Daniel 7:24 - O Debleskro Lab 2024 (Sinte-Manouche)

²⁴ Oun kol deesh shinga hi deesh bare raya, kay lenn koy rayengri zoor. Oun pal lende vell yek vavar ray. Oun yob hi vavarčandes har kolla glan leste. Oun yob vitsrell triin lendar pengre beshepangre tele.

O Debleskro Drom 2021 (Sinte)

²⁴ Un kol deesh shinga hi deesh bare raja, kai lenn koi rajengri soor. Un pal lende well jek wawar rai. Un job hi wawartchandes har kolla glan leste. Un job witsrell triin lendar pengre beshepangre tele.

Daniel 7:24 Iomraidhean Croise

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 2:41

Tou dikal, kay i kotya i pirendar dran phoubyakri čik hi oun vavar kotya dran saster. Kova kamell te penell, koy hi boudeder themma, hoy gar čačepah khetne rikrenna. Kay saster dren hi, kote hi le zoreles.

Daniel 7:20

Oun ninna kamom te djinell, hoy kol deesh shinga ap leskro shero kamenn te penell, oun ko vavar shing, hoy vin vas, oun glan koleste kol triin vavar shinga vin peran. Oun kava shing his bareder har kol vavar. Oun les his yaka oun i mouy, hoy baro koova rakras.

Daniel 7:23

Oun kova, kay kote tardo his, penas mange: “O starto firho hi i starto tsiro, kay bari rayengri zoor ap i phoub diklo vella. Koy rayengri zoor hi vavarčandes har kolla, kay glan kova his, oun rhal i tsele themma pre, stakrell len khetne oun dell lauter paash.

Debleskro tsiro 12:3

Oun i vavar baro koova sikras pes ap o bolepen: I baro lolo sap vas. Oun les hi efta shere oun deesh shinga. Oun ap hako shero hi shereskro sonakay.

Debleskro tsiro 13:1

Oun me dikom dran o baro pani i firhes pre te vell. Koles his deesh shinga oun efta shere. Oun ap haki shing hidjras lo i shereskro sonakay. Oun ap leskre shere his save laba činlo, hoy praasenn o Debles.

Debleskro tsiro 17:3

Oun o Debleskro Dourho vas pral mande. Oun o bolepaskro anas man an o moulo them. Oun me dikom i djouvel ap i lolo firho beshdo, hoy les efta shere oun deesh shinga his. Oun ap koleste his save laba činlo, hoy praasenn o Debles.