mose 24:6

Har i telstouno them, hoy vell bourhlo, har i baar pash o pani, har kol zorele rouka, hoy o baro Devel an i phoub čivas, har kol cedertikre rouka, hoy pash o pani tardo hi.

Mateo 13:6

Oun har o kham djas pre, vas ko djob, kay gar dour an i phoub his, rhačedo oun meras tele.

Mateo 21:19

Oun har yob i faygetikro rouk dikas, djas lo kote oun hatsas či har i patria kokres ap leste. Koy penas lo ap ko rouk: “Kek tsireske venna pale fayge ap toute!” Oun ap yek kopo meras kava rouk tele.

Mateo 21:34

Har ko tsiro vas, te anenn le i drake dren, bičras lo peskre boudepangren pash i harhende, te lenn le lendar kol drake, hoy leske hi.

Mateo 21:41

Penan le ap o Yezouseste: “Yob marell kol čilače morshen. Les khaytenn yon gar. Oun yob dell ko kotar them kol vavarende, kay leske i drake an o čačo tsiro dren anenna.”

Johanni 15:6

Koon ačell gar an mande, kova vell vin vitsedo, har kol kashta, kay tele činlo hi. Yon venn khetne rodedo oun an i yag čiddo, te rhačrenn le.

5. Mose 28:8

T'maro baro Devel bičrell t'menge peskri barht ap t'maro djob, te vell t'men boud kolestar an t'mare djobengre khera, oun ap halauter, hoy t'mer krenna. Oun yob dell t'men peskri barht an ko them, hoy lo t'mende dell.

Judas 1:12

Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.

Debleskro tsiro 22:2

O pani nashell mashkral o baro drom. Ap haki rig o panyestar hi kol rouka tardo, kay denna o djipen. Ap lende venna deesh-te-douy kope an i bersh roukengro rhapen baro, hako čon yek kopo. Oun i patria kol roukendar krenn i menshen an i tsele themma sasto.