Daniel 9:5 - O Debleskro Lab 2024 (Sinte-Manouche)

⁵ Mer anam bari doosh ap mende, kram, hoy gar mishto hi, ačam gar touha oun moukam tiro drom. Mer djivam gar pal tire laba oun pal tiro čačepen.

O Debleskro Drom 2021 (Sinte)

⁵ Mer anam bari doosh ap mende, kram, hoi gar mishto hi, atcham gar tuha un mukam tiro drom. Mer djiwam gar pal tire laba un pal tiro tchatchepen.

Daniel 9:5 Iomraidhean Croise

2. Rajengro liil 18:12

Kova lauter vas pral i Israelitarya doleske, kay yon gar shounan ap i laba lengro baro Deblestar, oun rikran pen gar ap kova, hoy yob lentsa vin kras; oun ap halauter, hoy o Mose, o baro Debleskro boudepaskro lenge penas, yon shounan gar koy pre, oun djivan gar koy pal.

2. Rajengro liil 21:15

Mire menshe kran, hoy glan mande djoungeles hi, oun rhoyran man ko tselo tsiro, har lengre phoure dran o them Egiptia vin djan bis ap kava dives.

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

Debleskri gili 106:6

Mer anam doosh ap mende yaake har mare phoure, oun kram gar, hoy čačo hi. Na-a, mer kram čilačo koova.

Debleskri gili 119:102

Me krau pal tire čačepaskre laba. Tou hals miro sikepaskro.

Debleskri gili 119:176

Me hom har i bakro, hoy nashedo djas. Rode man, tiro boudepaskres, me bistrom tire laba gar!

Debleskri gili 18:21

O baro Devel djinas, te homs an o čačepen tardo. Doleske kras lo mange lačepen. Kek doosh his ap mande. Doleske his lo mange lačo.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Jesaja 64:4

Tou val pash kolende, kay kran o čačepen i barhtelo djiyeha, oun djan ap tire dromma oun kran, hoy lendar kamal. Tou rhoyral tout, har shounam bouder gar ap toute. Te djah ap tire dromma, leh tou men vin dran o čilačepen.

Jeremia 14:20

Baro Devel, mer dikah dren, kay djivam gar touha, oun mare phoure čilačepen kran. Mer lam doosh ap mende glan toute.

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 44:3

Oun kova krom doleske, kay yon boud čilačepen kran, oun yon man rhoyedo kran, har mangan le vavar deblen an, oun rhačran lenge soungepaskro koova. Kolla his save debla, kolen yon glan kova gar prindjran, vitar gar t'mer oun vitar gar t'mare phoure.

Ropaskre gilja 1:18

O baro Debles his čačo, har das lo man i phagi. Me shounom gar ap leskro lab. Shounenn, t'mer menshe an vavar themma, oun dikenn, har baro miri douk hi! Mire terne ča oun terne čave van pandles krik lino.

Ropaskre gilja 1:20

Ah, baro Devel, dik, har boud traash man hi, har i douk an mande rhačella! Miro dji rissrell pes an mande! Hoske shounom gar ap toute? Glan o kheer tapras o rharo mire čaven, oun an o kheer meran le dran i djoungelo nasslepen.

Ropaskre gilja 3:42

Mer anam doosh pral mende kokres, oun shounam gar ap toute. Kova bistral tou menge gar.

Ezekiel 5:6

I menshe an Yerusalem moukan pen či mandar te penell, oun shounan gar ap mande. Yon van čilačeder har kol themma, kay troul lende hi. Mire čačepaskre laba vitsran le pal pende, oun djivan gar yaake har lendar kamom.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Daniel 9:11

Oun o tselo Israel djas tiro dromestar tele, oun kras, hoy yob kamas, oun shounas gar ap toute. Oun yaake vas koy tseli bibarht pral mende, hoy činlo hi an o liil o Mosestar, koles tiro čačo vast his. Mer kram čilačepen ap toute. Doleske vas kay bibarht yaake pral mende, har tou tout sovel dal.

Daniel 9:15

Maro ray oun Devel, tou sikral tiri zoor, har anal tire menshen vin dran o them Egiptia, oun kral tiro lab bares bis kava dives. Mer anam doosh ap mende. Mer kram čilačo koova.

Daniel 9:9

Maro ray oun Devel, tout hi i baro dji oun hal kova, kay lell i doosh krik. Mer moukam tiro drom,

Hosea 1:2

Har rakras o baro Devel o ersto kopo ap o Hosea, te penell yob leskre laba i menshenge, penas lo ap leste: Rode touke i loubni oun romedine lat! Tout hounte vell čave, kay i loubyatar ap i phoub anlo venn. Yaake sikreh: I menshe an kava them hi har i loubni: Yon moukan man oun nashenn vavar deblenge palla.

Maleachi 3:7

T'mer moukan miro drom har t'mare phoure ninna kran, oun rikran t'men gar ap mire laba. Moukenn kanna t'maro čilačo drom! Oun avenn pash mande pale! Oun me kamau pash t'mende te vell. Ko penell o baro Devel, ko ray pral o bolepen oun i phoub. T'mer penenn: Hoy kram mer, hoy čilačo hi?

Hebrearja 3:12

Mire phrala, denn yak ap t'mare djia, te moukell kek t'mendar peskro patsepen, oun kamell o djido Deblestar bouder či te djinell.