Daniel 6:4 - O Debleskro Lab 2024 (Sinte-Manouche)

⁴ Oun o Daniel his gosveder oun feteder har kol tsele vavar raya oun pralstoune. Oun doleske his o baro rayes an peskro dji, te čivell lo les pral o tselo rayeskro them.

O Debleskro Drom 2021 (Sinte)

⁴ Un o Daniel his gosweder un feteder har kol tsele wawar raja un pralstune. Un doleske his o baro rajes an peskro dji, te tchiwell lo les pral o tselo rajeskro them.

Daniel 6:4 Iomraidhean Croise

1. Mose 41:38

Oun o baro ray poučas peskre pralstoune boudepangrendar: “Nay hatsah mer i morsh har kava, kay o gosvepen o Deblestar an leste hi?”

1. Mose 43:18

Har yon dikan, kay van le an o Yosefeskro kheer anlo, vas len daar. Oun yek penas ap o vavareste: “Kol love, hoy an mare gone his o vavar kopo, hi, hoske vah kanna kate anlo. I Egiptarya kamenn mare bourike te lell oun men te taprell, te boudras lenge.”

Gosewe laba 29:27

Rhoyedo pral kolende, kay čilačo koova krenn, hi kolla, kay o čačepen krenn. Oun rhoyedo pral koleste, kay o čačepen krell, hi kolla, kay čilačo koova krenn.

Sikepaskro 4:4

Oun me dikom, har marenn pen i menshe tele oun krenn lači boudi, te venn le feteder har kol vavar, yaake te zilverenn kolla ap lende. Kova hi ninna či-moldo, oun yaake har te nashals yek pal o dourho, hoy djal pral i phoub.

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

Jeremia 18:23

Tou baro Devel, djineh, hoy len mantsa glan hi, kay kamenn le man moulo te dell. Ma biste lenge lengro čilačepen! Ma le lengri doosh lendar krik! Mouk len glan toute khetne te phagell, te vell tiri rholi pral lende!

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 29:7

Rodenn koy pal, te djal mishto o foreske, kay moukom t'men te anell. Oun mangenn ko foreske mandar lačepen! Te djal o foreske mishto, djal t'menge ninna mishto.

Daniel 3:8

An ko tsiro van Babilonarya oun phoukran ap i biboldende.

Daniel 5:12

Kova, hoy yob hayvell, hatseh gar pash i vavareste. Yob hi gosevo, nay penell, hoy sounya kamenn te penell, hayvell phare laba, oun sikrell pre, hoy kek djinell. Yob hi o Daniel. Oun o baro ray das les o lab Beltsazar. Mouk kanna o Danieles gole te dell, te vell lo kay. Oun yob penell touke, hoy kava kamell te penell.”

Daniel 6:22

Kote rakras o Daniel o baro rayeha oun penas: “Baro ray, te djivess hako tsireske!

Mateo 26:4

Oun yon rodan i drom, har nay taprans le o Yezouses čorrhanes, te marenn le les.

Mateo 27:18

O Pilato djinas mishto, te zilverenn le ap o Yezouseste. Oun dran kova dan le les an leskre vasta.

Louka 20:20

Yon lan o Yezouses an o yak. Oun yon bičran morshen, kay kran, har te vans le lačo. Oun kolla poučan boud koova lestar, te dikenn le, hoy yob penals, yaake te nay taprenn le les an leskro rakepen, oun te nay denn le les an i Remaryengre vasta.

Louka 20:26

Oun kote glan i menshende nay tapran le les gar an leskro rakepen, oun kran bare yaka pral kova, hoy yob penas, oun djinan bouder gar, hoy te penenn le.

Louka 22:2

Oun i bare rashaya oun i biboldengre čačepangre rodan i drom, har yon nay marenn o Yezouses. Yon kaman les gar glan kol boud menshende te taprell. Kolendar daran le.

Johanni 19:4

Oun pale djas o Pilato pash i biboldende vin, oun penas ap lende: “Me anau les pash t'mende vin, te dikenn t'mer, kay hatsau kek doosh ap leste.”

2. Korintarja 11:12

Te lau či t'mendar an ko tsiro hoy vella, palle doleske, te vap gar har kolla, kay lenn t'mendar love. Kamau gar, te nay sharenn le pen oun penenn, yon hi yaake har mer.

Filiparja 2:15

Yaake djivenn t'mer, har mishto hi. Oun kek hatsell i doosh ap t'mende. T'mer han o Debleskre čave, oun djivenn mashkral kol menshende, kay hi čilačo oun nashran pen an boud dinelo koova. Mashkral kolende han t'mer har i momlia an i rati,

1. Timoteo 5:14

Doleske kamau, te romedinerenn kol terne djouvya pale, te lenn yon čaven, oun te boudrenn yon an pengro kheer, yaake te nay penell kek djoungelo koova pral i patslende.

Tito 2:8

Pen les lenge yaake, te nay penell kek, kay kova gar čačo hi, hoy tou peneh! Palle nay rakrenn kolla gar djoungeles pral mende, kay hi rhoyemen ap mende. Na-a, yon ladjenn pen.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

Čačepangre 14:4

Leskro dad oun leskri day hayvan gar, te vas kova o baro Deblestar, kay i drom rodas, te nay perell lo ap i Filistarya. Kolla his i raya pral o Israel an ko tsiro.

1. Samuel 12:4

Yon penan: “Tou rhorhral men gar, oun lal touke či i zoryah, oun lal kekestar čomone an, te pandess tire yaka glan leskro čilačo koova.”

1. Samuel 18:14

Oun leske djas halauter mishto, oun o baro Devel his ap leskri rig.

1. Samuel 22:14

O Ahimelek penas ap o baro rayeste: “Koon mank tire tsele boudepangre hi yaake ap tiri rig har o David? Ninna hi lo tiri čakro rom oun o pralstouno pral tire feteder lourdende. Oun yob hi an-diklo an tiro tselo kheer.