Daniel 9:25 - O Debleskro Lab 2024 (Sinte-Manouche)

²⁵ Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.

O Debleskro Drom 2021 (Sinte)

²⁵ Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.

Daniel 9:25 Iomraidhean Croise

2. Samuel 15:25

Palle penas o baro ray ap o Zadok: “An ko morhton an o foro pale pale. Te kamell o baro Devel mange lačes te vell, anell yob man pale pale, te dikap ko morhton pale oun o kheer, kay lo tardo hi.

Esra 4:24

Kote ačas i boudi ap o Debleskro kheer an o foro Yerusalem tardo. Oun kova ačas yaake bis o ray Darius an o douyto bersh o baro ray his pral o them Persia.

Esra 7:1

Pal kava koova, an ko tsiro, kay o Artaxerxes o baro ray pral o them Persia his, djivas an o them Babilonia i biboldo, koleskro lab Esra his. Leskro dad his o Seraya, koleskro dad o Asarya, koleskro dad o Hilkiya,

Esra 7:8

An o pančto čon an kava bersh van le kote an.

Nehemia 3:1

Oun o baro rashay Elyashib kras pes ap i boudi peskre phralentsa, kol vavar rashayentsa, oun yon čivan o foreskro voudar pale pre, hoy kharas Bakrengro Voudar. Oun yon rakran o Debleskri barht pral leste vin, oun čivan kol douy voudya dren. Oun yon čivan ninna koy massouri pale pre bis pash ko turmo, hoy kharell Mea, oun bis pash ko turmo, hoy kharell Hananel, oun rakran o Debleskri barht pral i massouri vin.

Nehemia 4:2

Oun yon čivan pen khetne, te djan le ap o foro Yerusalem, oun te krenn le i menshen kote yaake divyo, te djinell kek bouder, hoy te krell lo.

Nehemia 4:8

Oun har lengri daar dikom, djom pash lende oun penom ap i pralstunende oun ap i čačepangre morshende oun ap i tsele morshende: “Ma darenn lendar! Dikenn ap o Debleste, kay hi baro oun yaake zorelo, te darell hounte hakeno lestar! Oun djan an o kourepen t'mare phralenge, oun t'mare čavenge oun čenge, t'mare romyenge oun t'mare kherenge!”

Nehemia 6:15

Oun ap o biish-te-pančto dives an o čon Elul his lauter ap i massouri kerdo. Paash-sheel-te-douy divessa djas koy tseli boudi.

Debleskri gili 71:10

Kolla, kay mange čilačepen kamenn, rakrenn pal mande. Kolla, hoy kamenn mange o djipen te lell, rakrenn khetne,

Sikepaskro 3:3

Dell yek tsiro, kay vell maredo, oun yek tsiro, kay vell o doukepen sasto; yek tsiro, kay vell o kheer tele phagedo, oun yek tsiro, kay vell o kheer pre-čiddo.

Jesaja 55:4

Dikenn, me krom les, te vell lo ray oun pralstouno pral vavar themma, te sikrell yob lende, koon me hom.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Daniel 8:11

Ava, ko shing kras pes bareder har ko ray pral i bolepangre lourdende, oun kras, te anenn o Debleskre rashaya leske bouder gar kol firhen, hoy leske hako dives anlo hounte vans. Oun ninna kras lo o Debleskro kheer pale-čiddo.

Daniel 8:25

Peskro gosvepah rhorhell lo boud menshen. Oun yob phourdell pes pre oun djal ap boudende oun marell kolen, kay patsenn, te krell lo lenge či. Oun ninna hadell lo pes pral o pralstouno rayeste. Oun palle vell yob phagedo kek mensheskro vasteha.

Daniel 9:23

Har mangal o Debles, oun rakral tire erste laba vin, lom i lab lestar. Oun me vom, te penap touke kava lab. Tou hal kouč o Debleske. Kanna de yak, hoy penau, te hayvess, hoy ko dikepen kamell te penell.

Micha 5:1

Tou foro Betlehem an Efrata, kay hal tikno mank i forya an o them Youda, dran toute vell mange kova, kay hi o ray an o them Israel. Glan hako tsiro his yob. An i phoure divessa his lo koy.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Mateo 13:23

Pale vavar menshe hi har koy lači phoub, kay o djob peras. Kolla shounan oun hayvan ko lab. An lende vell ko patsepen baro. Oun lengro djipen sikrella, te kamenn le o Debles, oun shounenn le ap leste. Pash kolende hi ko lab har o djob, kay baro vella, oun pash yekeste hidjrell lo sheel kope yaake boud. Oun pash i vavareste hidjrell lo shob-deesh kope yaake boud. Oun pale pash i vavareste hidjrell lo triyanda kope yaake boud.

Mateo 24:15

Glan i rah tsiro rakras o Debleskro rakepaskro Daniel pral koy djoungeli čilači figura. Koon kava draverella, kamaus, te hayvell lo les ninna. Ap ko dives, kay dikenn t'mer koy djoungeli čilači figura an o Debleskro baro kheer tardo,

Markus 13:14

An o Debleskro lab hi činlo pral koy djoungeli čilači figura. Koon kava draverella, kamaus, te hayvell lo les ninna. Ap ko dives, kay dikenn t'mer koy djoungeli čilači figura kote tardo, kay hounte vell li gar tardo, palle hounte nashenn kolla, kay hi an o them Youdea, sik ap i berge!

Johanni 1:41

Kova hatsas peskro phrales Simon, oun penas ap leste: “Mer hatsam ko baro rayes, kolestar o Devel penas, te vell yob.” Kova kharella ap grichtikes Kristo.

Johanni 4:25

Penas i djouvel: “Me djinau, kay vell ko baro ray, kolestar o Devel penas, te vell yob, kay kharell ninna o Kristo. Te vell yob pash mende, penell lo menge halauter.”

Bičepangre 3:15

Ko rayes, kay o djipen della, maran t'mer. Koles moukas o Devel i moulendar pre te stell. Kova djinah mer, mer dikam les.

Bičepangre 5:31

Koles hadas o Devel oun beshas les ap peskri čači rig, te vell lo ray oun lell i menshen dran o čilačepen oun o merepen vin. Kova kras o Devel, te moukenn i menshe an o them Israel pengro phouro djipen, yaake te nay lell lo lengri doosh lendar krik.

Bičepangre 8:30

Oun o Filipo nashas koy, oun shounas, har kova ko liil draveras, hoy o Debleskro rakepaskro Yesaya činas. Oun o Filipo poučas lestar: “Hayveh tou, hoy tou dravereh?”

Efesarja 5:16

Hako kopo, kay krenn nay lačo koova, krenn kova! Kava tsiro, kay djivah, hi čilačo.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

Debleskro tsiro 19:16

Ap leskro ripen oun ap leskri pralstouni heri hi i lab činlo, hoy kharella: o ray pral i rayende oun o pralstouno pral i pralstunende.