Daniel 6:5 - O Debleskro Lab 2024 (Sinte-Manouche)

⁵ Koy rodan kol douy vavar raya oun kol pralstoune i doosh an leskri boudi o baro rayeske, hoy nashte anans le ap o Danieleste pre. Oun yon hatsan či. Lauter kras lo mishto oun čačo. Oun kek doosh vas ap leste hatslo, vitar gar i tikneder koova.

O Debleskro Drom 2021 (Sinte)

⁵ Koi rodan kol dui wawar raja un kol pralstune i doosh an leskri budi o baro rajeske, hoi nashte anans le ap o Danieleste pre. Un jon hatsan tchi. Lauter kras lo mishto un tchatcho. Un kek doosh was ap leste hatslo, witar gar i tikneder koowa.

Daniel 6:5 Iomraidhean Croise

Ester 3:8

Koy pal penas o Haman ap o baro rayeste Ahasveros: “Kate denna menshe, kay djivenn penge kokres mank i tsele vavar menshende kate te kote an tire tsele themma. Oun len hi i vavar čačepen har i tsele vavar menshen. Oun ap kova, hoy tou, baro ray, peneh, te vell kerdo, shounenn le gar. Kova hi gar mishto touke, te moukess len yaake doureder te krell.

Debleskri gili 37:32

O čilačo lell koles an o yak, kay an o čačepen tardo hi, te hatsell lo i drom, te nay dell lo les moulo.

Jeremia 29:7

Rodenn koy pal, te djal mishto o foreske, kay moukom t'men te anell. Oun mangenn ko foreske mandar lačepen! Te djal o foreske mishto, djal t'menge ninna mishto.

1. Samuel 24:17

Har o David kol laba ap o Sauleste rakras, penas o Saul: “Shounau me gar tout, miro čaves David, kate?” Oun o Saul rovas zoreles.

1. Samuel 29:3

Kote poučan i pralstoune lourde: “Hoy krenn kal Hebrearya kay?” Oun o Akish penas lenge: “Kava hi o David. Yob his i kourepaskro o Sauleske, ko rayeske pral o Israel. Glan boudeder har yek bersh vas lo pash mande. O tselo tsiro, har peras lo tele o Saulestar bis kanna hatsom či ap leste, hoy gar mishto hi.”