Daniel 6:7 - O Debleskro Lab 2024 (Sinte-Manouche)

⁷ Kote nashan kol raya oun kol pralstoune sik pash o baro rayeste oun penan ap leste: “Tou baro ray Darius, te djivess hako tsireske!

O Debleskro Drom 2021 (Sinte)

⁷ Kote nashan kol raja un kol pralstune sik pash o baro rajeste un penan ap leste: “Tu baro rai Darius, te djiwess hako tsireske!

Daniel 6:7 Iomraidhean Croise

Debleskri gili 10:9

Čorrhanes khatedo har i levo an i bourra, yaake lourell yob ap o čorveleste, oun taprell les an peskri netsa oun tserdell les krik.

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Debleskri gili 59:3

Le man vin dran i vasta kol čilačendar, kol menshendar, kay kamenn te dikell, har miro rat nashell.

Debleskri gili 59:5

Ninna te krom me kek čilačepen, nashenn le kay, te denn le man moulo. Ste pre! Ab oun dik les touke kokres an!

Debleskri gili 62:4

Har rah djan t'mer lauter ap yek morsheste, te denn les moulo? Hom bouder či har i bango kheer, hoy kamell dren te phagell, oun koleskre barra bouder gar khetne rikrenna.

Debleskri gili 83:5

“Avenn”, penenn le, “Stakras len khetne, kol Israelitaryen! Kal menshenge hi kek platsa ap kay phoub. Ko lab Israel hounte vell bistedo!”

Debleskri gili 94:20

Tou čival tout gar khetne kolentsa, kay čačepangre morsha hounte vans, oun yon djan gar pal o čačepen, oun penenn ap o rhorhepen: “Kova hi o čačepen.”

Daniel 2:4

Kote rakran i dourkepangre an aramtikes ap leste oun penan: “Maro baro ray, te djivess hako tsiro! Pen tiri souni ap mende, tire boudepangre! Oun mer kamah touke te penell, hoy koy souni kamell te penell.”

Daniel 3:11

Oun kova, kay vitsrell pes gar glan late tele oun mangell lat gar an, kova hounte vell an i bobeskri yag vitsedo.

Daniel 3:2

Oun o baro ray Neboukadnezar bičras morshen vin, te anenn le khetne i tsele pralstunen, bare lourden, themeskre rayen, čačepangre morshen, lovengre pralstunen, rakepangre, pralstoune kliste oun lauteren, kay his penepaske pral vavarende. Kolla te venn pashel, te vell koy figura o ersto kopo an-mangedo.

Daniel 3:27

Oun i pralstoune, i bare lourde, o themeskre raya oun vavar pralstoune o baro rayestar van khetne, oun dikan penge kol morshen an, oun dikan, kay i yag kek zoor pral kolende his. Oun i balla ap lengre sherya his gar rhačedo. Oun lengre baya his gar paash. Oun ap lende soungas nay kek i yagakri khand.

Daniel 3:6

Oun kova, kay vitsrell pes gar tele oun mangell koy figura gar an, kova vell sik lino oun an i bobeskri yag vitsedo.”

Daniel 6:16

Kote nashan kol morsha pale khetne pash o baro rayeste oun penan ap leste: “Tou djineh, baro ray, pash i Medarya oun o Persarya hi o čačepen yaake, te nay vell kek lab pale pale lino, hoy o baro ray moukas te činell!”

Daniel 6:22

Kote rakras o Daniel o baro rayeha oun penas: “Baro ray, te djivess hako tsireske!

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

Nahum 2:12

Hoy vas kanna dran o foro Ninive? O foro his har i khatepen, kay o levo oun i levetsa pengre ternentsa trouyel nashan, oun kek koy his, kay lenge kote nay daar krals.

Mateo 12:14

Koy djan i Farisarya vin, oun rakran khetne, har yon les nay marenna.

Mateo 26:4

Oun yon rodan i drom, har nay taprans le o Yezouses čorrhanes, te marenn le les.

Markus 15:1

Sik taysarlake van i bare rashaya oun i biboldengre phoureder oun čačepangre khetne i tsele pralstoune biboldentsa. Oun yon rakran khetne, hoy te krenn le o Yezouseha. Oun yon pandan les, anan les pash o Pilateste oun dan les an leskre vasta.

Johanni 12:10

Yaake djan boud bibolde pash o Lazareste, oun patsan ap o Yezouseste. Doleske rodan kol bare rashaya i drom, har nay marenn yon ninna o Lazares.