Daniel 9:3 - O Debleskro Lab 2024 (Sinte-Manouche)

³ Oun me dikom pre pash o Debleste, miro rayeste, oun rodom les oun mangom les ropah, rhom či oun rivom man an i gono, oun vitsrom yagakri čik pral mande.

O Debleskro Drom 2021 (Sinte)

³ Un me dikom pre pash o Debleste, miro rajeste, un rodom les un mangom les ropah, chom tchi un riwom man an i gono, un witsrom jagakri tchik pral mande.

Daniel 9:3 Iomraidhean Croise

2. Samuel 12:16

Oun o David rodas o Debles kol ternepaske oun rhas či. Oun te vas yob khere, his yob i tseli rati ap i phoub čiddo.

Esra 10:6

Oun o Esra djas peske krik o Debleskro kherestar, oun djas an i kheer o Yohananestar, koleskro dad o Elyashib his. Kote ačas lo i tseli rati, rhas kek maro oun piyas kek pani; leske his phares pral kolende, kay dran o pandepen dran o them Babilonia vin van oun o Debleskro dromestar tele peran.

Esra 8:21

Oun me moukom kote pash o pani Ahava i tsiro vin te kharell, kay rhas mer či, oun djas ap i čanga glan maro Debleste, te djal lauter mishto ap maro drom, te djah an maro them, oun te venn kek čilače menshe pral mende oun mare čavende oun halauter hoy men hi.

Esra 9:5

Har kava tsiro vas, lom man khetne, stom pre an miro paash gad oun miri paash baya, perom ap mire čanga oun rikrom mire vasta pral pash miro baro Debleste,

Nehemia 9:1

Oun ap o 24. (biish-te-starto) dives an kava čon van i Israelitarya khetne, oun yon rhan či oun rivan pen an gone oun čivan čik ap pengre sherya.

Ester 4:16

“Dja koy oun de i tsele bibolden an o foro Susa khetne gole! Rhan oun piyenn triin divessa či, gar ap o dives, vitar gar an i rati. Krenn kova mange, te dikell o Devel lačes ap mande! Oun me oun kol djouvya, kay mange boudrenn, mer kamah kova ninna yaake te krell. Oun pal kova kamau pash o baro rayeste dren te djal, ninna te hi khatar o činlo lab. Oun te denn le man moulo, palle denn le man moulo.”

Hiob 42:6

Doleske lau pale, hoy rakrom oun hom beshdo an i čik oun an i yagakri čik, te sikrap, kay khaytell man kova, hoy rakrom.

Debleskri gili 35:13

Har yek lendar nasselo his, rivom ropaskre ripya ap mande, rhom či oun bokom leske, oun pale te pale mangom o Debles leske,

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Ezekiel 36:37

Kava penell o baro Devel, maro ray: Ninna kova krau i menshenge dran o kheer Israel: Te mangenn le mandar, moukau lendar yaake boud te vell, har hi len bakre.

Daniel 6:10

Yaake moukas o baro ray kava lab pre te činell oun čivas peskro lab tele.

Daniel 9:2

An kava ersto bersh, kay yob kote o baro ray his, dom me, o Daniel, yak ap kova, hoy an o Debleskre lila činlo hi, kote kay penell o baro Devel ap peskro rakepaskro, o Yeremia, te ačell o foro Yerusalem 70 (efta-deesh) bersha khetne dino čiddo.

Daniel 9:20

Oun har me yaake miro baro Debleha rakrom, oun man tele mangom, oun leske miri doosh oun i doosh mire menshendar Israel penom, oun me glan leste troul o Debleskri berga rovom,

Daniel 9:4

Oun me rakrom ap miro baro Debleste oun mangom man tele, oun penom: Ah, miro ray, tou hal o baro Devel oun mer sharah tout. Tou rikreh tiro lab, hoy kolenge dal, kay kamenn tout o djiyestar oun rikrenn tire laba. Oun hal lenge lačes.

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Joel 2:12

“Ninna kanna”, penell o baro Devel, “nay moukenn t'maro čilačo drom oun venn pash mande. Avenn t'maro tselo djiyeha, rhan či oun rovenn, denn gole i bibarhtyatar!

Jona 3:5

Oun kol tsele menshe an o foro Ninive patsan o Debleske, oun moukan vin te kharell, kay kek te rhal čomone bouder. Oun halauter, bare oun tikne, rivan gone pral pende, te sikrenn le, te khaytell len lengro čilačo djipen.

Louka 2:37

Palle meras lakro rom. Oun kanna his li orhta-deesh-te-star bersha phouro. Oun yoy his o tselo dives oun i tseli rati an o Debleskro baro kheer, te mangell li o Debles an. Oun boud kope rhas oun piyas li či o Debleske.

Bičepangre 10:30

Koy penas o Kornelio: “Glan star divessa, his trinenge, mangom o Debles an miro kheer an. Koy his ap yek kopo i morsh glan mande tardo. Koleskre koola his biyalo.