Daniel 7:6 - O Debleskro Lab 2024 (Sinte-Manouche)

⁶ Oun pal kova dikom i vavar firhes, hoy vin dikas har i bari margodja. Koles his star čirklengre moussya ap peskro doumo. Oun ko firhes his star sherya oun les vas bari zoor dino pral i menshende.

O Debleskro Drom 2021 (Sinte)

⁶ Un pal kowa dikom i wawar vieches, hoi win dikas har i bari margodja. Koles his star tchirklengre mussja ap peskro dumo. Un ko vieches his star sherja un les was bari soor dino pral i menshende.

Daniel 7:6 Iomraidhean Croise

Ezekiel 17:3

Pen lenge: Kava penell o baro Devel, maro ray: Kote his i baro adlari. Koles his bare moussya oun pesse shoukar phora troul peskro shero. Kova djas ap i berga Libanon oun phagas o pralstouno kotar i roukestar krik, hoy kharell cedera,

Daniel 10:20

Kote penas lo mange: “Hayval tou, hoske me pash toute vom? Me kamau toute te sikrell, hoy an ko liil činlo hi, kay o Debleskro čačepen dren tardo hi. Pal kova hounte kourap man o bolepaskreha, kay hi o ray pral o them Persia, oun palle koleha, kay hi o ray pral o grichtikro them. Oun kek hi koy, kay vell ap miri rig an o kourepen lentsa, kokres o bolepaskro Mikael, kay t'mare menshenge koy hi.

Daniel 2:39

Oun pal toute vell i vavar ray. Kova hi bouder gar yaake zorelo har tou. Oun pal koleste vell i triinto ray. Koleskro them hi har dran lolo saster, oun hi ray pral i tseli phoub.

Daniel 7:4

O ersto his har i levo, oun les his čirklengre moussya har i adlari. Oun me dikom, har i bare čirklengre moussya lestar krik lino van. Oun ko firho vas pre hadedo i phoubyatar, oun pre-čiddo ap peskre pire har i mensho. Oun les vas o dji i menshestar dino.

Daniel 7:5

Oun me dikom i vavar firhes, ko douytes. Kova his har i bero oun his tardo ap douy herya. Oun an leskro mouy his les triin bečeskre kokale mashkral leskre danda. Oun ap leste vas penlo: “Ste pre oun rha boud mass!”

Hosea 13:7

Yaake vau lenge har i levo, oun har i divyi margodja taprau len tele ap o drom.

Debleskro tsiro 13:2

Oun ko firho, hoy me dikom, his har i bari divyi margodja. Leskre herya his baro oun zorelo. Oun an leskro mouy his bare danda. Oun ko baro lolo sap das les peskri zoor oun peskro beshepaskro, te vas ko firho i baro ray, koles boud penepaske hi.