Daniel 9:12 - O Debleskro Lab 2024 (Sinte-Manouche)

¹² Oun tou rikral tiro lab oun anal kova, hoy penal, pral mende oun pral mare čačepangre morshende, hoy menge o čačepen vin krenn. Koy bibarht, hoy moukal pral mende te vell, his yaake baro, te vas tel o tselo bolepen sau koova gar diklo har kova, hoy an o foro Yerusalem djas.

O Debleskro Drom 2021 (Sinte)

¹² Un tu rikral tiro lab un anal kowa, hoi penal, pral mende un pral mare tchatchepangre murshende, hoi menge o tchatchepen win krenn. Koi bibacht, hoi mukal pral mende te well, his jaake baro, te was tel o tselo bolepen sau koowa gar diklo har kowa, hoi an o foro Jerusalem djas.

Daniel 9:12 Iomraidhean Croise

1. Rajengro liil 3:9

Doleske mangau tout, de man i dji, hoy shounella, hoy tou peneh, te nay rakrap o čačepen vin pral i menshende, oun te hayvap, hoy mishto oun hoy gar mishto hi. Har nay dap hakeneste tire boud menshendar peskro čačepen, tou te deh kova mande gar?”

2. Rajengro liil 22:16

Kava penell o baro Devel: “Me anau čilačepen pral kava foro oun pral i menshende, kay kate djivenn. Ko tselo koova, hoy an ko liil tardo hi, oun hoy moukas peske o baro ray pral Youda glan te draverell, anau pral t'mende.

Hiob 12:17

Kol pralstoune, hoy i rayenge penenn, hoy te krenn le, kolendar lell lo lengro gosvepen krik, oun krell i čačepangre rayen dinelo.

Debleskri gili 148:11

Sharenn les, t'mer bare raya ap kay phoub t'mare menshentsa, t'mer pralstoune oun čačepangre raya;

Debleskri gili 2:10

Doleske avenn gar dinele, t'mer bare raya ap kay phoub! Shounenn mishto ap kova, hoy penau, t'mer, kay han čačepangre raya ap kay phoub!

Gosewe laba 8:16

Mandar lenn i pralstoune pengri zoor, te penenn le i menshenge, hoy te krenn le. Mandar lenn i čačepangre raya pengri zoor, te rakrenn le o čačepen vin pral i menshende.

Jesaja 43:28

Doleske čivom tire rashayen pale. Oun moukom menshen dran vavar themma pral toute vell, te vess paash dino, Yakob. Oun krom, te van t'mer Israelitarya praasedo.

Jesaja 44:26

Me krau, te venn kol laba čačo, hoy miro boudepaskro rakras. Oun kova, hoy mire bičepangre glan-vi penan, moukau yaake te djal, har le les penan. Me hom kova, kay ap o foro Yerusalem penell: “Mou djivenn menshe an toute!” Oun pral i forya an o them Youda penau: “Yon venn pale pre tardo.” Lauter hoy khetne phagedo hi, čivau me pale pre tardo!

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Jeremia 32:23

Oun har yon an o them dren van, oun les penge lan, shounan yon gar ap toute, djan vitar gar ap tiro drom. Oun halauter, hoy tou lenge zoreles penal, te krenn le les, kova kran yon gar. Doleske moukal ninna kava tseli bibarht pral lende te vell:

Jeremia 39:16

Dja pash o Ebed-Melek, kay dran Etiopia hi, oun pen leske: Kova penell o baro Devel, ko ray pral o bolepen oun i phoub, kay o Israeleskro Devel hi: Shoun, mire laba, hoy rakrom pral kava foro, venn čačo: Bibarht oun kek barht venn pral kava foro. Oun tou dikeh kova ap ko emligo tsiro.

Jeremia 44:23

T'mer rhačran soungepaskro koova i bolepaskri rayetsake, oun kran, hoy djoungeles hi glan o baro Debleskre yaka, oun shounan gar ap leste, oun djivan gar pal leskre laba oun pal leskro čačepen, oun kran gar, hoy yob t'mendar kamas. Doleske vas savi bibarht pral t'mende, yaake har kava dives hi.

Ropaskre gilja 1:12

T'menge halauterenge, kay nashenn kate ap o drom, penau: Hadenn t'mare yaka oun dikenn! Hi yek doukepen har miro doukepen, hoy pral mande vas? O baro Devel anas les pral mande ap ko dives, kay leskri zoreli rholi pral mande vas.

Ropaskre gilja 2:13

Ah, Yerusalem, hoy te penap touke? Miro foro, hoy yaake kamau, har nay dap tout kamle laba? Kekeske djas yaake djoungeles har touke! Hoy nay penoms touke, te djal touke feteder? Tiri douk hi yaake baro har o baro pani. Koon nay krell tout sasto?

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Ropaskre gilja 4:6

Koy doosh, hoy mire menshe ap pende anan, hi bareder har koy doosh, hoy anan i menshe an o foro Sodom pral pende. Kolengro foro djas sik tele, oun kek vast vas lenge ap i rig.

Ezekiel 13:6

Lengro dikepen hi či-moldo. Oun lengro dourkepen hi rhorhepen. Ninna te bičras len gar o baro Devel, penenn le Yaake penas o baro Devel, oun lourenn pre, te vell kova, hoy yon glan-vi penan.

Ezekiel 5:9

Oun me kamau t'mentsa yaake te krell, har kova kekeha krom, oun vitar gar krau an ko tsiro, hoy vella. Kava krau doleske, kay kran savo boud djoungelo koova.

Daniel 12:1

Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

Joel 2:2

Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

Zakarie 1:8

Me dikom an i rati i morshes, kay klissas ap i lolo gray. Yob ačas tardo an i tala mank i mirtetikre rouka. Pal leste his vavar graya: lole graya, kalo-parne graya oun parne graya.

Zakarie 7:12

Lengre djia kran le har bar, te shounenn le gar ap mire laba, hoy sikrenn har te djan le miro drom. Kal laba penan lenge mire rakepangre, kay djivan glan boud bersha. Doleske vas miri bari rholi ap lende.

Mateo 24:21

Ko tsiro vella djoungleder har halauter, hoy ap i menshende vas, yaake rah, har i phoub tardo hi. Oun ko tsiro, hoy vell pal kova, vell vitar gar yaake čilačo.

Mateo 5:18

Čačepah, me penau t'menge: Yaake rah har o bolepen oun i phoub ačenna, yaake rah vell či krik lino kol labendar, hoy o Mose oun kol Debleskre rakepangre penan. Vitar gar o tikneder lab vell krik lino yaake rah, bis te vell lauter čačo, hoy glan i rah tsiro penlo vas.

Markus 13:19

Kova, hoy an kol divessa pral i menshende vella, hi djoungleder har ko tselo čilačo koova, hoy ap i menshende vas yaake rah, har o Devel i phoub kras. Oun ko tsiro, hoy vell pal kova, vell vitar gar yaake čilačo.

Louka 21:22

An kol divessa vell o Debleskri rholi ap i menshende tele. Palle vell lauter čačo, hoy an o Debleskro lab činlo hi.

Remarja 15:8

Oun me penau t'menge: O Yezous Kristo vas i biboldenge, te dikenn le, o Devel rikrell ap peskro lab, hoy das yob lengre phourende.