Daniel 8:2 - O Debleskro Lab 2024 (Sinte-Manouche)

² An miri souni homs an o zorelo kheer an o foro Susa an o them Elam, pash o lengsto pani Oulay.

O Debleskro Drom 2021 (Sinte)

² An miri suni homs an o sorelo kheer an o foro Susa an o them Elam, pash o lengsto pani Ulai.

Daniel 8:2 Iomraidhean Croise

1. Mose 10:22

Kolla hi i čave o Semestar: o Elam, o Assour, o Arpaksad, o Loud, oun o Aram.

1. Mose 14:1

An ko tsiro his i kourepen. Star bare raya kouran pen panč foryengre rayentsa. Kolla bare raya his: o Amrafel, ko baro ray pral o them Shinar, o Aryok, ko baro ray pral o them Ellasar, o Kedor-Laomer, ko baro ray pral o them Elam, o Tidal, ko baro ray pral o them Goyim.

Nehemia 1:1

Kava hi, hoy pral o Nehemia činlo hi, koleskro dad o Hakalya hi. Har his o Artaxerxes an o biishto bersh o baro ray, homs an o čon Kislev an baro rayeskro kheer an o foro Susa.

Ester 1:2

Leskri rayeskri beshepaskri his tardo an peskro zorelo kheer an o foro Susa.

Ester 2:8

Har kanna kol laba o baro rayestar trouyel djan, van boud ča anlo an o zorelo kheer an o foro Susa. Oun ninna i Ester his mank lende oun vas an o djouvyengro kheer anlo, oun an o vast ko morshestar Hegay dino, kay dell yak ap o djouvyengro kheer.

Ester 3:15

Oun kol naashepangre djan sik vin, yaake har o baro ray penas. Oun an o zorelo kheer an o foro Susa vas ko liil kote ap i kasht dino, kay nay dikell les hakeno. Oun o baro ray oun o Haman beshan pen tele, te rhan oun piyenn le. O tselo fores Susa tapras i daar.

Ester 7:6

Oun i Ester penas: “Kova, kay lell men palla oun kamell men te marell, kava hi ko čilačo morsh Haman!” Kote tapras o Haman i daar glan o baro rayeste oun i ranyate.

Ester 8:15

Oun o Mordekay djas vin o baro rayestar, rido an rayeskre koola. Kolla his blaueto oun parno. Oun ap leskro shero his shereskro sonakay. Leskri baya his dran layntikro than oun lolo bakrengro bal. Oun i menshe an o foro Susa stan oun dan gole i barhtyatar.

Ester 9:11

Ap ko dives vas o baro rayeske penlo, kitse moule das an o rayeskro zorelo kheer an o foro Susa.

Ester 9:15

Oun i bibolde an o foro Susa van ap o 14. (deesh-te-starto) dives an o čon Adar gomme yek kopo khetne, oun dan an Susa 300 (triin-sheel) morshen moulo. Lengro koova čoran le penge gar.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 21:2

Havo pharo koova vas mange siklo! O phoukepaskro phoukrella, oun o randepaskro randella. T'mer lourde dran i themma Elam oun Media, krenn t'men ap o drom, oun čivenn t'men pre troul lo foro Babilon. O baro Devel krell, te hounte rovell bouder kek pral kova, hoy i Babilonarya kran.

Jeremia 25:25

i tsele bare raya an i themma Simri, Elam oun Media;

Ezekiel 1:1

An o 30. (triin-deshto) bersh djivom khetne vavar menshentsa, kay pandles krik anlo van, pash ko lengsto pani, hoy kharell Kebar. An o starto čon ap o pančto dives an ko bersh djas o bolepen pre, oun o baro Devel sikras pes mande.

Ezekiel 32:24

Kote hi o Elam peskre tsele menshentsa. Troul leste trouyel hi le paskedo. Yon halauter van maredo o rhareha, oun djan tele an o moulengro them, kolla, kay gar činlo van ap pengro mass. Har le djido his, his i vavaren bari daar lendar. Kanna hounte hidjrenn le pengri ladj khetne kol vavarentsa an o moulengro them.

Daniel 10:4

Oun ap o 24. (biish-te-starto) dives an o ersto čon, homs me tardo pash ko baro lengsto pani Tigris.

Daniel 7:15

Mange o Danieleske, vas miro dourho an mande pharo, oun kova hoy dikom, kras mange bari daar.

Daniel 7:2

Me, o Daniel, dikom i dikepen an i rati: I baro dourho vas dran i star rigya i phoubyatar oun phourdas pral o baro pani, te vas lo divyo.

Daniel 8:1

An ko tsiro, har o Belsazar an o triinto bersh baro ray his, dikom me, o Daniel, i dikepen, yaake har glan kova dikom.

Daniel 8:3

Oun kote dikom pre, oun dikom i bakro glan ko pani tardo. Koles his douy shinga, yek lendar his bareder har ko vavar. Oun ko bareder vas pal ko tikneder vin.

4. Mose 12:6

Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

Debleskro tsiro 9:17

Oun me dikom kol grayen oun kolen, kay ap lende klissenna. Kolengre sasterne gada his lolo har i yag oun blaueto oun djelto. I grayen his shere har bare divye margodja. Oun dran lengre mouya vas yag oun khand, hoy marella.