Daniel 8:18 - O Debleskro Lab 2024 (Sinte-Manouche)

¹⁸ Oun har yob yaake mantsa rakras, homs čiddo har moulo ap miro mouy ap i phoub. Oun yob tapras man oun čivas man pale ap mire herya, te homs pale tardo.

O Debleskro Drom 2021 (Sinte)

¹⁸ Un har job jaake mantsa rakras, homs tchiddo har mulo ap miro mui ap i phub. Un job tapras man un tchiwas man pale ap mire herja, te homs pale tardo.

Daniel 8:18 Iomraidhean Croise

1. Mose 15:12

Har o kham tele djas, sovas o Abram zoreles dren. Oun ap leste vas bari daar. Oun rati vas troul leste.

Hiob 4:13

Rati, har sovom zoreles dom djoungeles souni.

Ezekiel 2:2

Oun har yob mantsa rakras, vas o Debleskri zoor an mande, oun hadas man pre. Oun kova, kay mantsa rakras, penas:

Daniel 10:16

Koy vas ko yek, kay vin dikas har i mensho, oun čivas peskro goushto ap miro mouy. Oun me krom miro mouy pre, oun rakrom, oun penom ap koleste, kay glan mande tardo his: “Miro ray, har dikom ko dikepen, tapras man savi daar, te ačas kek zoor an mande.

Daniel 10:18

Kote tapras man kova pale an, kay vin dikas har i mensho, oun das man pale zoor,

Daniel 8:17

Oun o Gabriel vas pash mande, kay me tardo homs. Oun i daar tapras man yaake zoreles, te perom ap i phoub. Yob penas ap mande: “Tou mensho, de yak oun shoun! Kova hoy dikal, kova hi ko tsireske, kay o tsiro kay phoubyake tele nashell.”

Daniel 8:27

Oun man, o Danieles, his bouder kek zoor, oun me homs divessa nasselo. Oun pal kova stom pale pre, oun krom miri boudi pash o baro rayeste. Oun ko dikepen, hoy dikom, kras mange daar oun nay hayvom les gar.

Zakarie 4:1

Oun o bolepaskro, kay mantsa rakras, vas pale oun djangras man pre har dran o sopen,

Louka 22:45

Oun palle stas lo pre oun djas pash peskre malende. Yon van khino oun sovan, yaake bibarhtelo hi le. Har yob dikas, te sovan le,

Louka 9:32

O Petro oun kol douy vavar his yaake khino, te sovan le. Har yon pre djangran, dikan le o Yezouses, har yob an peskro bolepaskro raylepen koy tardo his, oun kol douy morshen, o Moses oun o Eliyas, pash leste.

Bičepangre 26:6

Oun me patsau ap kova, hoy o Devel mare phourenge penas. Doleske hom me kate glan o čačepaskro tardo.

Debleskro tsiro 1:17

Oun har dikom les, perom glan leskre herya khetne, har voms moulo. Oun yob čivas peskro čačo vast ap mande, oun penas: “Ma dare! Mandar vas halauter. Oun lauter vella pale glan mande.