Daniel 7:9 - O Debleskro Lab 2024 (Sinte-Manouche)

⁹ Oun me dikom har bare rayengre beshepangre pre-čiddo van. Oun yek, kay boud phouro his, beshas pes. Leskro ripen his parno har gib. Oun leskre balla ap leskro shero his parno har bakrengro bal. Oun leskri beshepaskri his har i bari yag. Oun i rade tel i beshepaskri his har i yag, hoy pre oun tele djal.

O Debleskro Drom 2021 (Sinte)

⁹ Un me dikom har bare rajengre beshepangre pre-tchiddo wan. Un jek, kai bud phuro his, beshas pes. Leskro ripen his parno har gib. Un leskre balla ap leskro shero his parno har bakrengro bal. Un leskri beshepaskri his har i bari jag. Un i rade tel i beshepaskri his har i jag, hoi pre un tele djal.

Daniel 7:9 Iomraidhean Croise

1. Rajengro liil 22:19

O Mika penas: “Shoun, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

2. Familjakro liil 18:18

O Mika penas: “Shounenn, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

Debleskri gili 45:8

Tou kameh o čačepen, oun nay dikeh gar kolen glan tire yaka, kay o čilačepen krenna. Doleske rodas tout o Devel, tiro Devel, vin oun čoras boud barht pral toute vin, boudeder har pral hako vavar rayeste.

Debleskri gili 90:2

Glan i berge kerdo van, oun tou i phoub kral, hals tou, o Devel, koy. Oun tou ačeh hake tsirya.

Debleskri gili 93:2

Baro Devel, yaake rah har o bolepen oun i phoub koy hi, hal tou o baro ray. Glan hako tsiro hals tou koy.

Jesaja 6:1

An ko bersh. kay o baro ray Usiya meras, kote dikom me o Debles, maro rayes, beshdo ap i bari rayli beshepaskri. Oun o Debleskro kheer his pherdo ko telstouno kotar leskri plaashka.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Jeremia 49:38

Lengro baro rayes oun lengre pralstunen marau me, oun čivau miri rayeskri beshepaskri kote an o them Elam. Kova penell o baro Devel.

Ezekiel 1:26

Pral o bolepen, hoy pral lengre sherya his, his čomone, hoy vin dikas har i rayeskri beshepaskri dran kouč blaueto bar. Oun ap koleste his yek beshdo, kova dikas vin dikas har i mensho.

Daniel 7:13

Oun me dikom an kava dikepen an i rat yekes, kay vi-dikas har i mensho. Kova vas mank i volke bis pash ko phoureste, oun vas glan leste anlo.

Daniel 7:22

bis te kova vas, kay boud phouro his. Oun yob, ko pralstouno Devel, kras, te lenn peskre menshe pengro čačepen, oun venn i raya pral halauter.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Habakuk 1:12

[Me penom:] Tou, miro baro Devel, hal kokres o čačo Devel, oun hal hako tsireske koy! Mouk men gar te merell! Baro Devel, pash toute khatrah men, tou dal len gole, te denn le menge i phagi, ava, tou bičral len, te denn le men dava.

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

Mateo 28:3

Leskro mouy rhačas har i zoreli momeli. Oun leskro ripen his parno har i gib.

Markus 9:3

Oun leskre koola van rayles biyalo, yaake biyalo, har kek ap i phoub nay thovell len biyalo.

Bičepangre 2:30

O David his i Debleskro rakepaskro, kay nay dikas glan-vi, hoy vella. O David djinas, hoy o Devel leske penas, te vell yek pal leste, hoy vell o baro ray. Oun kova vella leskre menshendar. O Devel das pes sovel, te vell kova yaake.

Bičepangre 2:33

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Filiparja 3:9

Leske kamau te djivell. Har djivom pal o Moseskre lila kras man kova gar čačo glan o Debleste. Na-a, miro patsepen ap o Yezous Kristeste kras man čačo glan o Debleste. Koon patsell ap o Yezous Kristeste, koles čivell o Devel an o čačepen.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

1. Johanni 1:5

Kova, hoy t'menge penah, shounam o Yezous Kristestar. Lestar shounam, kay hi lauter lačepen an o Debleste. Oun kek čilačepen hi an leste. O Devel hi har o dives oun kek tamlepen hi an leste.

Debleskro tsiro 1:14

Leskre balla ap o shero his parno har i bakrengre balla, har gib. Oun leskre yaka rhačan har i yag.

Debleskro tsiro 19:18

oun rhan o mass kolendar lauterendar, kay venn maredo: i bare raya, i pralstoune, i lourde, i graya oun kolla, kay pre beshdo hi, i raya oun pengre boudepangre, i bare oun i tikne.”

Debleskro tsiro 20:4

Oun me dikom kolen, kolenge o shero tele dino vas doleske, kay rikran le zoreles ap o Debleskro lab oun sikran i menshende o Yezouseskro drom. Yon mangan gar ko firhes an, vitar gar ko firhes, hoy i menshendar kerdo vas. Oun yon lan gar o firheskro lab ap pengre shere, vitar gar ap pengre vasta. Kalla lauter van kanna djido. Yon hi beshdo ap i rayengre beshepangre, oun lenn i zoor, te rakrenn le o čačepen vin pral i menshende. Khetne o Yezous Kristeha hi le raya yek zero bersh.

Debleskro tsiro 4:2

Oun ap yek kopo vas o Debleskro Dourho zoreles ap mande, oun me dikom i rayeskro beshepaskro an o bolepen tardo. Oun ap koleste his yek beshdo.