Daniel 8:22 - O Debleskro Lab 2024 (Sinte-Manouche)

²² Oun kol star shinga, kay van baro, har ko ersto tele phagas, kolla hi star rayengre themma, kay venn dran ko yek rayeskro them. Kol star hi gar yaake zorele har ko ersto.

O Debleskro Drom 2021 (Sinte)

²² Un kol star shinga, kai wan baro, har ko ersto tele phagas, kolla hi star rajengre themma, kai wenn dran ko jek rajeskro them. Kol star hi gar jaake sorele har ko ersto.

Daniel 8:22 Iomraidhean Croise

Daniel 11:4

Ap ko tsiro, kay vas lo baro, phagell leskro them an star kotya – pal kol star bolepangre rigya. Kek kal star tikneder themma vell yaake zorelo har leskro them his. Oun kek leskre čavendar lell čomone kolestar. Na-a, leskri rayeskri zoor vas paash oun vas ap vavarende doureder dino.

Daniel 7:6

Oun pal kova dikom i vavar firhes, hoy vin dikas har i bari margodja. Koles his star čirklengre moussya ap peskro doumo. Oun ko firhes his star sherya oun les vas bari zoor dino pral i menshende.

Daniel 7:7

Oun pal kova dikom an kava dikepen koy rati i starto firhes, hoy čilačeder oun divyeder his har kol vavar. Les his boud zoor oun sasterne danda, rhas troul peste oun dandras lauter paash. Oun kova, hoy pral ačas, stakras lo peskre pirentsa tel peste khetne. Oun yob his vavarčandes har kol vavar firhe, hoy glan leste his. Oun les his deesh shinga.

Daniel 8:21

Oun koy morsh bouzni hi o baro ray pral o grichtikro them. Oun ko baro shing, hoy mashkral leskre yaka his, hi ko ersto baro ray.

Daniel 8:23

Ap ko tsiro, kay lengro rayengro tsiro tele naashedo hi, hadenn pen boud menshe pral o Debleste oun krenn baro čilačo koova. Palle stell i baro ray pre, koles hi i čilačo mouy, oun hi i baro rhorheno.

Daniel 8:3

Oun kote dikom pre, oun dikom i bakro glan ko pani tardo. Koles his douy shinga, yek lendar his bareder har ko vavar. Oun ko bareder vas pal ko tikneder vin.

Daniel 8:8

Oun koy morsh bouzni vas bareder oun bareder. Oun har koy bouzni yaake zorelo vas, phagas ko yek shing tele, oun star vavar shinga van kote vin, kay glanstounes ko yek his. Oun hako shing sikras ap i vavar rig: glan oun pal, čačes oun serves.

Zakarie 6:1

Oun me dikom pale pre oun dikom star vourdya. Kolla van mank douy berge vin. Kol berge his dran lolo saster.