Daniel 9:15 - O Debleskro Lab 2024 (Sinte-Manouche)

¹⁵ Maro ray oun Devel, tou sikral tiri zoor, har anal tire menshen vin dran o them Egiptia, oun kral tiro lab bares bis kava dives. Mer anam doosh ap mende. Mer kram čilačo koova.

O Debleskro Drom 2021 (Sinte)

¹⁵ Maro rai un Dewel, tu sikral tiri soor, har anal tire menshen win dran o them Egiptia, un kral tiro lab bares bis kau diwes. Mer anam doosh ap mende. Mer kram tchilatcho koowa.

Daniel 9:15 Iomraidhean Croise

1. Rajengro liil 8:51

Yon hi tire menshe, kay tou touke vi-rodal, oun vin anal dran o them Egiptia, har dran an i bob, kay boud yag dren hi.

2. Rajengro liil 21:15

Mire menshe kran, hoy glan mande djoungeles hi, oun rhoyran man ko tselo tsiro, har lengre phoure dran o them Egiptia vin djan bis ap kava dives.

2. Familjakro liil 6:37

Oun te lenn tire menshe les penge ap o dji an ko vavar them, kay yon pandle hi, oun yon kamenn pale tiro drom te djal oun mangenn pen tele glan toute oun penenna: “Mer anam doosh ap mende oun kram čilačepen oun moukam tiro drom.”

Nehemia 1:10

Yon hi tire boudepangre, tire menshe, kolen tou vin lal dran i čilače vasta tiri bari zoryah oun tiro zorelo vasteha.

Nehemia 1:6

Dik lačes ap mande, tiro boudepaskro, oun shoun, hoy toutar mangau. Dives oun rati mangau i Israelenge, tire boudepangre. Oun o čilačepen, hoy mer ap toute kram, anau me pash toute: Me oun miro dadeskro kheer anam ninna doosh ap mende.

Nehemia 9:10

Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

Debleskri gili 106:8

O baro Devel sikras, te hi lo lengro Devel, oun vas ap lengri rig, te sikrell lo peskri zoor.

2. Mose 13:14

An ko tsiro, hoy vella, te poučenn toutar tire čave: Hoske kreh tou kova? palle peness tou ap lende: O baro Devel las men i zorelo vasteha vin dran o them Egiptia, kay hounte boudram tel dava.

2. Mose 13:16

Kava vell touke har i sikepen ap o vast oun mashkral tire yaka, te bistress gar, te las men o baro Devel peskro zorelo vasteha dran o them Egiptia vin.”

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

2. Mose 13:9

Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

2. Mose 14:18

Palle dikenn i Egiptarya, te hom me o baro Devel, te sikrom me miro barepen oun miri zoor ap o Farao, ap leskre vourdya oun leskre kourepangre.”

2. Mose 32:11

O Mose mangas o baro Debles, kay leskro Devel his, oun penas: “Baro Devel, tiro zorelo vasteha anal tou tire menshen dran o them Egiptia vin, oun sikral tiri tseli zoor. Hoske kameh tou len kanna an tiri rholi temerl te dell?

2. Mose 6:1

Koy penas o baro Devel ap o Mose: “Kanna dikess tou, hoy me o Faraeske krau. Dran miri bari zoor moukell lo len te djal. Miro vast vell yaake zorelo ap leste, te tradell lo len dran o them vin.”

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

2. Mose 9:16

Me moukom tout doleske djido, te dikess miri bari zoor, oun te rakrenn le mandar ap i tseli phoub.

Jesaja 55:13

Kote, kay soubyengre bourra oun soubyengro zenlepen bares van, djan kanna bare zenele rouka pre. Doleske vell o baro Debleskro lab sharedo. Oun kova hi ninna i sikepen, te bistrell kek, te his o baro Devel kova, kay sau koova kras.

Jesaja 64:4

Tou val pash kolende, kay kran o čačepen i barhtelo djiyeha, oun djan ap tire dromma oun kran, hoy lendar kamal. Tou rhoyral tout, har shounam bouder gar ap toute. Te djah ap tire dromma, leh tou men vin dran o čilačepen.

Jeremia 14:20

Baro Devel, mer dikah dren, kay djivam gar touha, oun mare phoure čilačepen kran. Mer lam doosh ap mende glan toute.

Jeremia 32:10

Oun me činom i ginepaskro liil, oun činom les yek kopo tele. Oun ko yek liil pandom, oun čivom miro sikepen koy pre, oun lom mange morshen pashel, kay dikan halauter, oun čivom kol love ap i vaga, te vell kova lauter pal o čačepen kerdo. Oun me lom ko pandlo ginepaskro liil, oun ko liil, hoy gar pandlo hi,

Ropaskre gilja 3:42

Mer anam doosh pral mende kokres, oun shounam gar ap toute. Kova bistral tou menge gar.

Ezekiel 5:6

I menshe an Yerusalem moukan pen či mandar te penell, oun shounan gar ap mande. Yon van čilačeder har kol themma, kay troul lende hi. Mire čačepaskre laba vitsran le pal pende, oun djivan gar yaake har lendar kamom.

Daniel 9:5

Mer anam bari doosh ap mende, kram, hoy gar mishto hi, ačam gar touha oun moukam tiro drom. Mer djivam gar pal tire laba oun pal tiro čačepen.

Louka 15:21

Koy penas o čavo ap leste: Tata, me krom i čilačo koova, kay me djom toutar oun o Deblestar krik. Oun me hom gar moldo, te ačap tiro čavo.

Louka 18:13

Ko pale-čiddo ačas palla tardo, oun hadas gar peskro shero pre. Oun yob das ap peskro beč, te sikrell lo, kay leskro čilačo koova khaytas les, oun penas: Miro Devel, me hom i čilačo morsh. Dik ap mande oun ab mange lačo!”

2. Korintarja 1:10

Oun yob moukas men gar te merell, oun krell kova vitar gar an ko tsiro, hoy glan mende hi. Ava, ap leste dikah, te lell lo men pale te pale vin dran o merepen an ko tsiro, hoy gomme glan mende hi.

5. Mose 5:15

Ma biste, kay hals i boudepaskro an o them Egiptia, oun me, tiro baro Devel, las tout vin miro zorelo vasteha oun pre-hadedi moussyah. Doleske penau me touke: Rike miro dives yaake.