Daniel 8:8 - O Debleskro Lab 2024 (Sinte-Manouche)

⁸ Oun koy morsh bouzni vas bareder oun bareder. Oun har koy bouzni yaake zorelo vas, phagas ko yek shing tele, oun star vavar shinga van kote vin, kay glanstounes ko yek his. Oun hako shing sikras ap i vavar rig: glan oun pal, čačes oun serves.

O Debleskro Drom 2021 (Sinte)

⁸ Un koi mursh busni was bareder un bareder. Un har koi busni jaake sorelo was, phagas ko jek shing tele, un star wawar shinga wan kote win, kai glanstunes ko jek his. Un hako shing sikras ap i wawar rig: glan un pal, tchatches un serwes.

Daniel 8:8 Iomraidhean Croise

2. Familjakro liil 26:16

Oun har leske boud zorlepen dino vas, phourdas pes leskro dji pre. Oun yob kras, hoy leske gar mishto his, oun hoy čilačo his glan leskro baro Debleste: Yob djas an koleskro kheer te rhačrell lo leske soungepaskro koova ap o sonakaskro bob.

Ester 9:4

Yon shounan, kay vas o Mordekay i baro morsh an o kheer o baro rayestar. An i tsele themma vas prindjedo, har lo baro oun bareder vas.

Jeremia 49:36

Hake star rigyendar moukau i phourdepen te vell, hoy vell pral lende, oun tradell len ap hake rigya, yaake te hi kek them ap kay phoub, kay hi kek menshe dran o them Elam tradedo.

Jeremia 5:27

oun kolen čirklengre khera pherde čirkle hi. Yaake hi lengre khera pherdo čoredo koova. Doleske van yon baro oun bravelo.

Ezekiel 16:7

oun vess baro! Tou val har i shoukar blouma. Oun val baro oun i oun shoukar djouvel. Tire čoučya van baro oun tire balla lengsto. Nango hals.

Ezekiel 28:9

Te dikeh tou palle kolenge an o mouy, kay tout moulo denn, peneh bouder gar: “Me hom o Devel!” Te hal an i vasta kolendar, kay marenn tout, hayveh, te hal i mensho oun kek devel.

Daniel 11:4

Ap ko tsiro, kay vas lo baro, phagell leskro them an star kotya – pal kol star bolepangre rigya. Kek kal star tikneder themma vell yaake zorelo har leskro them his. Oun kek leskre čavendar lell čomone kolestar. Na-a, leskri rayeskri zoor vas paash oun vas ap vavarende doureder dino.

Daniel 4:31

Oun har kol bersha trouyel djan, penas o Neboukadnezar: “Me hadom mire yaka pre pash o bolepen. Oun me vom pale sasto an miro shero. Oun me parkrom man pash o pralstouno Debleste. Les sharom oun hadom, kay hako tsiro djivella. Hako tsiro hi lo o pralstouno. Yob hi oun ačell o ray.

Daniel 5:20

Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

Daniel 7:2

Me, o Daniel, dikom i dikepen an i rati: I baro dourho vas dran i star rigya i phoubyatar oun phourdas pral o baro pani, te vas lo divyo.

Daniel 7:6

Oun pal kova dikom i vavar firhes, hoy vin dikas har i bari margodja. Koles his star čirklengre moussya ap peskro doumo. Oun ko firhes his star sherya oun les vas bari zoor dino pral i menshende.

Daniel 8:22

Oun kol star shinga, kay van baro, har ko ersto tele phagas, kolla hi star rayengre themma, kay venn dran ko yek rayeskro them. Kol star hi gar yaake zorele har ko ersto.

Daniel 8:5

Oun har dom me ap ko bakro yak, kote vas i morsh bouzni dran koy rig, kay o kham tele djal, oun leskre herya van gar ap i phoub. Oun les his yek baro shing mashkral peskre yaka.

Daniel 8:7

das les an peskri bari rholi, oun phagas ko bakreske leskre shinga tele. Oun an ko bakro his bouder kek zoor, te ačell lo tardo. Oun koy morsh bouzni vitsras ko bakres tel peste, oun stakras les khetne. Oun kek vas leske ap i rig.

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Markus 13:27

Palle bičrell lo i bolepangren pral i tseli phoub, te anenn le dran hako them kolen khetne, kay len o Devel peske vin rodas.

5. Mose 31:20

Me anau len an ko them, yaake har man sovel dom glan lengre phourende, te krap kova. Kova hi i them, an koleste boud thoud oun gvin hi. Oun yon rhan oun venn čalo oun thoullo. Oun kote nashenn le vavar deblenge palla, oun mangenn kolen an. Oun ap mande dikenn le tele, oun phagenn koy sovel, hoy le mantsa dren djan.

Debleskro tsiro 7:1

Oun pal kova dikom me star bolepangren. Kolla his tardo ap kol star rigya i phoubyatar, oun rikran ko zorelo dourho pale, hoy phourdell dran hake star rigya pral i phoub. Yon rikran les pale, te phourdell lo gar pral i phoub, vitar gar pral o baro pani, vitar gar pral i tsele rouka.