Daniel 9:9 - O Debleskro Lab 2024 (Sinte-Manouche)

⁹ Maro ray oun Devel, tout hi i baro dji oun hal kova, kay lell i doosh krik. Mer moukam tiro drom,

O Debleskro Drom 2021 (Sinte)

⁹ Maro rai un Dewel, tut hi i baro dji un hal kowa, kai lell i doosh krik. Mer mukam tiro drom,

Daniel 9:9 Iomraidhean Croise

2. Samuel 24:14

Oun o David penas ap o Gad: “Man hi bari traash. Mouk men an o baro Debleskro vast te perell! Leskro kamlepen hi baro. Me kamau gar an i menshengro vast perell.”

1. Rajengro liil 8:30

Shoun miro mangepen oun ninna ko mangepen tire menshendar Israel, te denn le gole ap toute kay ap kava kotar phoub. Oun tou te shouneh les an tiro kheer an o bolepen, palle ab kamles, oun le koy doosh mendar krik.

Nehemia 9:31

An tiro baro lačepen dal len gar moulo, oun moukal len gar. I lačo Devel hal, oun tout hi i baro dji.

Debleskri gili 130:4

Tou hal kova, kay i doosh krik lella. Doleske dikah pre ap toute oun shounah ap toute.

Debleskri gili 130:7

Tou, Israel, dik ap o baro Debleste! Yob hi lačes menge, oun leskro dji hi hako tsiro pre, te lell lo men vin dran o čilačepen.

Debleskri gili 62:12

Boudeder har yek kopo shounom: O Devel kokres hi zorelo,

Debleskri gili 86:15

Tou, baro Devel, hal i lačo Devel, oun kreh tiro dji tire menshenge pre. Tou veh gar sik rhoyedo, Tiro lačepen hi baro oun tou rikreh pash tire menshende.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jesaja 63:7

Me kamau te rakrap pral o Debleskro lačepen, ko baro koova, hoy o baro Devel halauter menge kras, oun ko tselo lačo koova, hoy moukas lo ap o kheer Israel te vell. Les hi lenge i baro dji oun hi lenge yaake lačes.

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Ezekiel 20:13

Ninna an o moulo tato them moukan pen i Israelitarya či mandar te penell. Yon djivan gar yaake, har lendar kamom. Oun ap mire čačepaskre laba dan le či. Oun mire čačepaskre laba hi kolla, kolentsa o mensho djido ačell, te rikrell lo pes ap lende. Oun yon kran boud koova ap o Debleskro dives, hoy hounte krans le gar, oun yaake vom gar sharedo. Kote kamom miri rholi pral lende vin te čorell, te hounte merans le lauter an o moulo tato them.

Daniel 9:5

Mer anam bari doosh ap mende, kram, hoy gar mishto hi, ačam gar touha oun moukam tiro drom. Mer djivam gar pal tire laba oun pal tiro čačepen.

Daniel 9:6

Oun mer shounam vitar gar ap tire boudepangre, kol rakepangre, kay rakran touke ap mare rayende, pralstunende, phourende oun ap mare tsele menshende.

Daniel 9:7

Tou, ray, hal an o čačepen. Oun mer hounte ladjas men, mer, kay vah dran o them Youda oun dran o foro Yerusalem, ninna dran o tselo them Israel. Mer kram čilačo koova ap toute. Doleske tradal men an vavar themma, kay dour hi oun kay gar yaake dour hi, te djivas bouder gar khetne.

Daniel 9:8

Ava, baro Devel, mer hounte ladjas men, mer, mare raya, mare pralstoune oun mare phoure, te kram čilačo koova ap toute.

Jona 4:2

Kote rakras lo ap o baro Debleste oun penas: “Ah, baro Devel, kova hi, hoy penom an ko tsiro, har khere homs. Doleske kamom sik an o them Tarsis krik te nashell. Me djinom, kay tou i lačo Devel hal, oun tout i baro dji hi. Tou veh gar sik rhoyedo. Oun tiro lačepen hi baro. Oun koy bibarht, kolah i menshen trad deh, khaytell tout pal kova.