Daniel 9:16 - O Debleskro Lab 2024 (Sinte-Manouche)

¹⁶ Ah, maro ray, kre pal tiro tselo čačepen! Oun mouk tiri rholi pale te djal! Ab bouder gar rhoyedo ap tiro foro Yerusalem oun ap koy berga, kay tou djival. Mer oun mare phoure anam doosh ap mende oun kram čilačo koova. Oun kolla lauter, kay djivenn troul mende, praasenn doleske tiro fores Yerusalem oun tire menshen.

O Debleskro Drom 2021 (Sinte)

¹⁶ Ach, maro rai, kre pal tiro tselo tchatchepen! Un muk tiri choli pale te djal! Ab buder gar chojedo ap tiro foro Jerusalem un ap koi berga, kai tu djiwal. Mer un mare phure anam doosh ap mende un kram tchilatcho koowa. Un kolla lauter, kai djiwenn trul mende, praassenn doleske tiro fores Jerusalem un tire menshen.

Daniel 9:16 Iomraidhean Croise

Nehemia 9:8

Oun har dikal, te rikrell lo pes ap toute peskro tselo djiyeha, kral tou leha vin oun dal tou tiro lab, te dess leskre čavende oun kolengre čavende, kay pal lende venn, ko them, kay djivenn i Kanaanitarya, oun i Hetarya, oun i Amorarya, oun i Perisarya, oun i Yebousarya, oun i Girgasharya. Oun tou rikral tiro lab. Tou hal tardo an o čačepen.

Debleskri gili 143:1

I gili o Davidestar. Baro Devel, shoun miro mangepen! De yak ap miro ropen! Tou hal lačo oun čačo! Doleske shoun man!

Debleskri gili 31:1

I gili o rayeske pral i gipangre. O David kras kay gili.

Debleskri gili 41:13

Me shounau ap toute miro tselo djiyeha. Doleske rikreh tou miro djipen, oun moukeh man te djivell pash toute hako tsiro.

Debleskri gili 71:2

Tou kreh, hoy čačo hi. Doleske ab tou ap miri rig oun le man vin dran i čilače vasta! Shoun miri gole oun rike man!

Debleskri gili 79:4

Mer ham praasedo kolenge, kay troul mende djivenn, ham lenge sapaske, oun yon rikrenn men dineleske.

Debleskri gili 85:4

Tou rikral tiri rholi pale, oun rhačral bouder gar i rholyatar.

Debleskri gili 89:51

Ma biste koy ladj, hoy hi ap mande, tiro boudepaskro! Dik, har hidjrau ko tselo praasepen kolendar, kay tout gar prindjrenna.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jeremia 24:9

Me anau savi bibarht pral lende, te ačell i menshenge an i tsele themma ap kay phoub o rakepen krik. Kote, kay len tradau, venn le sapaske oun praasepaske. Te kamell yek o vavares te praasell, penell lo: Touke te djal har kol menshenge dran Yerusalem oun Youda!

Jeremia 29:18

O kourepen, i bok oun o nasslepen lenn len palla. Oun i menshe dran i tsele themma ap kay phoub denn i vasta khetne pral o shero, te dikenn le len. An hako them, kay tradau len, dikenn le ap lende har ap praasede menshende, kolendar darenn le. Oun yon denn shol pral lende oun praasenn len.

Jeremia 32:31

Bari rholi rhačas an mande pral kava foro yaake rah har lo tardo hi. Doleske hounte čivap les glan mande krik, te dikap les bouder gar.

Jeremia 32:32

Kova hounte krap dran ko tselo čilačepen, hoy i menshe dran Israel oun Youda kran, te rhoyrenn le man. Yon, lengre bare raya, pralstoune, rashaya oun rakepangre, ninna kolla, kay djivenn an o foro Yerusalem,

Ezekiel 22:4

Ko rateha kolendar, kay maran, anan t'mer doosh ap t'mende. Oun kol rhorhene deblen, hoy t'menge kran, kolentsa kran t'men pale-čiddo. Doleske vell ko dives sik, kay lenn t'mari phagi. T'maro tsiro hi trouyel. Doleske krau, te praasenn t'men i menshe dran vavar themma. Ap i tseli phoub san le pral t'mende.

Ezekiel 5:14

Toutar, Yerusalem, krau i moulo foro. Či har barra ačenn toutar pral. I menshe an i vavar themma troul toute trouyel, san pral toute – hakeno kay djal koy oun dikell tout.

Daniel 11:45

Oun yob čivell peskre kouč plarhtene khera pre mashkral o baro pani oun o Debleskri berga. Oun kote vell leske o merepen, oun kek vell ap leskri rig.

Daniel 9:20

Oun har me yaake miro baro Debleha rakrom, oun man tele mangom, oun leske miri doosh oun i doosh mire menshendar Israel penom, oun me glan leste troul o Debleskri berga rovom,

Zakarie 8:3

Me vau pale ap i berga Sion oun djivau mashkral an o foro Yerusalem. Palle kharell pes Yerusalem foro, kay rikrenn pen i menshe ap o baro Debleste. Oun i berga Sion, kay djivau me, o baro Devel, ko ray pral o bolepen oun i phoub, kay berga kharell Debleskri berga.”

2. Tessalonikarja 1:6

Yob djal ninna pal o čačepen, te dell lo kolen i phagi, kay t'men palla lan.

1. Johanni 1:9

Mer te mangah men tele glan o Debleste, oun penah leske, havi doosh mer ap mende lam, palle krell lo, hoy yob penas oun lell i doosh mendar krik. Yob hi lačo oun čačo oun thovell o tselo čilačepen mendar tele.

1. Samuel 2:7

O baro Devel krell čorvelo oun yob krell bravelo, ko yekes krell lo tikno, oun ko vavares baro.