Daniel 6:27 - O Debleskro Lab 2024 (Sinte-Manouche)

²⁷ Kava hi hoy t'mendar kamau: An i tsele themma, kay me baro ray hom, hounte darell hakeno o Danieleskro Debles peskro tselo djiyestar. Yob hi o djido Devel, oun ačella hako tsireske. An kek tsiro nashrell lo peskri rayeskri zoor. I tsele tsirenge ačell lo baro ray.

O Debleskro Drom 2021 (Sinte)

²⁷ Kawa hi hoi tumendar kamau: An i tsele themma, kai me baro rai hom, hunte darell hakeno o Danieleskro Debles peskro tselo djijestar. Job hi o djido Dewel, un atchella hako tsireske. An kek tsiro nashrell lo peskri rajeskri soor. I tsele tsirenge atchell lo baro rai.

Daniel 6:27 Iomraidhean Croise

Hiob 36:15

Phare tsirya oun douka hi ko Debleskro drom, har rakrell o Devel i mensheha. Koy krell lo leske i kanda pre, te shounell lo ap leste.

Debleskri gili 145:13

Tou hal oun ačeh o baro ray kanna oun hako tsireske. O baro Devel rikrell peskre tsele laba, oun hi lačo an halauter, hoy krell lo.

Debleskri gili 18:48

oun kras man zorleder har kolla, kay kouran pen mantsa, oun vitsras i menshen dran vavar themma tel mande.

Debleskri gili 18:50

Doleske sharau tout mank kolende, kay hi gar tire menshendar, baro Devel, oun givau gilya touke.

Debleskri gili 32:7

Pash toute nay khatrau me man, glan kova, hoy mange daar krell. Doleske sharau tout i barhtelo djiyeha pral kova, har tou man vin lal dran i bibarht.

Debleskri gili 35:17

Ray, har rah kameh tou kova te dikell oun kreh či? Le miro djipen dran i vasta kolendar vin, kay peran pral mande har divye firhe.

Debleskri gili 97:10

T'mer, kay o baro Debles kamenna, stakrenn o čilačepen khetne. O baro Devel rikrell peskre vasta pral o djipen kolendar, kay leskre hi, oun lell len vin dran o vast i čilačendar.

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

Daniel 4:31

Oun har kol bersha trouyel djan, penas o Neboukadnezar: “Me hadom mire yaka pre pash o bolepen. Oun me vom pale sasto an miro shero. Oun me parkrom man pash o pralstouno Debleste. Les sharom oun hadom, kay hako tsiro djivella. Hako tsiro hi lo o pralstouno. Yob hi oun ačell o ray.

Daniel 4:34

Me, o Neboukadnezar parkrau man pash o bolepaskro rayeste oun hadau les oun sharau les. Lauter, hoy yob krell oun kras, hi mishto. Oun leskre dromma hi čačo. Oun kolen, kay pen bares krenn, nay krell lo tiknes.”

Daniel 6:20

Sik taysarlakro, har o kham gar pre djas, stas o baro ray pre, oun djas sik pash i grouba, kay i leve hi.

Johanni 4:48

O Yezous penas ap leste: “Te dikenn t'mer gar boud Debleskro koova, kay kek mensho nay krella, patsenn t'mer gar.”

Bičepangre 4:30

Sike lende tiri zoor! Kre i nasselen sasto, oun kre boud baro oun zorelo koova an ko lab o Yezousestar, kay toutar vas oun tiro boudepaskro hi!”

Hebrearja 2:4

Oun o Devel das len peskri zoor, te krenn le baro oun zorelo koova, hoy kek vavar mensho nay krella. Yaake sikras lo, te penan le o čačepen. Ninna das lo i patslende peskro Dourho oun peskri zoor, te krenn le peskri boudi mashkral i menshende. Hakeneste das lo i zoor, te krell yob koy boudi, hoy o Devel lestar kamas.

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”