Daniel 7:8 - O Debleskro Lab 2024 (Sinte-Manouche)

⁸ Oun har me yaake ap kol deesh shinga yak dom, vas i tikno vavar shing pre mashkral kol vavar shinga. Oun triin lendar van glan leste vin tserdedo. Ap ko shing his yaka har menshengre yaka, oun i mouy, hoy baro koova rakras.

O Debleskro Drom 2021 (Sinte)

⁸ Un har me jaake ap kol deesh shinga jak dom, was i tikno wawar shing pre mashkral kol wawar shinga. Un triin lendar wan glan leste win tserdedo. Ap ko shing his jaka har menshengre jaka, un i mui, hoi baro koowa rakras.

Daniel 7:8 Iomraidhean Croise

Debleskri gili 12:3

Hakeno rhorhell o vavares. Yon rakrenn douy čipyentsa oun dran douy djia.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 7:19

Kanna kamom me boudeder te djinell pral ko starto firho, hoy yaake vavarčandes his har kol vavar, yaake čilačo, oun koles sasterne danda oun naya dran lolo saster his, oun troul peste rhas. Oun kova hoy pral ačas, stakras lo peskre pirentsa khetne.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

2. Timoteo 3:2

An ko pharo tsiro dikenn i menshe ap pende, te djal lenge kokres mishto. Yon hi pal i love. Yon krenn pen bares. Yon dikenn tele ap i vavarende. Yon rakrenn djoungeles pral o Debleste. Yon shounenn gar ap pengro dadeste oun ap pengri date. Yon parkrenn pen gar ko lačepaske, hoy i vavar lenge kras. Yon djivenn yaake, har te dals kek Devel.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

Judas 1:16

Kolla hi save menshe, kolenge kova gar mishto doha hi, hoy o Devel len das. Oun yon rhoyrenn pen, kay lenge gar feteder djal. Yon djivenn pal pengro shero. Yon hi sharede, kay rakrenn shoukar labentsa i menshentsa, te lenn le lendar lačo koova.

Debleskro tsiro 13:1

Oun me dikom dran o baro pani i firhes pre te vell. Koles his deesh shinga oun efta shere. Oun ap haki shing hidjras lo i shereskro sonakay. Oun ap leskre shere his save laba činlo, hoy praasenn o Debles.

Debleskro tsiro 9:7

Oun kol stepangre his har graya, kay djan an o kourepen. Oun hakenes his ap leskro shero čomone har i shereskro sonakay, yaake har bare rayen hi. Oun lengre mouya his yaake, har vans le menshengre mouya.

1. Samuel 2:3

Moukenn tele t'maro sharepah! Ma krenn t'men bares! Moukenn bouder kek pre-phourde laba dran t'maro mouy vin! O baro Devel hi i Devel, kay kova djinell. Oun kova, hoy i menshe krenna, lell yob an o yak oun penell, hoy kova molella.